BIEPHUAH 2:26 - Mara Bible RV (BSI)

²⁶ Pahnietuhpa nata ei hmotaopazy a chhâna taihta a pyhtuhpa cha phopizy chô liata biehneina ei pie aw.

BIEPHUAH 2:26 ပူးပေါင်းရင်းမြစ်များ

HLAZY 2:8

Na hiah la, phopizy he na ryuto châta cha pie aw na ta, Khizaw kaokih zydua na ryuto ta ei cha pie aw.

HLAZY 2:9

Thua chôchahrei ta âmo cha tuchheih aw chi ta, Alei beih hawhta a tlawh ta na taichheih aw ei,” eina tah.

HLAZY 49:14

Mietakuzy hawhta Athihkhih châta raopa châ ei ta, Thina cha âmo vaituhpa châ aw ta, Chyhsa dopazy ta my ta ama chô liata ryu ama reih aw. Ama o rônahpazy siesai aw ei ta, Athihkhih ta ama piziezy a parao khai ha aw.

DÂNIAH 7:18

Châhrasala Chônôchaipa mopathaihpazy ta khinarâh cha chhâzaw ta to aw ei ta, chhâzaw nata tlyzaw ta ama hnei aw.’

DÂNIAH 7:22

Hlôthlâhpa a vypa ta, Chônôchaipa mopathaihpazy chhâh a châhpa ta pachiana bie phuahpa ta, mopathaihpazy ta khinarâh ama hnei hlâlei cha, âmo cha a pahnie lymâ.

DÂNIAH 7:27

Chatawhcha khinarâh nata ryureina cha, Chônôchaipa phopi mopathaihpazy hnohta piepa châ aw ta; Avâ ry zydua liata khinarâhzy rônahna chhao, Ama hnohta piepa a châ aw. A khinarâh cha tlyzaw khinarâh a châ aw; Ryureituhpa zydua ta ano cha chakao aw ei ta, A rei amâ ngiah aw.’”

MATHAI 10:22

Ei moh vâta chyhsa to a haopa ta y aw ei chi ta, achhâna taihta â ipa ta a duahpa cha pachhapa ta a y aw.

MATHAI 19:28

Zisu ta ama hnohta, “Hmeiseihta ta ei cha chho ei, Chyhsa Sawchapawpa he khizaw thiehpa liata a rônahna beidyuchhai liata â tyu tita, nâmo, nâ zituhpa sahlaozy chi he, beidyuchhai miahrawh hleino liata a tyuh aw ei chi ta, Izarei chi hrawh hleinozy chô liata ryu nama reih aw.

MATHAI 24:13

Achhâna taihta a tao hualuapa cha pachhapa ta a y aw.

ZAWHÂNA 6:29

Zisu ta âmo cha a chhy ta, “Khazohpa raihria cha he he a châ, a tuapa he a ngiapâ teh u,” tah ta.

RAWMA 2:7

Hmopha tao hualuapa ta, rônahna nata palyupalihna nata thi khao leina a tluatuhpazy hnohta chhâzaw hrona a pie aw.

RAWMA 8:37

Pachhaih bao va! Cha zydua liana chata kyh miah pachâtuhpa vâta, pahnietuhpazy hlâta rônah viapa eima châ.

1 THYSALAWNIKA 3:5

Cha vâna chata, reipasaotuhpa reipasaona vâta hmah eima hriapasana kha hraoleipa châ pathlei lah tahpa chi na ta, ei tao thei khao leipa vâta, namâ ngiapâna duahmo pahno awpa ta chyhsa ei vaw tuahpa a châ.

HEBRAI 3:6

Krista deikua cha, Khazohpa o chô liata Sawchapawpa ngâchhihpa a châ. Eimâ lôhna nata eima hnabeiseihna liata eimâ palaikheipazy â ipa ta eima patu khiahta cha, keimo he Krista o cha eima châ.

ZÂMIE 2:20

Hy chyhsa hrupa y, hmotaopa a hlao leipa ngiapâna cha khâpa hmah châ vei tahpa pahmô awpa na khoh ma?

1 ZAWHÂNA 2:19

Âmo cha eima hry tawhta pua ei ta, châhrasala eima chyhsa hmeiseihpa châ veih ei. Eima chyhsa hmeiseihpa châ ei sala, eima hnohta ama y lymâ aw. Châhrasala ama zydua ta eima chyhsa hmeiseihpa châ veih ei tahpa a lâ pasia nawpa ta, miah ama puasai haw.

1 ZAWHÂNA 3:23

A biepipa cha he he a châ: A Sawchapawpa Zisu Krista moh a ngiapâ ta, bie miah a piepa hawhta kyh a pachâ raihriepa he a châ.

1 ZAWHÂNA 5:5

Zisu he Khazohpa Sawchapawpa a châ tahpa a ngiapâtuhpa dei leipa ta cha, ahy ma khizaw a tiah thei tly?

BIEPHUAH 2:11

Thlahpa ta Awnanopazy hnohta bie a reipa he nakhaoh a hneipa ta cha thei mawh sy. Pahnietuhpa cha thina einona ta pasasa aw vei,’ a tah na,” tahpa ta.

BIEPHUAH 2:17

Thlahpa ta Awnanopazy hnohta bie a reipa he nakhaoh a hneipa ta cha thei mawh sy. Pahnietuhpa hnohta mânâ nyupa pie aw na ta, lô ngyuhpa chhao ei pie aw. Cha alô chô liata moh thiehpa ropa châ ta, cha cha a totuhpa dei leipa ta cha ahy hmahta pahno veih ei,’ a tah na,” tahpa ta.

BIEPHUAH 2:7

Thlahpa ta Awnanopazy hnohta bie a reipa he, nakhaoh a hneipa ta cha thei mawh sy. Pahnietuhpa cha Khazohpa pârâdi liata hrona tho theilâpa nie awpa ei pasai aw,’ a tah na,” tahpa ta.

BIEPHUAH 20:4

Chatawhcha beidyuchhaizy hmô na ta, a chô liata a tyuhpazy cha ryurei awpa ta biehneina piepa châ ei ta. Zisu bie nata Khazohpa bie vâta luh taipazy thlahpa, sahrâhpa nata a nothlahpa a chhy leipa nata ama khi liata tlyma, ama ku liata tlyma, ngiana a hnei leipazy thlahpa chhao hmô na ta. Cha sahlao cha vaw hroh ei ta, kô sâh kha chhôh Krista ryureilâh ei ta.

BIEPHUAH 21:7

Pahnietuhpa cha he ryu he a to aw. A Khazohpa châ aw na ta, ei saw a châ aw.

BIEPHUAH 22:5

Zâ y khao leipa aw ta, meiôh khaihpa nata noh khaihpa a ngiah khao aw veih ei. Abeipa Khazohpa cha ama khaihpa châ aw ta, chhâzaw nata tlyzaw ta ryu ama reih aw.

BIEPHUAH 3:12

Pahnietuhpa cha ei Khazohpa Achhyna o liata otôh ta tao aw na ta, cha su tawhta pua khao aw vei. Ano liata ei Khazohpa moh nata ei Khazohpa khihpi, Zerusale thiehpa moh roh aw na ta, cha cha ei Khazohpa tawhta a za chôpa moh châ aw ta, vârâh tawhta a za chô awpa moh a châ. Cha cha ei moh thiehpa a châ aw.

BIEPHUAH 3:21

Pahniena to na ta, ei Paw hnohta a beidyuchhai liata ei tyupa hawhna heta, pahnietuhpa cha ei beidyuchhai liata ei hnohta ei patyusa aw.

BIEPHUAH 3:5

Pahnietuhpa cha, cha hawhta poh diehpa pabusapa châ aw ta, hrona châbu tawhta a moh phie beih leipa aw na ta, ei Paw hmiakô liata nata a vâlyuhchâpazy hmiakô liata a moh ei châhkhei aw.