BIEPHUAH 2:23 - Mara Bible RV (BSI)

²³ A sawzy tusao aw na ta, chatanachata kei cha pachâna nata palôh mohtuhpa ei châ tahpa Awnanopa zydua ta ama pahno aw. Nama hmotaopazy lymâ hawhta ei cha pie aw ei.

BIEPHUAH 2:23 ပူးပေါင်းရင်းမြစ်များ

1 THÂTIHZYRONA 17:18

Châ chakaotuhpa na palyupalihna kyh liata, Dâvi heta reih awpa khâpa a hnei khao? Châ chakaotuhpa he pahno pasia tlôh chi ta.

1 THÂTIHZYRONA 28:9

“Nâ, Sawlawmaw, ei sawchapawpa y, na paw Khazohpa he pahno la, pathipalôh tlokhuh ta nata tao khona palôh hneipa ta ano cha chakao mah y. Abeipa cha palôh zydua mohtuhpa châ ta, achhuahna nata pachâna zydua pahnotuhpa a châ. Ano cha na tlua khiahta cha, hmô awh chi ta, nâ heihsai khiah deikua cha, chhâzaw ta a cha thy aw.

1 THÂTIHZYRONA 29:17

Ei Khazohpa y, nâ cha palôh mohpasia chi ta, adona liata nâ ly tahpa ei pahno. Palôh dopa phaopa ta, he hmozy he keima lôhthai tlai ta ei vaw hlâ. He liata a ypa na chyhsazy chhao heta âmo lôhthai tlai ta, a ly ngaitapa ta ama cha vaw hlâ tahpa ei hmô.

2 THÂTIHZYRONA 6:30

na pahrâna su vârâh tawhta vaw nathlie la, a ngiahthai mah y. Ama palôh na pahnopa nata ama hrozie lymâ hawhta, chyhsa to chô liata hria la tao mah y. Nâma, nâma deita he Âdâh pathlazy palôh a pahnotuhpa châ tlôh chi ta.

ZAWBÂ 24:23

Abohpa hawhta a pachâpa ta a pahâsa chypa chhao ei ta, Khazohpa mo ta ama lâpizy a tawpâ lymâ.

HLAZY 139:1

Hy Abeipa, liahsa ta na moh chi ta, Eina pahno chi!

HLAZY 26:2

Hy Abeipa, nâ chupa ta na mohpasia la, Ei pathipalôh nata ei pachâna pasia mah y.

HLAZY 44:21

Khazohpa ta hmô aw vei ma? Ano cha palôh liata bieru chhao, A pahno theipa châ tlôh ta.

HLAZY 62:12

Hy Abeipa, ngâchhihna cha nâma eih a châ. Chyhsa to ama hmotaopa lymâ hawhta na thô tyh.

HLAZY 7:9

Hy Khazoh siapa, Hmoparaopazy moleina pachhâsa la, Mosiapazy padua mah y; Nâ cha pachâna nata palôhzy pasiatuhpa châ tlôh chi ta.

ZEREMIAH 11:20

Châhrasala, Hy Pheisaihzy Abeipa, Siana ta pachia chi ta, Palôh nata pachâna a pasiatuhpa y, Ei thâtih cha nâ ei cha pavaosa hapa vâta, Ama chô liata phuh na lapa na pahmôsa mah y.

ZEREMIAH 17:10

“Kei, Abeipa he chyhsa to ama hrozie hawhta thôpa ta, Ama hmotaopa thei hawhta thô awpa ta, Palôh a mohtuhpa châ na ta, Pachâna a pasiatuhpa ei châ.”

ZEREMIAH 20:12

Hy Pheisaihzy Abeipa, Mosiapazy pasia chi ta, Palôh nata pachâna a hmôtuhpa y, Ei thâtih he nâ cha pavaosa ha tlôh na ta, Ama chô liata phuh na lapa na pahmôsa mah y.

ZEPHANIA 1:11

Nâmo, sôdaohna su liata a pahrâpazy saih u, A rôh teh u; Sôhpaliepa zydua y khao leipa ei ta, Tâkâ a pathliahpa zydua ama leidia khai haw.

MATHAI 16:27

Chyhsa Sawchapawpa cha a Paw rônahna ta a vâlyuhchâpazy chhaota a zu tlôh aw ta, chyhsa to ama hmotaopa hawhta a thô aw ei.

LUKA 16:15

Zisu ta ama hnohta, “Chyhsa mohmô liata a do kawpa hawhta a lâpa deita nama châ. Khazohpa deikua cha nama palôh a pahno. Chyhsa hry liata palyupalihna cha Khazohpa mohmô ta pasichhihpa a châ.

ZAWHÂNA 21:17

A ei thôhna ta Zisu ta Pity hnohta, “Saimaw, Zawhâna sawchapawpa, kyh eina pachâ chi ma?” tah ta. Pity cha Zisu ta a ei thôhna ta, “Kyh eina pachâ chi ma?” a tahpa vâta, a pachârôh ta, a hnohta, “Abeipa, ato pahno chi ta, kyh ei cha pachâpa chhao na pahno na,” tah ta. Zisu ta a hnohta, “Ei mietakuzy pasa teh.

ZAWHÂNA 4:16

Zisu ta a hnohta, “Vawh la, na vahpa kei aw la, he lâ a vy heih mah y,” tah ta.

HMOTAOPAZY 1:24

Thlahchhâ ei ta, “Hy Abeipa, nâ cha chyhsa zydua palôh pahnotuhpa na châ. He panozy liana heta, ahy he ma nâ tlyhpa a châ tahpa miah pahnosa mah y.

RAWMA 14:12

Eima zydua ta Khazohpa hmiakô liata keimo thâtih eima reih chyu aw.

RAWMA 8:27

Thlahpa cha Khazohpa khozie hawhta mopathaihpazy châta thlah a chhâ tyhpa a châpa vâta, palôh mohtuhpa Khazohpa ta Thlahpa pachâna cha a pahno.

2 KAWRINI 5:10

Chyhsa to ta pôhpa liata hmotaopazy, a chhiepa tlyma, a phapa tlyma, eima taopa hawhta eima hmô chyu thei nawpa ta, Krista ryureina dyuchhai hmiakô liata paluahsapa eima châ khai aw.

KALATIA 6:5

Chyhsa to ta âmo phao chyu phaoh tlôh aw ei ta.

RYHPACHANEINA 13:11

Chatanachata Izarei saw zydua ta thei aw ei ta, chi aw ei ta, nama hry liata cha hawhpa moleina chichhihpa cha tao khao aw veih ei.

RYHPACHANEINA 17:13

Chatanachata chyhsa zydua ta thei aw ei ta, chi aw ei ta, papeisa leipa ta y khao aw veih ei.

RYHPACHANEINA 19:20

Cha thâtih cha laibâhpazy ta thei aw ei ta, chi aw ei ta, cha hawhpa hmo pha leipa cha nama hry liata tao khao aw veih ei.

RYHPACHANEINA 21:21

Cha khai tawhta khihsaw zydua ta alô ta vawhsao aw ei ta, cha hawhna chata hmo pha leipa cha nama hry tawhta nama pahlei awpa a châ. Cha thâtih cha Izarei zydua ta thei aw ei ta, ama chi aw.

HEBRAI 4:13

A mohmô tawhta a nyu theipa hmotaopa rai y vei. Eima thâtih eima tlôkhei nawpa mohmô liata cha, ato thluahruapa nata pahy chiehpa ta a y khai.

1 PITY 1:17

Khokhei viapa hnei leipa ta, chyhsa to ama hmotaopa chyu hawhta pachiatuhpa cha Paw hawhta nama pado khiahta cha, khizaw liata nama y chhôh cha khitlyhpa hawhta y u la, Paw Khazohpa cha chiza muh vy.

BIEPHUAH 2:11

Thlahpa ta Awnanopazy hnohta bie a reipa he nakhaoh a hneipa ta cha thei mawh sy. Pahnietuhpa cha thina einona ta pasasa aw vei,’ a tah na,” tahpa ta.

BIEPHUAH 2:7

Thlahpa ta Awnanopazy hnohta bie a reipa he, nakhaoh a hneipa ta cha thei mawh sy. Pahnietuhpa cha Khazohpa pârâdi liata hrona tho theilâpa nie awpa ei pasai aw,’ a tah na,” tahpa ta.

BIEPHUAH 20:12

Beidyuchhai hmiakô liata molaipa nata mochyhpa athipazy a duahpa hmô na ta, châbuzy pahypa a châ. Châbu hropa, hrona châbu chhao pahypa châ ta. Athihpazy cha châbuzy liata ropa hawhta, ama hmotaozie lymâ hawhta pachiapa ama châ.

BIEPHUAH 20:13

Tilaipi ta a chhôh liata athihpa a ypazy papuasa ta, Thina nata Athihkhih ta ama chhôh liata athihpa a ypazy papuasa hra ei ta, chyhsa to ama hmotaopa lymâ hawhta pachiapa ama châ.

BIEPHUAH 22:12

Abeipa Zisu ta,“Nathlie teh, ei vy patoh aw. Chyhsa to ama hmotaopa lymâ hawhta pie awpa lymâ ei hnohta a y.

BIEPHUAH 6:8

Kaw moh na ta, arâ peipa hmô na ta, a chô liata a kiahpa moh cha Thina châ ta, a hnôh lâta Athihkhih ta vaw pazi ta. Khizaw zydua he su palih ta pachhaih ta su kha cha, zaozi, chakâhna, hri nata alei liata sahrâhpazy hmâpa ta thie awpa ta, ama hnohta biehneina piepa a châ.

1 SAMUELA 16:7

Châhrasala Abeipa ta Samuela hnohta, “A hmisâ tlyma, a pôraoh tlyma moh kha, ano kha khoh va na. Abeipa ta la chyhsapa hmôzie hawhta hmô vei. Chyhsapa ta cha khôtho lâ alânazie moh tyh ta, Abeipa deikua cha palôh tlao a moh tyh,” tah ta.