BIEPHUAH 22:15 - Mara Bible RV (BSI)

¹⁵ Izy, dyuthaipazy, sihryhpazy, lianycheihpazy, nothlahpa a chhypazy nata haipa bie rei a pahâhpazy deikua cha, khihpi khôtho liata ama y aw.

BIEPHUAH 22:15 ပူးပေါင်းရင်းမြစ်များ

1 ABEIZY 22:8

Izarei bei ta Zehôsaphâ hnohta, “Abeipa miah a saohiahpa awpa chyhsa pakha cha y ta, ano cha Imlâ sawchapawpa Mikai a châ. Châhrasala ano la ei hao kaw, keima kyh a phana lâta hrohsona bie reih beih vei, a chhiena lâ sai ta a reih tyhpa a châ,” tah ta. Zehôsaphâ ta, “Abei ta cha hawhta tah khah sy,” tah ta.

BIESOZY 12:22

Paleih haihthaipa cha Abeipa châta pasichhihpa châ ta, Âdopa ta a taotuhpazy deikua cha â ly ei.

BIESOZY 7:27

A o cha Athihkhih lâpi châ ta, Thina chhôhpadâhpa lâ a zupa a châ.

ISAI 47:12

Na hawtita tawhta na hriapasa tyhpa, Na pachaonazy liana cha a duah la, Na dyu hluhpi liana cha a duah tua rai; Na hlao a tloh thlâh ha thei ngyu aw mâh tâh, Chichhihpa hmo na paysa thei thlâh ha ngyu aw mâh tâh.

ISAI 47:9

He hmo mianopazy heta, Movi hlâta cha vaw tlô thlu aw ta, Noh kha chhôh ta a cha vaw tlô thlu aw: Dyu hluhpi hmâpa ta, Pachaona hmotaothei ngaitapazy ta pachao hra la, Sawzy pahleina nata nôhmeina zy ta Rarôh ypa ta a cha vaw tlô thlu aw.

ISAI 57:3

Nâmo, dyuthainô sawchapawzy deikua cha, A vaw hnia u la; Nâmo, apheinô nata sihryhnô chipathlazy A vaw hnia teh u.

ZEREMIAH 5:31

Hrohsopazy ta haipa ta hrohsona biezy phuah ei ta, Theihthaipazy ta âmo rei sai ta ryu ama reih. Cha hawhta taopa cha ei phopi khonazie châ kaw ta, Châhrasala chhâna noh a vaw tlô tita, Kheihta ma namâ tao aw tly?

MALAKHAI 3:5

“Pachia awpa ta châ vaw hnia aw ei na ta, dyuthaipazy, apheipazy, haipa ta bie â taihpazy, ama raihriatuhpazy hlao â dopa ta a pie leipazy, nôhmei nata hara a tlybaipazy, chihropa nama hry liata a ypazy chô liata adoleipa ta hmo a taopazy nata nâ chi leipazy châta, a chatliepa ta âmo a leihtuhpa ei châ aw,” Pheisaihzy Abeipa ta a tah.

MATHAI 7:6

“Izy cha hmo pathaihpa pie leipa u la, vaozy hmiakô liata nama taikuh lôsôhpazy thy hra khuh vy. Ama phei ta tly aw ei ta, ama châ liehnao pathlei aw.

MATHAI 8:12

Khinarâh sawzy hawhta â pachâpazy deikua cha, khôtho lâ zohna liata thypa châ aw ei ta, cha liata chana nata hâh chariehna a y aw,” tah ta.

ZAWHÂNA 8:46

Nama hry liata ahy ma moleina vâta thailei nâ pachâsa thei aw ei chi? Biehmeiseihpa reih na ta, khazia eina zo veih ei chi?

HMOTAOPAZY 8:11

A dyu hmâpa ta bohpi noâh ngaitapa ta a vaw paysa hapa vâ ei ta, a bie ama nathlie kaw tyhpa a châ.

RYHPACHANEINA 23:18

Bie namâ taihpa châta pie awpa ta, chanô azuana ty nata chapaw azuana ty tawhta hmôpa sôhzy Abeipa nama Khazohpa o lâ nama cheih awpa châ vei. A miano heta Abeipa nama Khazohpa châta pasichhihpa a châ.

PHILIPI 3:2

Izy tawhta a vaih teh u. Hmopha leipa a taotuhpazy tawhta a vaih u la, ama sapa a taipazy tawhta a vaih teh u.

KAOLAOSÂ 3:6

Cha hmozy vâna chata Khazohpa hiehâhna cha ngiapâleipazy chô liata a tlô hai.

1 TIMAWTHY 1:10

apatlana moleina a taopazy, chapaw nata chapaw a patlapazy, sei patupa nata zuapa ta sôhpaliepazy, haihthaipazy, haipa ta bie a taihpazy nata biezyhpa dopa a chakhiapa maih châta taopa a châ tahpa pahno teh u.

BIEPHUAH 18:23

Meiôh khaihna chhao, Na chhôh liata khaih khao aw vei. Myuhneituhpa ao nata myuh aozy chhao, Na chhôh liata theipa châ khao aw vei. Na sôhpalietuhpazy cha, Lei chyhsa rônahpazy châ ei ta, Na dyuthaina ta phopi zydua dôveipa ta ama y.

BIEPHUAH 21:27

Hmo puapa deikua cha kheihawhpa hmah a ngia thei aw vei. Hmo pasichhihpa a taopa nata haipa bie a reihpa ahy hmah a ngia thei hra aw veih vei. Mietakutaw hrona châbu liata moh ropazy deita ta amâ ngia thei aw.

BIEPHUAH 21:8

Riahchhiepazy, ngiapâleipazy, pasichhihpazy, lianycheihpazy, sihryhpazy, dyuthaipazy, nothlahpa achhypazy nata haiphiahpa zydua to awpa deikua cha, mei nata kaih ta a kâ ngâpa tipo châ aw ta, cha cha thina einona a châ,” tah ta.