BIEPHUAH 21:11 - Mara Bible RV (BSI)

¹¹ Khazohpa rônahna hnei ta, a khaihnazie cha lôsôh ngaitapa zaspi lô hawhta châ ta, lôsôhpa pasohpa hawhta patliepa a châ.

BIEPHUAH 21:11 ပူးပေါင်းရင်းမြစ်များ

ZAWBÂ 28:17

Ngôh nata thlalâ ta a tlu leipa ta, Ngôh suapa atobinazy nata ri theipa châ vei.

ISAI 4:5

Chatawhcha Abeipa ta Zaio Tlâh liata pahrâna su zydua chô liata nata pakhypi a hmâhpa zydua chô liata, nohchhô ta meihdo, zâ ta meikhuh nata meipaleih khaihna a paysa aw. Cha hmo rônahpa zydua chô lâta khuna y aw ta,

EZEKIA 1:22

Hmohrohneipazy luh chô liata vâphuh ahlôpa a lyupa y ta. Cha cha lôsôhpa pasohpa hawhta noâhchhihpa ta patliepa ta, hmohrohneipazy luh chô liata a parai ta.

EZEKIA 1:26

Ama luh chô vâphuh ahlôpa chô liata beidyuchhai a lyupa y ta, â lânazie cha saphai lôsôhpa hawhta a châ. Beidyuchhai a lyupa chô liana chata chyhsapa alânazie a lyupa a tyuh ta.

EZEKIA 28:16

Na sôhpaliena hluh ngaitapa hry liata, Nôchhiena ta bie chi ta, Na molei haw. Chavâta apuapa hawhta Khazohpa tlâh tawhta ei cha thy haw; Hy vaituhpa cherubi y, Meilôzy hry tawhta ei cha pahleipadia haw.

EZEKIA 43:2

Moh teh u, Izarei Khazohpa rônah­na cha nochhi lâ tawhta vaw tlô ta. A vaw tlôpa pyu cha, tilaipi pyu hawhta châ ta, alei cha a rônahna ta khaih ta.

EZEKIA 48:35

“Khihpi padôpa ta a seihna zie cha dy 18,000 châ aw ta, cha noh tawhta cha, khihpi moh chhao, Zehôvâh Sâmâ tahpa a châ bâ aw.”

BIEPHUAH 15:8

Achhyna byureih cha Khazohpa rônahna nata hmotaotheina khuh ta bie ha ta. Vâlyuhchâpa pasarizy tawhta potlana miasarizy a chhâ hlâlei cha, achhyna byureih liata ahy hmah a ngia thei veih ei.

BIEPHUAH 22:1

Chatawhcha vâlyuhchâpa ta hrona ti chavah, lôsôhpa pasohpa hawhta a patliepa, Khazohpa nata Mietakutaw beidyuchhai tawhta a vaw lohpa na pahmô ta.

BIEPHUAH 22:5

Zâ y khao leipa aw ta, meiôh khaihpa nata noh khaihpa a ngiah khao aw veih ei. Abeipa Khazohpa cha ama khaihpa châ aw ta, chhâzaw nata tlyzaw ta ryu ama reih aw.

BIEPHUAH 4:3

Beidyuchhai liata a tyuhpa alânazie cha zaspi nata kânelia lôsôhpa hawhta châ ta, beidyuchhai cha meisaku ta chadô ta, â lânazie cha emerâ lôsôhpa hawhta a châ.

BIEPHUAH 4:6

Beidyuchhai hmiakô liana cha tilaipi hawhta thlalâ vaw y ta, cha cha dâhaw hawhta a ngyuhpa lôsôhpa a châ. Beidyuchhai chadôpa ta, chavei chachâh, a hmia nata a hnôh ta hmohrohneipa miapalih y ei ta, chazy cha ama hmia nata ama hnôh ta mokhaoh ta a biepazy ama châ.