BIEPHUAH 22:6 - Mara Bible RV (BSI)

⁶ Chatawhcha vâlyuhchâpa ta, “He biezy he ngâchhih ta â do. Abeipa, hrohsopazy thlahpa Khazohpa ta hmo thlai a vaw tlô awpazy cha a chakaotuhpazy pahmô awpa ta a vâlyuhchâpa a vaw tuah,” tahpa ta na chho ta.

BIEPHUAH 22:6 ပူးပေါင်းရင်းမြစ်များ

ÂTHAONA 41:32

Phiraoh hnohta yzie a lyupa mâ ei no tlai piepa a châpa heta, Khazohpa ta a tao awpa liahsa pathlu ha ta, a tao patoh awpa a châzie a pa-i.

DÂNIAH 3:28

Chatawhcha Nebukaneza ta hetana heta tah ta, “Sâdarâka, Mesâka nata Abenekô zy Khazohpa cha reithaipa ta y mawh sy! A vâlyuhchâpazy za tuah ta, ano ngâpa ta a chakaotuhpazy cha a pachha ha ei. He chyhsazy heta âmo Khazohpa dei leipa ta cha khazoh hropa rai a chhy lei awpa ta ama pôhpa amâ hlâ hapa vâta abei biepiepa chhao zyh leipa ta ama y.

DÂNIAH 6:22

Ei Khazohpa ta a vâlyuhchâpa za tuah ta, chakeibarôhneipazy pakah pabieh ta, na pasasa veih ei, seina hnei leipa ta a hmiakô liata a ypa ei châpa vâta. Nâma hmiakô liata chhao, Hy abei y, khâpa hmah parao va na,” tah ta.

MATHAI 13:41

Chyhsa Sawchapawpa ta a vâlyuhchâpazy tuah aw ta, moleina a patlôsatuhpa zydua nata hmo pha leipa a taotuhpa zydua cha, a khinarâh tawhta la papua aw ta,

LUKA 1:70

Leilô pi tua no tawhta A hrohso pathaihpazy pakah ta a rei hapa hawhta,

LUKA 16:16

“Ryhpa nata hrohsopazy bie cha Zawhâna daihti taihta y ta. Cha rakha tawhta cha Khazohpa khinarâh thâtihpha chhopa châ ta, chyhsa to ta a ngia a chhuahpa ta ama chatôh lymâ.

HMOTAOPAZY 12:11

Pity cha â vaw thei nahta, “Abeipa ta a vâlyuhchâpa za tuah ta, Herawda ku tawhta nata Zu chyhsazy achhuahna tawhta eina pachha haw, tahpa tahmâ a siapa ta ei pahno haw,” tah ta.

HMOTAOPAZY 3:18

Khazohpa ta hrohsopa zydua pakah ta a Mesia cha riethei a tao awpa a châna kyh a vaw reih chhieliepa kha, a vaw patlôsapa a châ.

RAWMA 1:2

Cha thâtihpha cha, Khazohpa ta a hrohsopazy hmâpa ta hlâno tawhta Biehrai pathaihpa liata bie â vaw taih hapa a châ.

1 KAWRINI 14:32

Hrohsopazy thlahpa cha hrohsopazy biehneina ry liata a y.

1 KAWRINI 7:29

Unawh saih u, ei rei khohpa cha he he a châ: Daihti chyuta y ta, chavâta tahmâ tawhta la, lapinô a hneipazy ta a hnei leipa hawhta y mawh ei sy.

2 THYSALAWNIKA 1:7

Eima Beipa Zisu, a vâlyuhchâpa thatlôpazy chhaota meipaleih hry liata â vaw luah tita, keimo hawhta pasa a taopazy a cha pahâsa aw ei.

HEBRAI 12:9

Cha dei châ vei, lei liata miah chhoreituhpa pawzy hnei pi ta, âmo cha eima za ngaita. Eima hroh thei nawpa ta, eima thlahpazy Paw cha, cha hlâta tha via ta eima za awpa châ vei ma?

2 PITY 1:21

Hrohsona bie kheihawhpa rai, chyhsapa pachâna tawhta a puapa châ leipa ta, Khazohpa tawhta a puapa bie cha, chyhsazy ta Thlahpa Pathaihpa chhihthapa ta ama reih tyhpa tlao a châ.

2 PITY 3:2

Chatanachata hrohsopa pathaihpazy biereipa nata nama lyuhchâpazy hmâpa ta Abeipa nata Pachhatuhpa biepiepa cha namâ thei thlâh ha aw.

BIEPHUAH 1:1

He he Zisu Krista ta a chakaotuhpazy hnohta hmo thlai a vaw tlô awpazy a pahnosa thei nawpa ta, Khazohpa ta a hnoh ta a piepa biephuah a châ. Cha biezy cha Krista ta a vâlyuhchâpa tuah ta, a chakaotuhpa Zawhâna hnohta a vaw pahnosa.

BIEPHUAH 18:20

“Hy avâ, ano vâta a ly la, Nâmo, mopathaihpazy, Nâmo, lyuhchâpazy, Nâmo, hrohsopazy, Ano vâta a ly teh u; Khazohpa ta a chô liata Viari a cha thôpa ha ei hih.”

BIEPHUAH 19:9

Vâlyuhchâpa chata ei hnohta, “Mietakutaw myuh hneina kyhchhi liata hruapazy cha ama nohlao na, tahpa ta roh teh,” na tah ta. Chatawhcha ei hnohta, “Hezy he Khazohpa biehmeiseihpazy a châ,” tahpa ta na chho ta.

BIEPHUAH 21:5

Beidyuchhai liata a tyuhpa ta, “Moh tua, hmo to a thiehpa ta ei tao haw,” tah ta. “Roh teh, he biezy he ngâ a chhih ta â do,” tah heih ta.

BIEPHUAH 21:9

Chatawhcha vâlyuhchâpa pasari hry liata pakha, potlana hnôhchaipa miasari ta a biepa biebuh miasari a chabapa vâlyuhchâpa a vy ta, ei hnohta, “A vy teh, myuhthieh, Mietakutaw lapinô cha ei cha pahmô aw,” na tah ta.

BIEPHUAH 22:1

Chatawhcha vâlyuhchâpa ta hrona ti chavah, lôsôhpa pasohpa hawhta a patliepa, Khazohpa nata Mietakutaw beidyuchhai tawhta a vaw lohpa na pahmô ta.

BIEPHUAH 22:16

“Kei, Zisu ta, he biezy he Awnanopazy pahnosa awpa ta ei vâlyuhchâpa nâmo lâ ei vaw tuah. Dâvi thari nata a pathla, deiva awhsi khaih ngaitapa ei châ,” tah ta.

BIEPHUAH 22:7

Abeipa Zisu ta,“Nathlie teh, ei vy patoh aw. He châbu chhôh liata hrohsona biezy a pyhpa cha a nohlao na,” tah ta.

BIEPHUAH 4:1

Cha khai tawhta kaw sai na ta, vârâh ochhi a pahypa hmô na ta. Ao ei thei tuapa, chiahmie pyu hawhta ei hnohta bie a reihpa khata, “He lâ a khy teh, he khai tawhta hmo a vaw tlô awpazy ei cha pahmô aw,” tah ta.