BIEPHUAH 2:27 - Mara Bible RV (BSI)

²⁷ Ei paw tawhta biehneina ei hmôpa hawhna heta, biehneina ei piepa chyhsa chata thua chôchahrei ta ama chô liata ryureih aw ta, alei beihzy pakeichheihpa hawhta a pakeichheih aw ei.

BIEPHUAH 2:27 ပူးပေါင်းရင်းမြစ်များ

HLAZY 49:14

Mietakuzy hawhta Athihkhih châta raopa châ ei ta, Thina cha âmo vaituhpa châ aw ta, Chyhsa dopazy ta my ta ama chô liata ryu ama reih aw. Ama o rônahpazy siesai aw ei ta, Athihkhih ta ama piziezy a parao khai ha aw.

ISAI 30:14

Alei beih a dizao khai hana taihta taichheih ei ta, A keina hry liata chakoh mei la nawpa Beihkaopa dâhdei y khao leipa ta, Tikhaoh ti thai nawpa chhao a y khao leipa hawhta, Moleina liata a paopazy cha ama châ aw.”

ZEREMIAH 19:11

ama hnohta hetana heta na tah aw, ‘Pheisaihzy Abeipa ta hetana heta a tah: Chyhsa ta beihvituhpa beihlei titheih pakei ta, taopathi thei awpa a châ khao leipa hawhta, he phopi nata he khihpi he pakei aw na ta, taopathi theipa châ khao aw vei. Athipa rizy cha su hro liata pabu nawpa su a y lei awpa vâta, Tôphe liata tlâ ama pabu khai aw.

DÂNIAH 7:18

Châhrasala Chônôchaipa mopathaihpazy ta khinarâh cha chhâzaw ta to aw ei ta, chhâzaw nata tlyzaw ta ama hnei aw.’

DÂNIAH 7:22

Hlôthlâhpa a vypa ta, Chônôchaipa mopathaihpazy chhâh a châhpa ta pachiana bie phuahpa ta, mopathaihpazy ta khinarâh ama hnei hlâlei cha, âmo cha a pahnie lymâ.

MATHAI 11:27

Ei Paw ta ato zydua eina hlâ haw. Paw dei leipa ta cha, ahy hmahta Sawchapawpa he pahno leipa ei ta, Sawchapawpa nata ano ta a hnohta a palâhâhpa tah dei leipa ta cha, ahy hmahta Paw pahno veih ei.

LUKA 22:29

ei Paw ta khinarâh eina piepa hawhta, nâmo chhao khinarâh ei cha pie ei.

ZAWHÂNA 17:24

Ei Paw y, kyh eina pachâpa vâ chi ta, leilô y hlâta rônahna eina piepa chi kha ama hmô thei nawpa ta, nâ ta eina piepazy chi he, ei yna liata ei hnohta ama y hra awpa ei khoh ngaita.

BIEPHUAH 12:5

Chanô chata sawchapawpa, phopi zydua chô liata thua chôchahrei ta ryu a reih awpa sa ta. Châhrasala a saw cha Khazohpa nata a beidyuchhai lâta a chhipa ta y ha ta.

BIEPHUAH 19:15

A pakah tawhta zaozi tiah ngaitapa vaw pua ta, cha chata phopizy chhawh aw ta, thua chôchahrei ta ama chô liata ryureih aw ta, Khazohpa Atotaotheipa hiehâhna ru ngaitapa kre saohna khaoh a tly aw.