BIEPHUAH 3:10 - Mara Bible RV (BSI)

¹⁰ Tao hualuana kyh liata ei bie nâ pyhpa vâta, alei liata a pahrâpazy pasia awpa ta khizaw zydua liata pasiana daihti a vaw tlô awpa tawhta ei cha pabohsa aw.

BIEPHUAH 3:10 ပူးပေါင်းရင်းမြစ်များ

ISAI 24:17

Hy lei chyhsa y, Chichhihna ta cha y khâh ta, Khaohtlô nata khoheih zy ta ama cha y khâh hih!

DÂNIAH 12:10

Chyhsa hluhpi âmosasyh ta a pathaisa aw ei ta, a pangyuhsapa ta amâ taopathi aw. Moleipazy deikua cha ama molei via rili aw. Moleipa ta a pachâna pahno leipa aw ta, chyhsa sopazy deikua ta cha ama pahno aw.

ZEKARIA 13:9

A su thôhna cha mei ta ei pasia aw ei; Tâkâ pathaisapa hawhta pathaisa aw ei na ta, Ngôh pasiapa hawhta ei pasia aw ei. Ei moh pado aw ei ta, Ei chhy aw ei. Kei ta, ‘Ei phopi ama châ,’ tah aw na ta, Âmo ta, ‘Abeipa cha eima Khazohpa a châ,’ ama tah aw,” Abeipa ta a tah.

MATHAI 24:14

He khinarâh thâtihpha he phopi to pahno awpa ta khizaw zydua liata chhopa châ aw ta, cha khai tawhta chhâna cha a vaw tlô aw.

MATHAI 26:41

Reipasaona liata namâ ngia lei nawpa ta, a vaih u la, thlahchhâ teh u. Thlahpa ta la hoh ta, sapa deikua a dadieh,” tah ta.

MATHAI 6:13

Reipasaona lâta miah a chhi khah y, Moleipa tawhta miah pachha mah y. Khinarâh zy, hmotaotheina zy, rônahna zy, Chhâzaw nata tlyzaw ta na eih châ tlôh ta. Amen.’

MÂKA 14:9

Hmeiseihta ta ei cha chho ei, khizaw zydua liata thâtihpha ama chhona su lia maihta, he chanô hmotaopa he ano a thei thlâh nawpa ta ama reih lymâ hra aw,” tah ta.

LUKA 2:1

Cha nohzy liata, Kaisarâ Awkâstu ta khizaw zydua maluhpi rei awpa ta biepie ta.

ZAWHÂNA 17:6

“Khizaw tawhta la papua chi ta, kei eina piepazy chi hnohta na moh ei palâhâh haw. Âmo cha nâ eih châ ei ta, nâ ta âmo cha kei na pie chi ta, na bie ama zyh haw.

RAWMA 1:8

A hmiatua chai ta, namâ ngiapâna kyh Khizaw zydua liata a pathâhpa vâta, nama zydua châta Zisu Krista moh ta ei Khazohpa lâ alyna bie ei reih.

1 KAWRINI 10:13

Chyhsa chô liata a tlô tyhpa reipasaonazy dei leipa ta cha, reipasaona hropa nama chô liata tlô beih vei. Khazohpa cha ngâchhihpa châ ta, nama pahnie lei awpa reipasaona namâ tyh awpa pasaih aw vei. Reipasaona nama pahnie thei nawpa ta, reipasaona raohpa ta a râ nawpa lâpi a cha taopa aw ei.

EPHESI 6:13

Chavâta noh pha leipa liata namâ dyuh thei nawpa nata nama tao khai tawh chhao ta namâ duah thei nawpa ta, Khazohpa chariah chhaichhi pakipa ta a tobi teh u.

2 TIMAWTHY 2:12

Pasa eima tao khiahta cha, A hnohta ryu eima reih hra aw; Ano eimâ paphasai khiahta cha, Ano chhao ta miah â paphasai hra aw;

ZÂMIE 3:12

Unawh saih u, theiku kô liata ôli thei a pathei beih ma? Cha leipa chhao ta, kre zôh liata theiku a pathei thei ma? Cha hawhna chata ti iahpa khaoh ta ti pahâhpa papua thei hra vei.

1 PITY 4:12

Kho ngaitapa saih u, pasiana ru ngaitapa a tyhpa ta pasa nama tao tita, nama chô liata hmo a tlôpa cha noâh tah khuh vy.

2 PITY 2:9

Cha hawhna chata Abeipa ta ano a pachâtuhpazy cha reipasaona tawhta a pachha nawpazie pahno ta, sialeipazy cha pachiana noh a tlô hlâlei hriena ry liata soh chy nawpazie chhao a pahno.

BIEPHUAH 1:9

Kei, Zawhâna, nama unawhpa nata Zisu liata rietheina nata khinarâh nata tao hualuana kyh liata châ taokheituhpa ei he, Khazohpa bie nata Zisu pahnokheina bie vâta Pâtamô liahpahlô ama tahpa liata y na ta.

BIEPHUAH 11:10

Lei chyhsazy rie a patheipa hrohsopa panozy thiepa ama châpa cha, lei chyhsazy a ly kaw aw ei ta, alynazy tao aw ei ta, hmosaipiepazy amâ pie raihrie aw.

BIEPHUAH 13:10

Seichâna lâ a sie awpa chyhsa cha, Seichâna lâ sie aw ta; Zaozi ta thie awpa chyhsa cha, Zaozi ta thiepa a châ aw. Cha chata mopathaihpazy cha tao hualuana nata ngiapâna hnei awpa a byuhzie a palâsa.

BIEPHUAH 13:14

Sahrâhpa hmiatuapa moh ta hmonoâhpa taotheina hmotaotheina piepa a châpa hmâpa ta, alei liata a pahrâpazy dôvei ta, zaozi hmah phaoh ta a hroh heihpa sahrâhpa nothlahpa padua awpa ta a chho ei.

BIEPHUAH 13:8

Alei chô liata a pahrâpa zydua, khizaw â thao tua no tawhta thie chiehpa Mietakutaw hrona châbu liata moh ro leipa maihta ano cha amâ chhy aw.

BIEPHUAH 14:12

Cha chata mopathaihpa, Khazohpa biepiepazy nata Zisu angiapâna bie a zyhtuhpazy cha tao hualua awpa a byuhzie a palâsa.

BIEPHUAH 14:6

Chatawhcha vâlyuhchâpa hropa avâ liata a zaw ngâpa hmô na ta. Ano cha alei liata a pahrâpa râh to, chi to, reih to nata phopi to hnohta phuah awpa tlyzaw thâtihpha a hneipa a châ.

BIEPHUAH 16:14

Chazy cha ahripa thlahpazy châ ei ta, hmonoâhpa a tao tyhpazy ama châ. Khizaw bei zydua lâta sie ei ta, Khazohpa Atotaotheipa noh rônahpa liata adyuhna châta beizy cha ama awpakhy.

BIEPHUAH 17:2

Ano cha lei beizy ta amâ pheikheipa châ ta, a sihryhna kresawhti ta lei chyhsazy a parisapa a châ,” tah ta.

BIEPHUAH 17:8

Sahrâhpa na hmôpa kha vaw y ta, y khao heih leipa ta, aleichiepa khaohtlô tawhta kaw pua aw ta, leidiana lâ a sie aw. Chatawhcha lei liata a pahrâpazy, leilô tao tua no tawhta hrona châbu liata moh ro leipazy ta, y ha ta, a y khao heih leipa, a vy heih awpa sahrâhpa cha ama hmô tita, noâh ama tah ngaita aw.

BIEPHUAH 2:10

Pasa na tao awpazy chi khah y. Pachâ tua, ahripa ta nama hry liata chyhsa thokha patâhna o liata a cha khô aw ei. Pasiapa ta y aw ei chi ta, noh hrawh chhôh rietheipasa nama tao aw. Thina taihta ngâchhihpa ta y mah y, hrona lakho ei cha pie aw.

BIEPHUAH 3:8

“‘Na hmotaopazy ei pahno. Moh teh, ahy hmahta khaw thei leipa ochhi na hmiakô liata ei pahy. Hmotaotheina chyhta hnei chi ta, chatanachôta ei bie a pyh chi ta, ei moh a paphasai va chi.

BIEPHUAH 6:10

Âmo chata, “Hy Abeipa Chônôchaipa, pathaihpa nata adopa, khachâ ma alei chô liata a pahrâpazy chô liata eima thisaih phuh la leipa ta y aw chi ta, âmo cha pachia leipa ta na y aw tly?” tahpa ta ao paro ngaitapa ta awh ei ta.

BIEPHUAH 8:13

Chatawhcha kaw moh na ta, avâ liata a zawpa pahmôhpi ta ao paro ngaitapa ta, “Vâlyuhchâpa pathôh ta chiahmie ama vaw tô awpa pyuzy vâta, alei liata a pahrâpazy cha ama hu a po na, ama hu a po na, ama hu a po na!” a tahpa thei na ta.