BIEPHUAH 2:3 - Mara Bible RV (BSI)

³ Tao hualua chi ta, ei moh vâta pasa tao chi ta, châhrasala panao va chi tahpa chhao ei pahno.

BIEPHUAH 2:3 ပူးပေါင်းရင်းမြစ်များ

HLAZY 37:7

Abeipa hmiakô liata a chalih la, Ano cha hâ hualua mah y. Moleipa a dyhpha tita na pachâ chhie leipa sala, Chhiena a patlôsatuhpa chyhsa vâta na pachâ chhie hra khah sy!

HLAZY 69:7

Nâma vâta reipachhiena tao na ta, Nohzaona ta ei hmia a khu.

MIKÂ 7:9

A chô liata ei molei hapa vâta, Ei kyh na reikhei sala, Pachiana eina taopa hlâlei cha, Abeipa ruchhôna ei phaoh aw. Khaihna lâ nâ chhi papua aw ta, A thaipachâsana ei hmô aw.

MÂKA 15:21

Lâpi liata amâ tyhpa Kurini khihpa Saimaw cha Zisu kraws papiasa raruah ei ta. Ano cha Alezandâ nata Rufu zy paw châ ta, khitaw lâ tawhta a vaw tlôpa a châ.

LUKA 14:27

Ahy rai a kraws a piapa ta nâ zi leipa cha, ei pachupa châ thei aw vei.

LUKA 18:1

Zisu ta a pachupazy cha hnabeidy leipa ta, khâ thlahchhâ awpa a châzie pakhona bie chho ta.

LUKA 21:19

Riethei nama tao hualuana ta nama hrona nama pabohsa aw.

LUKA 5:5

Saimaw ta a chhy ta, “Hyutuhpa y, azozâkhihdei ta hriapasa pi ta, khâpa hmah patu ma pi. Châhrasala na bie hawhta sao cha ei vawh aw,” tah ta.

LUKA 8:15

Lei phapa liata a tlapazy cha hezy he ama châ. Bie thei ei ta, palôh dopa nata phapa phaopa ta â ipa ta patu ei ta, hria hualuapa ta thei ama pathei tyh.

ZAWHÂNA 15:21

Châhrasala nâ tuahtuhpa ama pahno leipa vâta, he hmo zydua he ei moh vâta nama chô liata ama tao aw.

RAWMA 12:12

Hnabeiseihna liata a ly u la, rietheitaona liata tiama u la, thlahchhâ lylia muh vy.

RAWMA 16:12

Taruphanâ nata Tarôphôsâ, Abeipa châta a hriapasa ngaitapazy kha nâ naohpa muh vy. Kyhpachâpa Pâsi, Abeipa châta a hriapasa ngaitapa kha nâ naohpa muh vy.

RAWMA 2:7

Hmopha tao hualuapa ta, rônahna nata palyupalihna nata thi khao leina a tluatuhpazy hnohta chhâzaw hrona a pie aw.

RAWMA 8:25

Eima hmô leipa eima hnabei a seih khiahta deikua cha, palôh pasi kawpa ta eima hâ lylia tyh.

1 KAWRINI 13:7

Kyhpachâna cha ato pasa tao ta, ato a ngiapâ ta, ato hnabeiseih ta, ato liata riethei a tao lylia tyh.

1 KAWRINI 16:16

Cha hawhpa chyhsazy liata a ngiarih awpa ta châ haw ei na ta, eima hrialâhpa zydua nata a hriapasapa zydua liata chhao a ngiarih awpa ta ei châ haw ei.

2 KAWRINI 10:15

Eima hriana su khô lâta mohropazy hriapa a palaikhei beih ma pi. Namâ ngiapâna laiseih lymâ aw ta, nama hry liata eima chakaona chhao a kawh via lymâ aw tahpa hnabeiseihna tlao eima hnei.

2 KAWRINI 11:23

Krista chakaotuhpazy ama châ ma? Âmo hlâta ei châ via. Ahrupa bie rei ta reih aw sah la, âmo hlâta hriapasa via syulyu na ta, patâh hluh viapa châ na ta, a ei rei tiah lei ta chhei hluh viapa châ na ta, thi theina duahmo chhao ei tyh hluh via syulyu.

2 KAWRINI 4:1

Cha chakaona cha Khazohpa zawngiahna vâta eima hnei theipa a châpa vâta, eima palôh chhâ vei.

2 KAWRINI 4:16

Chavâta eima palôh chhâ vei. Eima khôtho lâ chyhsapa he rao lymâ hra sala, eima chhôh lâ chyhsapa cha noh chareih pathiehpa ta a y lymâ.

2 KAWRINI 5:9

Chavâta pôhpa o liata eima y tlyma, y vei tlyma, ano palysa awpa eimâ chhuah tyh.

2 KAWRINI 6:5

chheina liata zy, patâhna liata zy, tymâna liata zy, hriapasana liata zy, mokuh saihna liata zy, nodina liata zy;

KALATIA 6:2

Nama phaohrizy a phaokhei raihriepa ta, Krista ryhpa paki teh u.

KALATIA 6:9

Hmo pha tao ai khah ei suh u. Eima diathlâ leipa khiahta la, a daihtita liata a thei eima hria aw.

PHILIPI 2:16

Hrona bie khâchâ patu teh u. Chatanachata hraoleipa ta a râpasuapa nata hraoleipa ta a hriapasapa châ va na tahpa Krista noh liata ei palaikhei thei aw.

PHILIPI 4:3

A châ na, raopaky ei kylâhpa chhao chi kha ei châ haw hra. Kha chanôzy kha vaw bao mah y. Âmo kha Klemena nata ei hrialâhpa hropa zydua chhaota thâtihpha vâta ei hriapasana liata nâ hrialâhpazy châ ei ta, hrona châbu liata ama moh a ypazy ama châ.

KAOLAOSÂ 1:11

Tiamana nata pasataona liata a ly kawpa ta nama tao thei nawpa ta, a thatlôna rônahpa liata hmotaotheina zydua hmâpa ta tha a cha patlô aw ei.

1 THYSALAWNIKA 1:3

Ngiapâna vâta nama hmotaozie zy, kyhpachâna vâta nama hriapasazie zy, eima Beipa Zisu Krista liata hnabeiseihpa vâta nama tiamazie zy kha, eima Khazohpa nata Paw hmiakô liata khâ eimâ thei tyh.

1 THYSALAWNIKA 2:9

Unawh saih u, eima hriapasazie nata eima rietheizie zy kha namâ thei aw. Khazohpa thâtihpha eima cha chho nona kha, ahy phaohri hmah eima châ lei nawpa ta, chhô nah zâ ta eima hria tyh.

1 THYSALAWNIKA 5:12

Unawh saih u, nama hry liata hriapasapazy nata Abeipa liata nama hyutuhpazy nata châ chhoreituhpazy za awpa ta eima châ haw.

2 THYSALAWNIKA 3:13

Unawh saih u, nâmo deikua cha, hmo pha tao ai khuh vy.

2 THYSALAWNIKA 3:5

Abeipa ta Khazohpa kyhpachâna nata Krista daotheina lâta nama palôhzy cha chhihtha mawh ei sy.

2 THYSALAWNIKA 3:8

Ahy viahchhâ hmah a saipa ta nie beih leipa pi ta, ahy phaohri hmah eima châ lei nawpa ta, chhô nah zâ ta hria pi ta, riethei taopa nata hriapasapa ta eima y tyh.

1 TIMAWTHY 4:10

Khazohpa hrohpa liata eima hnabeiseihna eima sopa vâta, hriapasa pi ta, eima tei lylia. Ano cha chyhsa zydua Pachhatuhpa châ ta, ano ngiapâtuhpazy Pachhatuhpa a châ pachai.

1 TIMAWTHY 5:17

Awnanopa chhituh phapa, a eih pachaipa ta biechhona nata pachuna liata hriapasapazy cha, a lie no ta palyupalih tlâh ama châ.

HEBRAI 10:36

Khazohpa khopa nama tao khai tawhta, bietaipa nama hmô thei nawpa ta, daotheina namâ ngiahpa rai a châ.

HEBRAI 12:1

Cha ngiapâna bie pahnokheituhpazy ta meihdo ru ngaitapa hawhta miah ama pahlypa vâna heta, miah pahny pakhawpa maih nata moleina keimo liata khâchâ a baipa cha soh sih la, eima hmiakô liata arâpasuana a ypa liata tiama ngaitapa ta a râ lymâ suh u.

HEBRAI 13:13

Chavâta riehmo khôtho liata ano yna lâ pua sih la, reipachhiena a phaopazy cha phaokhei suh u.

HEBRAI 6:10

Nama raihria tyhpa nata a moh vâta kyhpachâna palâsapa ta mopathaihpazy nama chakao tyhpa, tahmâ taihta nama taopa he, mopakhô awpa ta Khazohpa cha adoleipa châ vei.

HEBRAI 6:12

Chatanachata diathlâ leipa aw ei chi ta, ngiapâna nata hâ hualuana vâta bietai ryu totuhpazy hâlatuhpa tlao nama châ aw.

HEBRAI 6:15

Chatanachata Abarahâ cha palôh pasi ngaitapa ta a hâ tawhta bietaipa cha hmô ha ta.

2 PITY 1:6

pahnona liata asohsina a hlao sala, asohsina liata tiamana a hlao sala, tiamana liata Khazohpa pachâna a hlao sala,

BIEPHUAH 1:9

Kei, Zawhâna, nama unawhpa nata Zisu liata rietheina nata khinarâh nata tao hualuana kyh liata châ taokheituhpa ei he, Khazohpa bie nata Zisu pahnokheina bie vâta Pâtamô liahpahlô ama tahpa liata y na ta.

BIEPHUAH 3:10

Tao hualuana kyh liata ei bie nâ pyhpa vâta, alei liata a pahrâpazy pasia awpa ta khizaw zydua liata pasiana daihti a vaw tlô awpa tawhta ei cha pabohsa aw.