BIEPHUAH 22:14 - Mara Bible RV (BSI)

¹⁴ “Ama chysiazy a pasupa cha ama nohlao na. Hrona tho chô liata biehnei thei aw ei ta, chhikaozy lâ tawhta khihpi chhôh lâ amâ ngia thei aw.

BIEPHUAH 22:14 ပူးပေါင်းရင်းမြစ်များ

ÂTHAONA 2:9

Zehôvâh Khazohpa ta, mo la ngaitapa nata nie awpa phapa tho chi to chhaohlei tawhta papyusa ta. Sadô liah liata hrona tho y ta, chhie nata pha pahnona tho chhao a y.

ÂTHAONA 3:22

Zehôvâh Khazohpa ta, “Moh teh u, chyhsapa cha chhie nata pha pahnona hneipa ta keimo hry liata pakha hawh tlai ta a vaw châ ha hih! A ku ta hrona tho chhao pazapa ta nie aw ta, tlyzaw ta a hroh pathlei aw na,” tah ta.

HLAZY 112:1

Abeipa cha reithai teh u! Abeipa biepiepazy liata a ly ngaita ta, Ano a chipa cha a nohlao na!

HLAZY 118:20

Cha cha Abeipa chhikao châ ta, Mosiapazy cha, cha lâ tawhta amâ ngia aw.

PUASAINA 19:10

Abeipa ta Mawsi hnohta, “Zawpi lâ vawh la, âmo cha tanoh nata mylâ kei pathaisa mah y. Ama chysiazy pasu ei sala,

DÂNIAH 12:12

A hâ hualuapa nata noh 1,335 taih a tlôpa cha a nohlao na!

ZAWHÂNA 10:7

Chavâta Zisu ta ama hnohta reih heih ta, “Hmeiseihta ta, hmeiseihta ta ei cha chho ei, kei he mietaku ochhi cha ei châ.

ZAWHÂNA 10:9

Kei he ochhi ei châ. Ahy rai keima liata a ngiapa cha, pabohsapa ta y aw ta, a ngia aw ta, pua aw ta, sibiepa su a hmô aw.

ZAWHÂNA 14:15

“Kyh eina pachâ khiah ei chi ta cha, ei biepiepazy nama zyh aw.

ZAWHÂNA 14:6

Zisu ta a hnohta, “Kei he lâpi nata biehmeiseihpa nata hrona ei châ. Kei liata a sie leipa cha ahy hmah Paw kô tlô thei aw vei.

ZAWHÂNA 4:12

Miah pathlatuhpa Zakaw hlâta na rônah via ma? Ano ta he tikhaoh he miah pie ta, ano chhao ta he ti he doh ta, a sawchapawzy nata a sahrohzy chhao ta ama dopa ti a châ,” tah ta.

1 KAWRINI 7:19

Chopawtaipa cha khâpa hmah châ leipa ta, chopawtaileipa chhao khâpa hmah châ hra vei. A peimawhpa cha Khazohpa biepiepazy zyhpa he a châ.

1 KAWRINI 8:9

Châhrasala a sohsi teh u, chataleipatala nama khotalaina cha chyhsa chiehleipazy châta achapiana a châ pathlei aw.

1 KAWRINI 9:5

Lyuhchâ hropazy, Abeipa unawhzy nata Kephâ hawhta, ngiapâtuhpa lapinô ta hneipa ta, ano a chhi theina biehneina hnei ma pi ma?

KALATIA 5:6

Krista Zisu liata la, chopawtaipa tlyma, chopawtaileipa tlyma, phahnaina hnei veih ei. Kyhpachâna ta rai a hriapa ngiapâna dei he a phahnai.

1 ZAWHÂNA 3:3

Ahy rai ano liata hnabeiseihna a hneipa maih cha, ano a pathaihpa hawhta, anosasyh ta â pathaisa tyh.

1 ZAWHÂNA 5:3

A biepiepazy eima zyhpa he Khazohpa kyh eima pachâna cha a châ. A biepiepazy cha a hri tlôh lei khâh ta.

BIEPHUAH 2:7

Thlahpa ta Awnanopazy hnohta bie a reipa he, nakhaoh a hneipa ta cha thei mawh sy. Pahnietuhpa cha Khazohpa pârâdi liata hrona tho theilâpa nie awpa ei pasai aw,’ a tah na,” tahpa ta.

BIEPHUAH 21:12

Thokhy rônahpa nata a sâhpa hnei ta, chhikao miahrawh hleino hnei ta, chhikao thabyzy liata vâlyuhchâpa pahrawh hleino y ei ta, chhikaozy liana cha Izarei pathla chi hrawh hleinopazy moh ropa a châ.

BIEPHUAH 21:27

Hmo puapa deikua cha kheihawhpa hmah a ngia thei aw vei. Hmo pasichhihpa a taopa nata haipa bie a reihpa ahy hmah a ngia thei hra aw veih vei. Mietakutaw hrona châbu liata moh ropazy deita ta amâ ngia thei aw.

BIEPHUAH 22:2

Khihpi lâlai liah liata loh ta. Chavah ngiahkâ chavei chachâh ta, thei chi hrawh hleino a hneipa, thla chareih ta a patheipa hrona tho pyuh ta. Thohnazy cha phopizy tlâh nawpa a châ.

BIEPHUAH 22:7

Abeipa Zisu ta,“Nathlie teh, ei vy patoh aw. He châbu chhôh liata hrohsona biezy a pyhpa cha a nohlao na,” tah ta.

BIEPHUAH 7:14

Kei ta a hnohta, “Pâpuh, pahno va na, nâ ta tlao na pahno,” tah na ta. Ano ta ei hnohta, “Hezy he rietheipasana ru ngaitapa tawhta a vaw puapazy ama châ hih. Ama pohzy Mietakutaw thisaih ta pasupa ta ama padiehsa haw.