BIEPHUAH 3:5 - Mara Bible RV (BSI)

⁵ Pahnietuhpa cha, cha hawhta poh diehpa pabusapa châ aw ta, hrona châbu tawhta a moh phie beih leipa aw na ta, ei Paw hmiakô liata nata a vâlyuhchâpazy hmiakô liata a moh ei châhkhei aw.

BIEPHUAH 3:5 ပူးပေါင်းရင်းမြစ်များ

HLAZY 109:13

A pathlazy chhawh pathlahpa ta y ei sala, Chhâ a vaw pazi awpa liata a moh pahno khao leipa châ mawh sy!

HLAZY 69:28

Ahrohpazy châbu tawhta ama moh phiepa châ sala, Mosiapazy hry liata ama moh roh khah y.

MALAKHAI 3:17

“Ei ryu sôhpazy ei paki ti ei ta, kei eih châ aw ei ta, paw ta ano palôh a hmôpa a sawchapawpa a hrôbiehpa hawhta âmo cha ei hrôbieh aw ei,” Pheisaihzy Abeipa ta a tah.

MATHAI 10:32

“Ahy rai chyhsa hmiakô liata nâ châhkheipa cha, ei Paw vârâh liata a ypa hmiakô liata a châhkhei aw na ta,

LUKA 10:20

Châhrasala thlahpazy nama rei sai ta ama ypa vâta a ly leipa u la, vârâh liata nama moh ropa a châpa vâta tlao a ly teh u,” tah ta.

LUKA 12:8

“Ei cha chho ei, chyhsa hmiakô liata nâ châhkheipa maih cha, Chyhsa Sawchapawpa ta Khazohpa vâlyuhchâpazy hmiakô liata â châhkhei hra aw.

RYHPACHANEINA 9:14

Chavâta na patypamâ khah y. Pahleipadia aw ei na ta, avâ ry tawhta ama moh ei phie aw. Âmo hlâta phopi hmotaothei viapa nata lai viapa ta nâ ei cha tao aw,’ tahpa ta na chho ta.

PHILIPI 4:3

A châ na, raopaky ei kylâhpa chhao chi kha ei châ haw hra. Kha chanôzy kha vaw bao mah y. Âmo kha Klemena nata ei hrialâhpa hropa zydua chhaota thâtihpha vâta ei hriapasana liata nâ hrialâhpazy châ ei ta, hrona châbu liata ama moh a ypazy ama châ.

ZUDÂH 1:24

Tahmâ he nama pao lei nawpa ta châ hrôbieh theipa ei nata a rônahna hmiakô liata seina hnei leipa ta, a ly ngaitapa ta châ soh theipa ei,

BIEPHUAH 13:8

Alei chô liata a pahrâpa zydua, khizaw â thao tua no tawhta thie chiehpa Mietakutaw hrona châbu liata moh ro leipa maihta ano cha amâ chhy aw.

BIEPHUAH 17:8

Sahrâhpa na hmôpa kha vaw y ta, y khao heih leipa ta, aleichiepa khaohtlô tawhta kaw pua aw ta, leidiana lâ a sie aw. Chatawhcha lei liata a pahrâpazy, leilô tao tua no tawhta hrona châbu liata moh ro leipazy ta, y ha ta, a y khao heih leipa, a vy heih awpa sahrâhpa cha ama hmô tita, noâh ama tah ngaita aw.

BIEPHUAH 19:8

Poh rih dipa pathliepa nata pathaihpa A bu awpa pasaipa a châ,” vaw tah ta. Poh rih dipa cha mopathaihpazy siana hmotaopa a palâsa.

BIEPHUAH 2:11

Thlahpa ta Awnanopazy hnohta bie a reipa he nakhaoh a hneipa ta cha thei mawh sy. Pahnietuhpa cha thina einona ta pasasa aw vei,’ a tah na,” tahpa ta.

BIEPHUAH 2:7

Thlahpa ta Awnanopazy hnohta bie a reipa he, nakhaoh a hneipa ta cha thei mawh sy. Pahnietuhpa cha Khazohpa pârâdi liata hrona tho theilâpa nie awpa ei pasai aw,’ a tah na,” tahpa ta.

BIEPHUAH 20:12

Beidyuchhai hmiakô liata molaipa nata mochyhpa athipazy a duahpa hmô na ta, châbuzy pahypa a châ. Châbu hropa, hrona châbu chhao pahypa châ ta. Athihpazy cha châbuzy liata ropa hawhta, ama hmotaozie lymâ hawhta pachiapa ama châ.

BIEPHUAH 20:15

Ahy rai hrona châbu liata a moh ropa hmô awpa a y leipa cha, mei tipo liata thypa a châ.

BIEPHUAH 21:27

Hmo puapa deikua cha kheihawhpa hmah a ngia thei aw vei. Hmo pasichhihpa a taopa nata haipa bie a reihpa ahy hmah a ngia thei hra aw veih vei. Mietakutaw hrona châbu liata moh ropazy deita ta amâ ngia thei aw.

BIEPHUAH 22:19

Ahy rai ta he hrohsona châbu liata biezy he a thy bâ khiahta cha, he châbu liata palâsapa hrona tho nata khihpi pathaihpa liata a tovyuh cha Khazohpa ta a lapa aw.

BIEPHUAH 3:12

Pahnietuhpa cha ei Khazohpa Achhyna o liata otôh ta tao aw na ta, cha su tawhta pua khao aw vei. Ano liata ei Khazohpa moh nata ei Khazohpa khihpi, Zerusale thiehpa moh roh aw na ta, cha cha ei Khazohpa tawhta a za chôpa moh châ aw ta, vârâh tawhta a za chô awpa moh a châ. Cha cha ei moh thiehpa a châ aw.

BIEPHUAH 3:4

Châhrasala Sadisâ liata chyhsa chyhta ama y chy. Âmo cha ama poh a papuapalei leipazy châ ei ta, poh diehpa a bupa ta ei hnohta ama charei aw. Cha hawhta a y thei awpazy tlai ama châ.

BIEPHUAH 6:11

Ama hnohta poh diehpa pie chyu ei ta, ama chakaolâhpazy nata ama unawhzy âmo hawhta thie khaipa ama châ hlâlei, bohpi leipa chhôh a pahâ chy awpa ta chhopa ama châ.

1 SAMUELA 17:25

Izarei pheisaihzy ta, “Kha chyhsa a vaw puapa kha nama hmô ma? Izarei pahao awpa ta a vaw pua. Ano a thie theipa cha abei ta sôh nata thih hluhpi piepa ta pahneirôhsa aw ta, a sawchanô pie aw ta, a paw chhôhkha cha râhpaw paeipa ta Izarei râh liata a paysa aw ei,” tah ei ta.