BIEPHUAH 20:11 - Mara Bible RV (BSI)

¹¹ Chatawhcha beidyuchhai diehpa rônahpa nata a chô liata a tyuhpa hmô na ta. A hmiakô tawhta alei nata avâ a râ ei ta, âmo châta su rai y khao vei.

BIEPHUAH 20:11 ပူးပေါင်းရင်းမြစ်များ

ÂTHAONA 18:25

Moleipazy hnohta mosiapazy thie ta, mosiapa nata moleipazy palyu thlâh ha awpa cha, tao aw va chi. Cha hawhpa ngâsâ cha tao aw va chi. Alei chô zydua ryureituhpa ta cha, hmo dopa a tao awpa châ vei ma?” tah ta.

ZAWBÂ 9:6

Alei he a yna su tawhta chatho ta, A tôhzy â chalyu;

HLAZY 102:26

Chazy cha leidia aw ei ta, Chysia hawhta ama chy khai aw; Poh hawhta ri aw chi ta, Thypa ama châ aw; Nâ deikua cha na y thlâh ha aw.

HLAZY 47:8

Khazohpa cha râhzy chô liata ryureituhpa châ ta, Khazohpa cha beidyuchhai pathaihpa liata a tyuhpa a châ.

HLAZY 89:14

Siana nata adona cha na beidyuchhai abôna châ ta, Kyhpachâna nata ngâchhihna na hmia lâta ama sie.

HLAZY 97:2

Meihdo nata zoh kaluhpa ta Abeipa chadô ei ta, Siana nata adona cha a beidyuchhai abôna a châ.

ISAI 6:1

Bei Uzia a thi kô ta, Abeipa cha beidyuchhai a sâhpa nata a chaluahpa liata â tyu thlâh hapa hmô na ta. A poh rônahpa ta Achhyna o pabie khai ha ta.

DÂNIAH 2:35

Thua zy, beihlei zy, dawh zy, tâkâ zy, ngôh zy cha a tlawh ta zao khai ha ei ta, nopi noh sawhri sâh sihpa hawhta vaw châ ei ta, thlih ta âmo cha phaoh ta, ama hniehnôh chhao hmô awpa y khao vei. Cha nona chata nothlahpa a vituhpa alô cha tlâh lai ngaitapa lâta a vaw lie ta, alei chô zydua a bie haw.

DÂNIAH 7:10

Mei chavah vaw loh ta, A hmiakô tawhta a vaw pua; A sâh a sâh ta ano cha chakao ei ta, A thy a thy ta a hmiakô liata amâ duah; Pachiana y ta, Châbuzy pahypa a châ.

MATHAI 11:22

Châhrasala ei cha chho ei, ryureina noh liata la nâmo pasa taopa hlâta Tyre nata Sidaw pasa tao awpa a zie a y via aw.

MATHAI 24:35

Lei nata vâ a lei aw, ei biezy deikua lei aw vei.

MATHAI 25:31

“Chyhsa Sawchapawpa he a vâlyuhchâpa zydua chhaota rônah ngaitapa ta â zu tita, a rônahna beidyuchhai liata a tyuh aw ta,

RAWMA 2:5

Na palôh kuhchhana nata ro khoh leina vâta, hiehâhna noh, Khazohpa pachiana siapa â vaw luahna noh châta, nâmasasyh ta hiehâhna nâ pachôpakhy.

2 PITY 3:7

Châhrasala cha bie lilaw chata tahmâno ta avâ nata alei a ypazy he mei châta pachô ta, Khazohpa a uasa leipazy pachiana nata leidiana noh a tlô hlâlei â pakhei chy ei.

BIEPHUAH 12:8

Châhrasala drâkao cha pahniepa châ ha ta, vârâh liata ama châta su y khao vei.

BIEPHUAH 16:20

Liahpahlô zydua a râpai ei ta, tlâhzy hmô awpa y khao vei.

BIEPHUAH 19:11

Chatawhcha vârâh a vaw pahy ta, arâ râhpa hmô na ta. A chô liata a kiahpa cha Ngâchhihpa nata Hmeiseihpa moh bipa châ ta, siana ta ryureih ta, chariah a dyuhpa a châ.

BIEPHUAH 20:2

Drâkao parih hlôpa, ahripa nata Sâtâ cha patu ta, kô sâh kha châta chahry ta.

BIEPHUAH 21:1

Chatawhcha avâ thiehpa nata alei thiehpa hmô na ta. Avâ hmiatuapa nata alei hmiatuapa cha lei ha ta, tilaipi chhao y khao vei.

BIEPHUAH 21:5

Beidyuchhai liata a tyuhpa ta, “Moh tua, hmo to a thiehpa ta ei tao haw,” tah ta. “Roh teh, he biezy he ngâ a chhih ta â do,” tah heih ta.

BIEPHUAH 4:2

Sôkha ta Thlahpa ta vaw y na ta. Vârâh liata beidyuchhai a vaw patyuh ta, cha liata chyhsa pakha a vaw tyuh ta.

BIEPHUAH 6:14

Avâ cha châbu chatypa hawh tlai ta vaw lei ha ta, tlâhpi nata liahpahlô to chhao ama yna tawhta pasiepa ta y khai ha ei ta.