BIEPHUAH 21:27 - Mara Bible RV (BSI)

²⁷ Hmo puapa deikua cha kheihawhpa hmah a ngia thei aw vei. Hmo pasichhihpa a taopa nata haipa bie a reihpa ahy hmah a ngia thei hra aw veih vei. Mietakutaw hrona châbu liata moh ropazy deita ta amâ ngia thei aw.

BIEPHUAH 21:27 ပူးပေါင်းရင်းမြစ်များ

HLAZY 101:8

Râh liata moleipa zydua cha, My chareih ta pahleipadia aw ei na ta; Hmoparaopa zydua cha, Abeipa khihpi tawhta ei chhawh pathlah aw ei.

PUASAINA 32:32

Ngiachhiepa ta ama moleinazy rie a ngiahthai mah y. Nâ ngiahthai thei leipa khiahta cha, na châbu liata na ropa tawhna khata na thy ha mah y,” tah ta.

ISAI 35:8

Cha liata lâlai y aw ta, Pathaihna Lâpi tahpa a châ aw; Pathaihna lâpi a chhihtuhpazy châta châ aw ta, Pathaih leipazy ta a chhih aw veih ei; Moleipa ahrupazy chhao, Cha liata sie aw veih ei.

ISAI 52:1

Hy Zaio, a hra la, a hra la, Na thatlôna ta a tobi mah y; Hy Zerusale, khihpi pathaihpa, Na chysia a ngiapazy ta a tobi mah y. Tahmâ tawhta cha, Chopawtaileipa nata pathaih leipazy Na chhôh liata a ngia khao aw veih ei.

ISAI 60:21

Na phopi cha ama zydua ta mosiapa châ khai aw ei ta, Râh cha tlyzaw ta ama hnei aw. Palyupalihpa ta ei y thei nawpa ta, Âmo cha chhyh thao awpa ta loh ei na ta, Ei ku raihriazy ama châ.

EZEKIA 44:9

“Abeipa Zehôvâh ta hetana heta a tah: Pathipalôh nata sapa chopawtaileipa chihropa, Izarei phopi hry liata a ypa chihropa ahy hmahta ei supathaihpa liata amâ ngia awpa châ vei.

ZÔELA 3:17

“Chatanachata kei he ei tlâh pathaihpa Zaio liata a pahrâpa, Abeipa nama Khazohpa ei châ tahpa nama pahno aw. Zerusale cha khihpi pathaihpa châ aw ta, Chihropazy ta chapia heih khao aw veih ei.

THEIHTHAINA 13:46

Hri a oh chhôh zydua pathaih leipa a châ. A pathaih leipa vâta, ânano ta y aw ta, a y nawpa su cha riehmo khôtho lâ a châ aw.

ZEKARIA 14:21

Zerusale nata Zudâh liata thua beih zydua cha Pheisaihzy Abeipa châta a pathaihpa ama châ khai aw. Atheihna hlâ awpa ta â vypa zydua ta beihzy cha la aw ei ta, chho nawpa châta ama hmâh aw. Cha noh liata cha Pheisaihzy Abeipa o liata sôhpalietuhpazy y khao aw veih ei.

MALUHREINA 12:15

Chatanachata Miria cha noh sari chhôh khôtho liata khawhlôhpa châ ta, Miria a vaw ngiakhei heihpa a châ hlâlei cha, zawpi chhao a pasie veih ei.

MALUHREINA 5:3

Ama hry liata ei pahrâna ama riehmo ama papuapalei lei nawpa ta, chapaw chhao, chanô chhao, riehmo tawhta papua khai awpa a châ,” tah ta.

MATHAI 13:41

Chyhsa Sawchapawpa ta a vâlyuhchâpazy tuah aw ta, moleina a patlôsatuhpa zydua nata hmo pha leipa a taotuhpa zydua cha, a khinarâh tawhta la papua aw ta,

MÂKA 7:2

a pachupa thokhazy cha ku a si leipa ta, ku puapa ta pati ama niepa hmô ei ta.

LUKA 10:20

Châhrasala thlahpazy nama rei sai ta ama ypa vâta a ly leipa u la, vârâh liata nama moh ropa a châpa vâta tlao a ly teh u,” tah ta.

EPHESI 5:5

He he a siapa ta pahno teh u: Apatlana moleina a taopa tlyma, chyhsa puapa tlyma, uahvana a hneipa tlyma, cha hawhpa chyhsazy chata Krista nata Khazohpa khinarâh liata ryu to hnei aw veih ei. Uahvana a hneipa cha nothlahpa achhypa a châ.

PHILIPI 4:3

A châ na, raopaky ei kylâhpa chhao chi kha ei châ haw hra. Kha chanôzy kha vaw bao mah y. Âmo kha Klemena nata ei hrialâhpa hropa zydua chhaota thâtihpha vâta ei hriapasana liata nâ hrialâhpazy châ ei ta, hrona châbu liata ama moh a ypazy ama châ.

1 TIMAWTHY 1:10

apatlana moleina a taopazy, chapaw nata chapaw a patlapazy, sei patupa nata zuapa ta sôhpaliepazy, haihthaipazy, haipa ta bie a taihpazy nata biezyhpa dopa a chakhiapa maih châta taopa a châ tahpa pahno teh u.

HEBRAI 12:14

Chyhsa zydua nata adyhna chadai u la, pathaihna chadai hra teh u. Pathaihna leipa ta ahy hmahta Abeipa hmô aw veih ei.

2 PITY 3:13

Châhrasala a bietaipa hawhta, keimo la mosiapazy pahrâna avâ thiehpa nata alei thiehpa a hâtuhpazy eima châ.

BIEPHUAH 13:8

Alei chô liata a pahrâpa zydua, khizaw â thao tua no tawhta thie chiehpa Mietakutaw hrona châbu liata moh ro leipa maihta ano cha amâ chhy aw.

BIEPHUAH 20:12

Beidyuchhai hmiakô liata molaipa nata mochyhpa athipazy a duahpa hmô na ta, châbuzy pahypa a châ. Châbu hropa, hrona châbu chhao pahypa châ ta. Athihpazy cha châbuzy liata ropa hawhta, ama hmotaozie lymâ hawhta pachiapa ama châ.

BIEPHUAH 20:15

Ahy rai hrona châbu liata a moh ropa hmô awpa a y leipa cha, mei tipo liata thypa a châ.

BIEPHUAH 21:8

Riahchhiepazy, ngiapâleipazy, pasichhihpazy, lianycheihpazy, sihryhpazy, dyuthaipazy, nothlahpa achhypazy nata haiphiahpa zydua to awpa deikua cha, mei nata kaih ta a kâ ngâpa tipo châ aw ta, cha cha thina einona a châ,” tah ta.

BIEPHUAH 3:5

Pahnietuhpa cha, cha hawhta poh diehpa pabusapa châ aw ta, hrona châbu tawhta a moh phie beih leipa aw na ta, ei Paw hmiakô liata nata a vâlyuhchâpazy hmiakô liata a moh ei châhkhei aw.