BIEPHUAH 3:18 - Mara Bible RV (BSI)

¹⁸ Na hneirôh thei nawpa ta mei liata pathaisapa ngôh zy, na thluahrua maophyuh chhiepa â lâ lei nawpa ta poh diehpa a bu awpa zy, na hmô thei nawpa ta na mo liata hnia awpa mo pasana thohna zy kei tawhta chalei awpa ta ei cha chhosie.

BIEPHUAH 3:18 ပူးပေါင်းရင်းမြစ်များ

HLAZY 107:11

Khazohpa bie chakhia ei ta, Chônôchaipa ryhraona khâpasaw ta ama rei leipa vâta a châ.

HLAZY 16:7

Ryh nâ raopatuhpa Abeipa cha ei reithai aw, Zâ ta chhao ei palôh ta eina pachu tyh.

HLAZY 32:8

“Na sie nawpa lâpi chhopa ta cha pachu aw na ta, Ei mo ta cha tawpâpa ta ryh ei cha raopa aw.

HLAZY 73:24

Na ryhraona ta na chhihtha chi ta, Cha khai tawhta rônahna liata einâ ly aw chi.

BIESOZY 1:25

Ei ryhraopa zydua hraoleipa ta tao ei chi ta, Ei chhoreina rai namâ pyh khoh leipa vâta,

BIESOZY 1:30

Ei ryhraopa miakha hmahta khoh leipa ei ta, Ei chhoreina zydua ama papeisa leipa vâta,

BIESOZY 19:20

Pasopakâna bie nathlie la pachuna a pyh mah y, Achhâna liata sona na hmô aw.

BIESOZY 23:23

Biehmeiseihpa chalei la zuah khao leipa la, Sona nata pachuna nata pahnona zy chalei mah y.

BIECHHOTUHPA 8:2

Abei cha Khazohpa bietai a daopa a châpa vâta, a biepiepa zyh mah y.

ISAI 47:3

Na thluahruana palâpa châ aw ta, Na nozana hmôpa a châ aw. Phuh la aw na ta, Ahy hmahta pahlôh aw va na.

ISAI 55:1

“Hy nâmo, dâhphipa zydua saih u, A vy u la, ti yna lâ a vy teh u. Tâkâ a hnei leipazy chhao a vy u la, Chalei u la, nie teh u! A vy u la, kresawhti nata sâhpiti zy cha, Tâkâ byuh leipa ta chalei u la, A mâ leipa ta chalei teh u.

ZEREMIAH 13:26

Keima tlai ta na hnorâh ty aw na ta, Na hmia khuna taihta ei ty aw; Chatanachata maophyuhpa ta na y aw.

DÂNIAH 12:2

Chatawhcha alei dohlei liata â môpa chyhsa hluhpi a vaw hra aw ei ta, thokha tlyzaw hrona lâ sie aw ei ta, thokha nozana nata tlyzaw thaileichâna lâ ama sie aw.

MIKÂ 1:11

Hy Saphi mo saih u, Thluahruapa ta sie u la, Nozapa ta sie syulyu ha teh u. Zanâ mo cha vaw pua veih ei; Betheze liata chaphôhtuna y ta, Chavâta cha bao thei khao aw vei.

NÂHU 3:5

Hy Ninivâ, moh teh, ei châ dyuh hih, Pheisaihzy Abeipa ta a tah. Na hmia khuna taihta na hnorâh ty aw na ta, Phopizy na thluahruana pamosa aw ei na ta, Khinarâhzy na nozana ei pamosa aw ei.

MALAKHAI 3:3

Tâkâ pathaituhpa nata a thlipasohtuhpa hawhta a tyuh aw ta, Livai pathlazy cha pathaisa aw ta, ngôh nata tâkâ a thlipasohpa hawhta âmo cha a thlipasoh aw ta, siana ta Abeipa lâta hmohlâpazy ama hlâ aw.

MATHAI 13:44

“Vârâh khinarâh cha lyu liata ryubyh nyupa chyhsa pakha ta hmô ta, nyu heih ta, a ly ngaitapa ta sie ta, a hneina zydua zuah ta, cha lyu cha a chaleipa hawhta a châ.

MATHAI 25:9

Asopazy ta a chhy ei ta, ama hnohta, ‘Keimo nata nâmo châta a daih aw vei, meiti zuahtuhpazy lâ vawh u la, tlao kei chalei teh u,’ tah ei ta.

LUKA 12:21

Ano châta sôh pachô ta, Khazohpa lâta hneirôh tlôh leipa cha, cha chyhsa hawhta a châ aw,” tah ta.

2 KAWRINI 5:3

Vâ atobina ta eimâ tobi ha khiahta cha, thluahruapa ta y aw ma pi.

2 KAWRINI 8:9

Eima Beipa Zisu Krista ngiachhiena cha, ano dyhchhiena vâta nâmo nama hneirôh thei nawpa ta, hneirôhpa a châpa chhao ta nâmo vâta dyhchhiepa ta â taona liata nama pahno.

1 TIMAWTHY 6:18

Hmopha ama tao awpa châ ta, hmopha taona liata hneirôhpa ta, riaphapa ta, ama hneina mohropazy amâ chhaih hra awpa a châ.

ZÂMIE 2:5

Unawh kho ngaitapa saih u, pachâ tua u! Khizaw pachâ ta dyhchhiepazy cha, ngiapâna liata hneirôh awpa nata ano kyh pachâtuhpazy hnohta bie â taihpa khinarâh ryutotuhpazy châ awpa ta, Khazohpa ta â tlyhpazy châ veih ei ma?

1 PITY 1:7

Chatanachata pasiapa ta a ypa namâ ngiapâna cha, mei ta pasiapa ngôh hlâta sôh viapa ngiapâna hmeiseihpa a châzie a lâ aw ta, Zisu Krista â vaw luah tita reithaina nata palyupalihna nata rônahna zy nama to aw.

BIEPHUAH 16:15

“Moh teh u, parutuhpa hawhta ei vy hai! A hrohrua ta, chysia a tobi chiehpa ta a ypa cha a nohlao na. Chataleipatala thluahruapa ta a khie aw ta, chyhsa ta a thluahruana ama hmô pathlei aw!”

BIEPHUAH 19:8

Poh rih dipa pathliepa nata pathaihpa A bu awpa pasaipa a châ,” vaw tah ta. Poh rih dipa cha mopathaihpazy siana hmotaopa a palâsa.

BIEPHUAH 2:9

“‘Na pasataozie nata na dyhchhiezie zy ei pahno. Châhrasala hneirôhpa na châ. Zu hmeiseihpa châ tlôh leipa ta Zu â tahpa, Sâtâ pakhyna o a châpazy ta ama cha reipachhiena chhao ei pahno.

BIEPHUAH 3:17

“Sôh hluhpi a pachô ha na ta, ei hneirôh haw, khâpa hmah a phahla va na,” tah chi ta, châhrasala rietheipa, ngiachhiechhihpa, dyhchhiepa, mochaopa nata thluahruapa na châ tahpa a pahno va chi.

BIEPHUAH 4:4

Beidyuchhai chadôpa ta beidyuchhai hropa miakih nata miapalih y ta, cha liata machâ paki nata papalih poh diehpa a bupa ta a tyuhpa hmô na ta, ama luh liata ngôh lakhozy a kho ei ta.

BIEPHUAH 7:13

Machâ hry liata pakha ta ei hnohta, “He poh diehpa a bupazy he ahyzy ma ama châ, khataih tawhta a vypa ma ama châ?” tahpa ta na hiahri ta.