BIEPHUAH 20:8 - Mara Bible RV (BSI)

⁸ alei ki palih liata phopizy dôvei awpa ta pua aw ta, Kawkâ nata Makawkâ zy cha adyuhna châta a awpakhy aw. Ama maluh hluhzie cha tilaipi liata sadi hawhta a châ.

BIEPHUAH 20:8 ပူးပေါင်းရင်းမြစ်များ

1 ABEIZY 4:20

Zudâh nata Izarei cha tilaipi ngiahkâ sadi zie tlai ta hluh ei ta. Niepa ta doh ei ta, thapha ngaitapa ta y tyh ei ta.

2 THÂTIHZYRONA 18:21

Thlahpa chata, ‘Vawh aw na ta, a hrohsopa zydua pakah liata thlahpa haih thaipa ei kei châ aw,’ tah ta. Abeipa ta, ‘Kei reipasao aw chi ta, na pahnie aw. Vawh la, cha hawhna chata kei tao teh,’ tah ta.

ISAI 10:22

Hy Izarei, na phopi cha tilaipi sadi tlu ta hluh hra ei sala, laibâhpazy deita ama vaw kua aw. Raona bie papua hapa châ ta, adona a khô pathlah.

ZEREMIAH 33:22

Avâ awhsizy rei tiah awpa châ leipa ta, tilaipi sadizy panua tiah awpa a châ leipa hawhta, nâ chakaotuhpa Dâvi chipathlazy nata ei chakaona rai a hriatuhpa Livai chi chipathlazy ei papôh aw.”

EZEKIA 38:1

Abeipa bie ei hnohta vaw tlô ta:

EZEKIA 38:2

“Chyhsa sawchapawpa y, Mâkaw râh liata Mese nata Tubâ bei lai chaipa Kawkâ lâ a heih la, hrohsona bie phuah thlu la,

EZEKIA 39:1

“Chavâta, nâ, chyhsa sawchapawpa y, Kawkâ kyh liata hrohsona bie phuah la, a hnohta hetana heta reih teh. Abeipa Zehôvâh ta hetana heta a tah: Moh teh, Hy Kawkâ, Mese nata Tubâ bei lai chaipa y, ei châ dyuh.

EZEKIA 39:6

Mâkaw nata tilaipi kiah râhzy liata chhôhmohpa ta a pahrâpazy chô liata mei papua aw na ta, chatanachata kei he Abeipa ei châ tahpa ama pahno aw.

EZEKIA 7:2

“Hy chyhsa sawchapawpa y, Abeipa Zehôvâh ta Izarei râh hnohta hetana heta a tah: Chhâna! Râh ki palihzy liata chhâna a vaw tlô hai.

HEBRAI 11:12

Chatanachata chapaw pakha, athipa hawhta pachâpa tawhta, avâ liata awhsi zie ta a hluhpa nata tilaipi ngiahkâ liata sadi rei tiah lei zie ta a hluhpa chipathlazy ama vaw pua haw.

BIEPHUAH 12:9

Chatawhcha drâkao lai ngaitapa, parih hlôpa, ahripa nata Sâtâ tahpa ta moh bipa, khizaw zydua a dôtuhpa cha za thy pathlah ei ta. Alei lâ za thy ei ta, a vâlyuhchâpazy chhao a hnohta za thy pâ hra ei ta.

BIEPHUAH 16:14

Chazy cha ahripa thlahpazy châ ei ta, hmonoâhpa a tao tyhpazy ama châ. Khizaw bei zydua lâta sie ei ta, Khazohpa Atotaotheipa noh rônahpa liata adyuhna châta beizy cha ama awpakhy.

BIEPHUAH 20:10

Âmo dôveituhpa ahripa cha, sahrâhpa nata hrohso pakheipa yna mei nata kaih tipo liata thypa châ ta, chhô nah zâ ta chhâzaw nata tlyzaw ta pasa pataosapa a châ aw.

BIEPHUAH 20:3

Leichiepa khaohtlô liata za thy ta, kô sâh kha a tloh hlâlei phopizy a dôvei khao lei nawpa ta, khaohtlô cha khawhlôh ta, pachawhpâ ha ta. Cha khai tawhta bohpi leipa chhôh pathlie chypa a châ aw.

BIEPHUAH 7:1

Cha hnôhlâ ta alei ki palih liata vâlyuhchâpa papalih a duahpa hmô na ta. Alei chô liata tlyma, tilaipi chô liata tlyma, thokô chô liata tlyma, thlih a pathli lei nawpa ta, alei thlih miapalihpazy cha patu ei ta.

RYUREITUHPAZY 7:12

Midia mo, Amale mo nata nochhi chyhsa zydua cha khawsu hawh tlai ta hluhpa ta saikao liata vaw y ei ta. Ama râraoseihpazy cha rei tiah awpa châ leipa ta, tilaipi ngiahkâ liata sadi hawh tlai ta ama hluh.

1 SAMUELA 13:5

Philistinâ mo cha Izarei a dyuh awpa ta a pahmaoh ei ta, talailih 30,000 nata arâ pheisaih 6,000 châ ei ta, pheisaihzy chhao tilaipi raphyu liata sadi zie tlai ta ama hluh. Philistinâ mo cha khy ei ta, Bethave nochhi lâchhâh ta Mikamâ liata riehmo paryh ei ta.