BIEPHUAH 21:8 - Mara Bible RV (BSI)

⁸ Riahchhiepazy, ngiapâleipazy, pasichhihpazy, lianycheihpazy, sihryhpazy, dyuthaipazy, nothlahpa achhypazy nata haiphiahpa zydua to awpa deikua cha, mei nata kaih ta a kâ ngâpa tipo châ aw ta, cha cha thina einona a châ,” tah ta.

BIEPHUAH 21:8 ပူးပေါင်းရင်းမြစ်များ

BIESOZY 19:5

Pahnokheituh pakheipa cha hrie leipa ta y leipa aw ta, Haipa hu a sopa chhao pua aw vei.

BIESOZY 19:9

Pahnokheituh pakheipa cha hrie leipa ta y leipa aw ta, Haipa bie a reihpa cha a leidia aw.

ISAI 51:12

“Kei, kei tlai he nâmo thlah châ palôhtuhpa cha ei châ; Thi theipa chyhsapa tlai a chi thlâh hapa chi cha, Ahy ma na vaw châ ha tly? Sibiepa hawhta taopa chyhsa sawchapawpa tlai a chi thlâh hapa chi cha, Ahy ma na vaw châ ha tly?

ISAI 57:11

Ahy ma chi chi ta, Ahy nâ ngiarohpa vâta ma, Haipa bie reih chi ta; Kei nâ thei khao leipa chi ta, Na palôh liata eina so khao vei chi tly? A chalih thlâh ha na ta, Bohpi ei chalih thlâh hapa vâta, Eina chi leipa chi châ vei ma?

ISAI 9:15

Luh cha machâ nata zachhihpa chyhsa châ ta, Chaolahmei cha haipa biezy a pachu tyhpa hrohsopa a châ.

MALAKHAI 3:5

“Pachia awpa ta châ vaw hnia aw ei na ta, dyuthaipazy, apheipazy, haipa ta bie â taihpazy, ama raihriatuhpazy hlao â dopa ta a pie leipazy, nôhmei nata hara a tlybaipazy, chihropa nama hry liata a ypazy chô liata adoleipa ta hmo a taopazy nata nâ chi leipazy châta, a chatliepa ta âmo a leihtuhpa ei châ aw,” Pheisaihzy Abeipa ta a tah.

MATHAI 10:28

Pôhpa thie thei ta, thlahpa a thie thei leipazy chi leipa u la, hrienasu liata pôhpa nata thlahpa a pahleipadia theipa cha tlao chi teh u.

MATHAI 25:25

Chavâta chi na ta, sie na ta, na talent kha alei liata ei nyu haw. Moh teh, na eih ualua ta na hmô heih hih,’ tah ta.

MATHAI 8:26

Zisu ta ama hnohta, “Ngiapâna chyhpa saih u, khazia nama chi?” tah ta. Thyu ta thlihzy nata tichatlaopa cha ra ta, sidia ha ta.

MÂKA 9:44

Kehenâ liata cha ama lôpa thi beih leipa ta, mei chhao pachhaipa ta y beih vei.

ZAWHÂNA 8:44

Nâmo cha nama paw ahripa tawhta a puapa châ ei chi ta, nama khopa cha, nama paw khopa taopa a châ. Ano cha âthaona tawhta lianycheihpa châ ta, ano liata biehmeiseihpa rai a y leipa vâta, biehmeiseihpa liata a duah vei. Haipa bie a rei nahta, ano châna dopa a palâsa tyh. Ano cha haihthaipa nata haipa bie zydua paw a châ.

RYHPACHANEINA 20:8

Hyutuhpazy ta zawpi hnohta reih via aw ei ta, ‘A chipa nata riahchhiepa nama y ma? Kua sala a o lâ a di mawh sy. Chataleipatala ano palôh duapa hawhta a unawhzy palôh a paduasa pathlei aw,’ ama tah aw.

2 THYSALAWNIKA 2:9

Ryhpa paraotuhpa cha, hmotaotheina to nata ngiana nata hmonoâhpa ta dôveina to hmâpa ta, Sâtâ hmotaotheina chhaota â vy aw.

1 TIMAWTHY 4:2

Cha hawhpa pachunazy cha phapakheipa haihthaipazy tawhta vaw pua ta, ama chhie nata pha pahnona cha thua sahpa ta pakâ hapa hawhta a châ.

TITU 1:16

Khazohpa pahno a tah ei ta, châhrasala ama hmotaopazy ta Khazohpa cha amâ paphasai. Pasichhihpa nata reingiah leipa châ ei ta, hmopha tao awpa ta khâpa kyh liata hmahta a tlâh a châ leipazy ama châ.

HEBRAI 12:24

Biehrai thiehpa lyuhchâpa Zisu lâ a vy ei chi ta, Abela thisaih hlâta bie pha viapa a reihpa Zisu thisaih thiapa lâ namâ vy hih.

HEBRAI 13:4

Nôvah ahneina he chyhsa zydua hry liata palyupalihpa ta y mawh sy. Nôvah rakhô chhao papuapaleipa châ khah sy. Apatlana moleina a taopazy nata apheipazy cha Khazohpa ta a pachia aw.

1 ZAWHÂNA 2:22

Zisu cha Krista a châ tahpa a pyh leipa hleikhô ta a haihpa ahy ma a y? Paw nata Sawchapawpa a pyh leipa cha Krista dyuhtuhpa a châ.

1 ZAWHÂNA 3:15

Ahy rai a unawhpa a haopa cha lianycheihpa châ ta, lianycheihpa ahy hmah chhâzaw hrona a chakaihpa y veih ei tahpa nama pahno.

1 ZAWHÂNA 5:10

Khazohpa Sawchapawpa a ngiapâpa maih ano liata a pahnona a hnei. Khazohpa a ngiapâ leipa deikua cha, Khazohpa ta a Sawchapawpa a pahnokheina â ngiapâ leipa vâta, Khazohpa cha a haihpa ta a tao.

BIEPHUAH 14:10

Khazohpa hiehâhna kresawhti patapa, a hiehâhna nyu liata khâpa hmah pahlao leipa ta patlaipa cha doh aw ei ta, vâlyuhchâpa pathaihpazy mohmô ta nata Mietakutaw mohmô liata mei nata kaih ta pasa pataosapa ama châ aw.

BIEPHUAH 19:20

Sahrâhpa cha patupa châ ta. Sahrâhpa ngiana a hneipa nata sahrâhpa nothlahpa a chhytuhpazy dôveina hmonoâhpa a mohmô liata a tao tyhpa hrohso pakheipa chhao, a hnohta patu pâpa châ ta, kaih ta a kâ ngâpa mei tipo liata ama pano ta ahrohpa ta thypa ama châ.

BIEPHUAH 2:11

Thlahpa ta Awnanopazy hnohta bie a reipa he nakhaoh a hneipa ta cha thei mawh sy. Pahnietuhpa cha thina einona ta pasasa aw vei,’ a tah na,” tahpa ta.

BIEPHUAH 2:2

“‘Na hmotaopa, na hriapasazie, na tao hualuazie nata chyhsa moleipa na chhyh thai leizie zy ei pahno. Lyuhchâpa châ tlôh leipa ta lyuhchâpa â tahpazy pasia chi ta, a haihpa ama châ tahpa na pahno.

BIEPHUAH 21:27

Hmo puapa deikua cha kheihawhpa hmah a ngia thei aw vei. Hmo pasichhihpa a taopa nata haipa bie a reihpa ahy hmah a ngia thei hra aw veih vei. Mietakutaw hrona châbu liata moh ropazy deita ta amâ ngia thei aw.

BIEPHUAH 22:15

Izy, dyuthaipazy, sihryhpazy, lianycheihpazy, nothlahpa a chhypazy nata haipa bie rei a pahâhpazy deikua cha, khihpi khôtho liata ama y aw.

BIEPHUAH 9:17

He he arâzy nata a kiahtuhpazy kyh liata aluahna ta ei hmôpazy a châ: Mei nata saphai lô nata kaih hawhpa chachôhna vyhphaozy hnei ei ta, arâ luhzy cha chakeibarôhneipa luhzy lyu ta, ama pakah tawhta mei nata meikhuh nata kaihzy a pua.

BIEPHUAH 9:21

Ama lianycheinazy, ama dyuthainazy, amâ patlana moleinazy nata ama parunazy chhao ro hlei veih ei.

RYUREITUHPAZY 7:3

Chavâta zawpi nah theina liata phuah la, ‘Ahy rai a chipa nata a chalyupa maih cha o lâ kua sala, Kilia tlâh tawhna heta a chatliepa ta sie mawh sy,’ tahpa ta reih teh,” tah ta. Zawpi hry tawhta 22,000 kua ei ta, 10,000 amâ ngua.