BIEPHUAH 3:14 - Mara Bible RV (BSI)

¹⁴ “Laodisi Awnanopa vâlyuhchâpa hnohta hetana heta roh teh: ‘Ngâchhihpa nata pahnokheituh dopa nata Khazohpa hmotaopazy âthaona Amen ta he biezy he a reih.

BIEPHUAH 3:14 ပူးပေါင်းရင်းမြစ်များ

ÂTHAONA 49:3

“Rubena, nâ cha ei sawchapaw uhtheipa châ chi ta, Ei hmotaotheina na châ; Ei thatlôna thei hmiatuapa châ chi ta, Zachhih chaipa nata biehnei chaipa na châ.

BIESOZY 14:5

Pahnokheituhpa ngâchhihpa cha haipa bie reih leipa aw ta, Pahnokheituhpa pakheipa deikua cha hai­pa biezy a papua tyh.

BIESOZY 8:22

“Abeipa ta hmo a tao tua nota na tao ta, Hlâno ta a tao tuachaipa ei châ.

ISAI 55:4

Ano cha phopizy châta pahnokheituhpa ta rao na ta, Phopizy chhituhpa nata hyutuhpa ta ei rao.

ISAI 65:16

Kha hlâta nôponazy kha mypa châ ha ta, Ei mo tawhta nyupa a châ hapa vâta, Alei liata anosasyh ta byhnâ â awpa cha, Biehmeiseihpa Khazohpa ta byhnâ pie aw ta, Alei liata bietai a taopa cha, Biehmeiseihpa Khazohpa liata bietai a taopa a châ aw.”

ZEREMIAH 42:5

Âmo ta Zeremiah hnohta, “Abeipa na Khazohpa ta miah chho awpa ta a cha tuapa bie zydua hawhta eima tao leipa khiahta cha, Abeipa cha miah padei awpa ta bie a pahnokheituhpa dopa nata ngâchhihpa châ mawh sy.

ZAWHÂNA 1:3

Ato zydua ano hmâpa ta taopa châ ta, hmotaopa zydua ano a hlao leipa ta khâpa hmah taopa y vei.

ZAWHÂNA 8:14

Zisu ta âmo cha a chhy ta, “Keimasasyh ta ei pahnokheipa chhao ta, ei bie pahnopa cha a do ta, ei vaw puana nata ei sie nawpa ei pahno. Nâmo deikua ta cha, ei vaw puana pahno leipa ei chi ta, ei sie nawpa chhao pahno hra veih ei chi.

2 KAWRINI 1:20

Khazohpa bietai zydua cha Krista liata, “A châ” tahpa ta â vaw ki khai haw. Chavâta ano moh ta nata ano rônah nawpa ta, Khazohpa lâ Amen eima tah tyh.

RYHPACHANEINA 21:17

A kho lei viapa sawchapawpa cha sawchapaw uhthei dopa châ ta, ano cha a pahno awpa a châ. A hneipa zydua tawhta tovyuh su thôh su no a pie aw. Ano cha a thatlôna thei hmiatuapa châ ta, sawchapaw uhthei châna tovyuh cha ano eih a châ.

KAOLAOSÂ 1:15

Krista cha hmô thei leipa Khazohpa a lyupa, hmotaopa zydua hry liata a pih tua chaipa a châ.

KAOLAOSÂ 1:18

Awnanopa cha a pôhpa châ ta, ano cha Awnanopa luh a châ. Ano cha âthaona châ ta, athihpazy hry tawhta a thyu tuachaipa sawchapaw uhtheipa châ ta, ato liata a y tua chaipa a châ.

KAOLAOSÂ 2:1

Nâmo nata Laodisi khih liata a ypazy nata ei hmia nâ hmô leipazy châta kha tlu ta ma ei tei lylia tahpa nama pahno awpa ei khoh.

KAOLAOSÂ 4:16

He châpaphaopa he nama hry liata rei khaipa a châ tawhta, Laodisi Awnanopa chhao pareisa hra u la, nâmo chhao Laodisi mo hnohta ei châpaphaopa kha vaw reih hra muh vy.

BIEPHUAH 1:11

“Kei he Alphâ nata Ômekâ, âthaona nata achhâna ei châ. Na hmo hmôpa kha châbu liata roh la, Awnanopa hlao sarizy, Ephesi, Smynâ, Pekamu, Thiatirâ, Sadisâ, Philadelphia nata Laodisi Awnanopazy lâ paphao mah y,” a tahpa thei na ta.

BIEPHUAH 1:5

Zisu Krista, pahnokheituhpa ngâchhihpa, athihpa hry liata a thyu heih tua chaipa nata lei beizy chô liata ryureituhpa tawhta ngiachhiena nata thlalôhna nama hnohta y mawh sy. Kyh miah pachâ ta, a thisaih ta eima moleinazy tawhta miah papuapa ta,

BIEPHUAH 19:11

Chatawhcha vârâh a vaw pahy ta, arâ râhpa hmô na ta. A chô liata a kiahpa cha Ngâchhihpa nata Hmeiseihpa moh bipa châ ta, siana ta ryureih ta, chariah a dyuhpa a châ.

BIEPHUAH 2:1

“Ephesi Awnanopa vâlyuhchâpa hnohta hetana heta roh teh: ‘A ku chachâh lâta awhsi miasari chaba ta, ngôh meiôh patyuna miasarizy hry liata a hlai ngâpa khata he biezy he a reih.

BIEPHUAH 21:6

Chatawhcha ei hnohta, “A ngoh haw! Kei he Alphâ nata Ômekâ châ na ta, âthaona nata achhâna ei châ. Dâhphipa hnohta hrona tihnawh tawhta ti a saipa ta ei pie aw.

BIEPHUAH 22:13

Kei he Alphâ nata Ômekâ, hmiatuapa nata hnôhchaipa, âthaona nata achhâna ei châ.

BIEPHUAH 22:6

Chatawhcha vâlyuhchâpa ta, “He biezy he ngâchhih ta â do. Abeipa, hrohsopazy thlahpa Khazohpa ta hmo thlai a vaw tlô awpazy cha a chakaotuhpazy pahmô awpa ta a vâlyuhchâpa a vaw tuah,” tahpa ta na chho ta.

BIEPHUAH 3:7

“Philadelphia Awnanopa vâlyuhchâpa hnohta hetana heta roh teh: ‘Mopathaihpa, a hmeiseihpa, Dâvi châhbi hnei ta, ahy hmahta khaw thei lei awpa ta a pahytuhpa, ahy hmahta pahy thei lei awpa ta a khawtuhpa ta he biezy he a reih.