BIEPHUAH 2:14 - Mara Bible RV (BSI)

¹⁴ Châhrasala pasina chyhta ei cha hnei. Nama hry liata chyhsa thokha Bâlâma pachuna khâchâ a patupazy y ei ta. Bâlâma cha Izarei sawzy hmiakô liata achapiana lô so awpa ta Bâlâka a pachutuhpa châ ta, Izarei sawzy cha nothlahpa lâta hlâpa niedozy paniesa ta, apatlana moleina pataosa a chhuahpa kha a châ.

BIEPHUAH 2:14 ပူးပေါင်းရင်းမြစ်များ

ISAI 57:14

Abeipa ta hetana heta a tah: “Padua u la, padua u la, Lâpi a chhuahdy teh u; Ei phopi lâpi liata Pakhâpadiena a ypazy thy khai teh u.”

ZEREMIAH 6:21

Chavâta Abeipa ta hetana heta a tah: ‘He phopi hmiakô liata achapiana lôzy soh aw na ta, Cha liata amâ chapia aw; Paw nata saw a chapia khoh aw ei ta, Vaih nata a viasa ama leidia khoh aw.’”

EZEKIA 3:20

“Cha hawh pyly ta, chyhsa siapa cha a siana a heihsai ta, hmo doleipa a taopa vâta, a hmiakô liata achapiana ei so khiahta cha, a thi aw. Zikyu nâ râ leipa vâta, a moleina vâta thi aw ta, hmo pha a taopazy a theipa châ khao aw vei. A thisaih maoh deikua cha na ku liata a y aw.

EZEKIA 44:12

Ama khazoh nothlahpazy hmiakô liata chakao ei ta, Izarei pathlazy châta moleina liata ahluana lô ama châ tyhpa vâta, ku chaluahpa ta bie ei taih haw. Ama moleina maoh ama phaoh tlai aw, Abeipa Zehôvâh ta a tah.

MALUHREINA 24:14

Tahmâ cha ei phopi lâ ei sie aw. A vy teh, noh a vaw tlô awpazy liata, he phopi ta na phopi chô liata ama tao awpa ei cha pahnosa aw,” tah ta.

MALUHREINA 31:16

Pachâ teh u, âmo kha Bâlâma ryhraona ta Peô liata Izarei sawzy Abeipa chô liata paraona a pataosatuhpazy châ ei ta, âmo vâta Abeipa chyhsazy chô liata potlana a vaw tlôpa kha.

MALUHREINA 31:8

Midia beizy chhao, ama chyhsa thiepazy hry liata thie pâ hra ei ta, Midia bei papangawh, Ivi, Reke, Zuri, Hurâ nata Rebâ nata Beô sawchapawpa Bâlâma chhao zaozi ta ama thie haw.

MATHAI 18:7

“Molei reipasaonazy vâta khizaw he a hu a po kaw dia! Reipasaona cha a y awpa tlai châ ta, châhrasala reipasaona a paysatuhpa cha a hu a po na!

HMOTAOPAZY 15:29

Nothlahpa lâ atheihna sa niepa, sa thisaih niepa, paaosaopa niepa nata apheina zy nama bâhsai awpa a phapa ta eima pahno. Chazy cha nama bâhsai khiahta cha, nama châta a pha aw. Atlâhpa ta.”

HMOTAOPAZY 21:25

Zenitai ngiapâtuhpazy kyh lia deikua cha, nothlahpa lâ atheihna hlâpa niepa, sa thisaih niepa, sa paaosaopa niepa nata apheina zy ama bâhsai awpa a byuhzie eima biepathlupa cha, châ ropa ta eima paphao haw,” tah ei ta.

RAWMA 11:9

Dâvi chhao ta, “Ama tlâhkhai cha, Ama châta khoheih nata aphyh châ sala, Achapiana nata viarithôna châ mawh sy.

RAWMA 14:13

Chavâta a sei raihrie khao leipa ta, unawhpa lâpi liata achapiana lô tlyma, pakhâna tlyma, sokhâh lei awpa a chhuah ei suh u.

RAWMA 14:21

Na unawhpa a chapia nawpa a châ khiahta cha, sa nie leipa nata kresawhti do leipa pha ta, â chapia thei nawpa hmo khâpa hmah tao leipa a pha.

RAWMA 9:32

Khâpa vâta maw? Ngiapâna ta a chadai leipa ei ta, hmotaopa ta to thei awpa hawhta amâ chadaipa vâta a châ. Achapiana lô liata amâ chapia haw,

1 KAWRINI 1:23

Keimo deikua cha, Krista khaipâpa thâtih eima chho. Cha cha Zuzy châta achapiana châ ta, Zenitaizy châta hruna a châ.

1 KAWRINI 7:2

Châhrasala apatlana moleina khôkhâh nawpa ta, chapaw ta lapinô hnei chyu ei sala, chanô chhao ta vahpa hnei chyu mawh ei sy.

HEBRAI 13:4

Nôvah ahneina he chyhsa zydua hry liata palyupalihpa ta y mawh sy. Nôvah rakhô chhao papuapaleipa châ khah sy. Apatlana moleina a taopazy nata apheipazy cha Khazohpa ta a pachia aw.

ZAWSUA 24:9

Zipô sawchapawpa Môabâ bei Bâlâka vaw thyu ta, Izarei cha a vaw dyuh ta, chhie cha sapa awpa ta Beô sawchapawpa Bâlâma hnohta chyhsa tuah ta, a paawsa.

1 PITY 2:8

Achapiana lô vaw châ ta, Moleina lôpanô a vaw châ haw.” Bie ama zyh leipa vâta a chapia ei ta, cha hawhta y awpa ta raopa rai ama châ.

2 PITY 2:15

Lâpi dopa tleisai ei ta, ama pavia haw. Hmo doleipa taopa tawhta athôhna hmô a tlaichhaipa Beô sawchapawpa Bâlâma lâpi amâ chhih.

ZUDÂH 1:11

Ama hu a po na! Kaina lâpi a chhih ei ta, athôhna hmô awpa ta Bâlâma moleina lâpi liata a râ ei ta, Kôrâ adyuhna liata ama leidia.

BIEPHUAH 2:20

Châhrasala pasina ei cha hnei, Zezebel ama tahpa, anosasyh ta hrohsonô ta â reihpa chanô na chhyh thaipa vâta. Ano cha sihryh awpa nata nothlahpa atheihna pati nie awpa ta nâ chakaotuhpazy pachu ta, a no leipa lâta a paviasa tyhpa a châ.

BIEPHUAH 2:4

Châhrasala pasina ei cha hnei, na kyhpachâ hmiatuapa na bâhsaipa vâta.

BIEPHUAH 21:8

Riahchhiepazy, ngiapâleipazy, pasichhihpazy, lianycheihpazy, sihryhpazy, dyuthaipazy, nothlahpa achhypazy nata haiphiahpa zydua to awpa deikua cha, mei nata kaih ta a kâ ngâpa tipo châ aw ta, cha cha thina einona a châ,” tah ta.

BIEPHUAH 22:15

Izy, dyuthaipazy, sihryhpazy, lianycheihpazy, nothlahpa a chhypazy nata haipa bie rei a pahâhpazy deikua cha, khihpi khôtho liata ama y aw.