BIEPHUAH 3:7 - Mara Bible RV (BSI)

⁷ “Philadelphia Awnanopa vâlyuhchâpa hnohta hetana heta roh teh: ‘Mopathaihpa, a hmeiseihpa, Dâvi châhbi hnei ta, ahy hmahta khaw thei lei awpa ta a pahytuhpa, ahy hmahta pahy thei lei awpa ta a khawtuhpa ta he biezy he a reih.

BIEPHUAH 3:7 ပူးပေါင်းရင်းမြစ်များ

ZAWBÂ 11:10

A vaw chapia khiahta tlyma, Patâhna o liata a cha khô khiahta tlyma, Ryureina a aw khiahta tlyma, Ahy a pakhâ thei aw?

ZAWBÂ 12:14

A phie ha khiahta cha, Ahy hmah paduapathi thei leipa aw ei ta; Chyhsa a khawhlôh ha khiahta cha, Ahy hmah pahy thei aw vei.

HLAZY 145:17

Abeipa cha a yzie zydua liata sia ta, A hmotaopa zydua liata ngâchhihpa a châ.

HLAZY 16:10

Athihkhih liata ei thlahpa siesai leipa aw chi ta, Na Mo Pathaihpa thuzao awpa pasaih aw va chi.

HLAZY 89:18

Eima vyhphao cha Abeipa eih châ ta, Eima bei cha Izarei Mo Pathaihpa eih a châ.

ISAI 22:22

Dâvi pathlazy châhbi a ngiatlâh liata soh aw na ta, pahy aw ta, ahy hmahta khaw leipa aw ei ta; khaw aw ta, ahy hmahta pahy aw veih ei.

ISAI 30:11

Lâpi siesai u la, Lâthlôh tleisai teh u; Izarei Mo Pathaihpa thâtih chhao, Miah chho khao khah u,” ama tah.

ISAI 41:14

Nâ, Zakaw châkariepa y, Chi khah y; Nâmo, Izarei chyhsazy saih u, Chi khuh vy! Ei cha bao aw ei, Abeipa ta a tah. Châ chatlaituhpa cha, Izarei Mo Pathaihpa a châ.

ISAI 41:16

Âmo cha zie aw chi ta, Thlih ta phaoh aw ta; Chothyu ta a hiepatla khai aw ei. Chatawhcha Abeipa liata a ly aw chi ta, Izarei Mo Pathaihpa cha nâ palaikhei aw.

ISAI 41:20

Chatanachata Abeipa ku ta chazy cha tao ta, Izarei Mo Pathaihpa ta a paysapa a châzie, Hmô aw ei ta ama pahno aw; Pachâ khoh aw ei ta, Ama no â vâh aw.

ISAI 47:4

Miah Chatlaituhpa cha, A moh Pheisaihzy Abeipa châ ta; Izarei Mo Pathaihpa a châ.

ISAI 48:17

Abeipa ta hetana heta reih ta, Nâmo châ Chatlaituhpa, Izarei Mo Pathaihpa ta hetana heta a tah: “Kei he Abeipa na Khazohpa châ na ta, Na pha nawpa ta cha pachu na ta, Na sie nawpa lâpi liata châ chhihthatuhpa ei châ.

ISAI 49:7

Mohnao ngaitapa nata Babylaw râh ta a pasi kawpa, Ryureituhpazy chakaotuhpa Izarei phopi hnohta, Abeipa, Izarei Chatlaituhpa ta hetana heta tah ta, Izarei Mo Pathaihpa ta hetana heta a tah: “Abeipa ngâchhihpa vâta, Châ tlyhtuhpa Izarei Mo Pathaihpa vâta, Beizy ta a cha hmô ti ei ta a duah aw ei ta, Beimachâzy na hmiakô liata amâ bôh aw.”

ISAI 54:5

Châ Taotuhpa cha na vahpa châ ta, A moh Pheisaihzy Abeipa a châ; Châ Chatlaituhpa chhao Izarei Mo Pathaihpa châ ta, ‘Khizaw zydua Khazohpa,’ Tahpa ta awpa a châ.

ISAI 55:5

Abeipa na Khazohpa ta cha parônahsa ta, Izarei Mo Pathaihpa ta a cha parônahsapa vâta, Na pahno beih leipa phopi aw aw chi ta, Châ pahno beih leipa phopi ta nâ lâ â vaw râ aw.

ISAI 6:3

Chatawhcha serâfi pakha ta serâfi hropa hnohta, “Pheisaihzy Abeipa cha, A pathaih na, a pathaih na, a pathaih na; Leilô zydua a rônahna ta a bie,” tahpa ta a awsao raihrie ei ta.

MATHAI 16:19

Vârâh khinarâh châhbizy cha pie aw na ta, alei liata na chahrypa maih, vârâh liata chahrypa châ aw ta, alei liata na pathlâpa maih, vârâh liata pathlâpa a châ aw,” tah ta.

MATHAI 24:35

Lei nata vâ a lei aw, ei biezy deikua lei aw vei.

MÂKA 1:24

“Nâzari Zisu, kheihta tao awpa ma miah na khoh? Miah pahleipadia awpa ta ma nâ vy? Khazohpa Chyhsa Pathaihpa na châ tahpa ei pahno,” tah ta.

LUKA 1:32

Ano cha chyhsa rônahpa châ aw ta, Chônôchaipa Sawchapawpa bipa a châ aw. A pathlatuhpa Dâvi beidyuchhai cha Abeipa Khazohpa ta a hnohta pie aw ta,

LUKA 4:34

“Nâzari Zisu, kheihta tao awpa ma miah na khoh? Miah pahleipadia awpa ta ma nâ vy? Ahy ma na châ tahpa ei cha pahno, Khazohpa Mopathaihpa na châ,” tahpa ta awh ta.

ZAWHÂNA 14:6

Zisu ta a hnohta, “Kei he lâpi nata biehmeiseihpa nata hrona ei châ. Kei liata a sie leipa cha ahy hmah Paw kô tlô thei aw vei.

HMOTAOPAZY 3:14

Mopathaihpa nata Mosiapa kha dytha ei chi ta, lianycheihpa kha cha papuapa awpa ei ta tlao namâ haw.

1 ZAWHÂNA 5:20

A hmeiseihpa cha ahy ma a châ tahpa eima pahno thei nawpa ta, Khazohpa Sawchapawpa cha a vy ta, novâhna miah a pie tahpa eima pahno. Keimo cha a hmeiseihpa, a Sawchapawpa Zisu Krista liata a ypazy eima châ. Ano cha Khazohpa hmeiseihpa châ ta, chhâzaw hrona a châ.

BIEPHUAH 1:11

“Kei he Alphâ nata Ômekâ, âthaona nata achhâna ei châ. Na hmo hmôpa kha châbu liata roh la, Awnanopa hlao sarizy, Ephesi, Smynâ, Pekamu, Thiatirâ, Sadisâ, Philadelphia nata Laodisi Awnanopazy lâ paphao mah y,” a tahpa thei na ta.

BIEPHUAH 1:18

ahrohpa ei châ. Thi ha na ta, châhrasala moh tua, chhâzaw nata tlyzaw ta ahrohpa ei châ hih. Thina nata Athihkhih châhbizy ei hnei.

BIEPHUAH 1:5

Zisu Krista, pahnokheituhpa ngâchhihpa, athihpa hry liata a thyu heih tua chaipa nata lei beizy chô liata ryureituhpa tawhta ngiachhiena nata thlalôhna nama hnohta y mawh sy. Kyh miah pachâ ta, a thisaih ta eima moleinazy tawhta miah papuapa ta,

BIEPHUAH 15:3

Khazohpa chakaotuhpa Mawsi hla nata Mietakutaw hlazy hetana heta ama sa: “Hy Atotaotheipa Abeipa Khazohpa, Na hmotaopazy rônah ta, Noâh â chhih kaw dia! Hy phopizy Beichaipa, Na lâpizy sia ta, Â do kaw dia!

BIEPHUAH 16:7

Chatawhcha Maisâh tawhta ao vaw pua ta, “A châ na, Hy Atotaotheipa Abeipa Khazoh, Na pachianazy cha a do ta a sia!” tahpa ta â chhypa thei na ta.

BIEPHUAH 19:11

Chatawhcha vârâh a vaw pahy ta, arâ râhpa hmô na ta. A chô liata a kiahpa cha Ngâchhihpa nata Hmeiseihpa moh bipa châ ta, siana ta ryureih ta, chariah a dyuhpa a châ.

BIEPHUAH 19:2

A pachiana a do ta a sia; A sihryhna ta leilô a papuapa âzuahnô rônahpa cha, Khazohpa ta pachia ta; A chakaotuhpazy thisaih phuh cha, Âzuahnô chô liata a la haw,” tah ei ta.

BIEPHUAH 2:1

“Ephesi Awnanopa vâlyuhchâpa hnohta hetana heta roh teh: ‘A ku chachâh lâta awhsi miasari chaba ta, ngôh meiôh patyuna miasarizy hry liata a hlai ngâpa khata he biezy he a reih.

BIEPHUAH 21:5

Beidyuchhai liata a tyuhpa ta, “Moh tua, hmo to a thiehpa ta ei tao haw,” tah ta. “Roh teh, he biezy he ngâ a chhih ta â do,” tah heih ta.

BIEPHUAH 3:14

“Laodisi Awnanopa vâlyuhchâpa hnohta hetana heta roh teh: ‘Ngâchhihpa nata pahnokheituh dopa nata Khazohpa hmotaopazy âthaona Amen ta he biezy he a reih.

BIEPHUAH 4:8

Hmohrohneipa miapalihzy cha mathlaw miacharu hnei chyu ei ta, ama pôhpa chô lâ nata chhôh lâ mokhaoh ta a biepa ama châ. Chatanachata, “Atotaotheipa Abeipa Khazohpa, A y hapa, a y haipa nata a vaw y awpa cha, A pathaih na, a pathaih na, a pathaih na,” tahpa ta a chalih beih leipa ta, chhô nah zâ ta ama reithai.

BIEPHUAH 5:9

Chatawhcha âmo chata, “Nâ cha châbu chatypa a la tlâhpa châ chi ta, A chahnaonazy a pathlâ tlâhpa na châ. Thiepa ta y chi ta, Na thisaih ta, Chi to nata reih to, Phopi to nata râh to zy cha, Khazohpa châta na chatlai ha ei.

BIEPHUAH 6:10

Âmo chata, “Hy Abeipa Chônôchaipa, pathaihpa nata adopa, khachâ ma alei chô liata a pahrâpazy chô liata eima thisaih phuh la leipa ta y aw chi ta, âmo cha pachia leipa ta na y aw tly?” tahpa ta ao paro ngaitapa ta awh ei ta.