BIEPHUAH 21:21 - Mara Bible RV (BSI)

²¹ Chhikao miahrawh hleino cha taikulô miahrawh hleino ta taopa châ ta, chhikao to cha taikulô miakha hmâpa ta taopa a châ. Khihpi lâlai cha ngôh suapa ta taopa châ ta, thlalâ mopahlie theipa hawhta a châ.

BIEPHUAH 21:21 ပူးပေါင်းရင်းမြစ်များ

1 ABEIZY 6:20

Cha supathaihpa cha a doh lâ dy kih, a hâ lâ dy kih, â sâhna lâ dy kih châ ta, ngôh suapa ta pahu khaipa a châ. Sidy maisâh chhao ngôh suapa ta a pahu hra.

BIEPHUAH 17:4

Chanô cha poh nohsaihpa nata saihlawpa a bu ta, ngôh nata lôsôhpa nata taikulô ta a tobi ta, a ku liata hmo pasichhihpa nata sihryhna moleina ta a biepa ngôh nyu a chaba ta.

BIEPHUAH 18:16

“Cha rimâ cha! Cha rimâ cha! Khihpi rônahpa, Poh rihdipa a bu ta, Poh nohsaipapa nata poh saihlawpa a bupa ta, Ngôh nata lôsôhpa ta a tobi ta, Taikulô ta a tobipa khihpi!

BIEPHUAH 21:15

Bie nâ chhotuhpa vâlyuhchâpa cha khihpi nata a chhikaozy nata a thokhy cha thlie nawpa ngôh lohthi hnei ta.

BIEPHUAH 21:18

A thokhy cha zaspi lô ta dôhpa châ ta, khihpi cha thlalâ pasohpa hawhta ngôh suapa ta taopa a châ.

BIEPHUAH 22:2

Khihpi lâlai liah liata loh ta. Chavah ngiahkâ chavei chachâh ta, thei chi hrawh hleino a hneipa, thla chareih ta a patheipa hrona tho pyuh ta. Thohnazy cha phopizy tlâh nawpa a châ.

BIEPHUAH 4:6

Beidyuchhai hmiakô liana cha tilaipi hawhta thlalâ vaw y ta, cha cha dâhaw hawhta a ngyuhpa lôsôhpa a châ. Beidyuchhai chadôpa ta, chavei chachâh, a hmia nata a hnôh ta hmohrohneipa miapalih y ei ta, chazy cha ama hmia nata ama hnôh ta mokhaoh ta a biepazy ama châ.