BIEPHUAH 2:16 - Mara Bible RV (BSI)

¹⁶ Chavâta ro mah y. Chataleipatala nâ lâ a vy patoh aw na ta, ei pakah zaozi ta âmo cha ei vaw dyuh aw ei.

BIEPHUAH 2:16 ပူးပေါင်းရင်းမြစ်များ

ISAI 11:4

Dyhchhiepazy chô liata adona ta ryureih aw ta, Lei chyhsa nônaipazy châta a khongâh kawpa ta a pachia aw. A pakah chôchahrei ta nôchhiepazy tu aw ta, A hmao hu ta hmoparaopazy a thie aw.

ISAI 49:2

Ei pakah he zaozi tiahpa hawhta tao ta, A ku nohpahli ry liata eina nyu; Châtai patliepa ta na tao ta, A châtai byh liata eina khô.

EPHESI 6:17

Chatawhcha pachhana lakhu a khu u la, Thlahpa zaozi a chaba teh u. Thlahpa zaozi cha Khazohpa bie a châ.

2 THYSALAWNIKA 2:8

Cha khai tawhta, ryhpa paraotuhpa cha a vaw luah aw ta, Abeipa Zisu ta ano cha a pakah hu ta thie aw ta, â vyna khaihna ta a pahleipadia aw.

BIEPHUAH 1:16

A ku chachâh lâta awhsi miasari chaba ta, a pakah tawhta zaozi hâh nopa vaw pua ta, a hmia cha nohchhô locho no hawhta a khaih.

BIEPHUAH 16:9

Chatanachata chyhsazy cha ama u khaina taihta noh sah ngaitapa ta pakâhpa châ ei ta, potlana chô liata biehneituhpa Khazohpa moh cha chhiesapa ei ta. Châhrasala ro khoh hlei leipa ei ta, Khazohpa palyupalih veih ei.

BIEPHUAH 19:15

A pakah tawhta zaozi tiah ngaitapa vaw pua ta, cha chata phopizy chhawh aw ta, thua chôchahrei ta ama chô liata ryureih aw ta, Khazohpa Atotaotheipa hiehâhna ru ngaitapa kre saohna khaoh a tly aw.

BIEPHUAH 19:21

Ahropazy cha arâ a kiahpa pakah tawhta zaozi a vaw puapa ta chhawhsaopa châ ei ta, ama sapa cha pavaw zydua ta nie ei ta, rihbiepa ta ama y.

BIEPHUAH 2:12

“Pekamu Awnanopa vâlyuhchâpa hnohta hetana heta roh teh: ‘Zaozi hâh no tiahpa a hneipa khata he biezy he a reih.

BIEPHUAH 2:5

Chavâta na paosai hapa kha a thei la, ro la, hmiatua ta na tao tyhpa hmozy kha tao heih mah y. Chataleipatala nâ lâ a vy aw na ta, na ro vei khiahta cha, na meiôh patyuna kha a su tawhta ei pasie aw.

BIEPHUAH 22:20

He biezy a reihtuhpa ta, “Ei vy patoh tlai aw,” a tah. Amen. A vy mah y, Beipa Zisu!

BIEPHUAH 22:7

Abeipa Zisu ta,“Nathlie teh, ei vy patoh aw. He châbu chhôh liata hrohsona biezy a pyhpa cha a nohlao na,” tah ta.

BIEPHUAH 3:19

Kyh ei pachâpa cha pasipaao na ta, ei chhorei tyh. Chavâta phahnai a ngiah la, ro mah y.