BIEPHUAH 2:13 - Mara Bible RV (BSI)

¹³ “‘Na pahrâna, Sâtâ beidyuchhai yna ei pahno. Châhrasala ei moh khâchâ patu chi ta, ei bie pahnotuhpa ei chyhsa ngâchhihpa Antipâ kha, Sâtâ pahrâna liata nama hry liata ama thie nona khata, einâ ngiapâna chi a paphasai va chi.

BIEPHUAH 2:13 ပူးပေါင်းရင်းမြစ်များ

MATHAI 10:23

Khihpi miakha liata ama cha taola tita, khihpi hropa lâ a râ teh u. Hmeiseihta ta ei cha chho ei, Chyhsa Sawchapawpa â vy hlâta Izarei khihpi zydua chahryh khai hmâ aw veih ei chi.

MATHAI 24:9

“Riethei tao awpa ta cha patusa aw ei ta, cha thie aw ei ta, ei moh vâta phopi zydua ta ama châ hao aw.

MATHAI 4:10

Zisu ta a hnohta, “Sâtâ, a râ teh! ‘Abeipa na Khazohpa a chhy aw chi ta, Ano deita na chakao awpa a châ,’ Tahpa ta ropa châ tlôh ta,” tah ta.

LUKA 21:17

Ei moh vâta chyhsa zydua ta ama châ hao aw.

HMOTAOPAZY 22:20

Na bie a pahnotuhpa Stiphana thisaih ama palo nota, kei chhao a kiapâh liata a duah na ta, paryhsa na ta, ano a thietuhpazy chysia a vaituhpa ei châ,’ tah na ta.

HMOTAOPAZY 9:14

He lia chhao ta, na moh a padopa zydua chahry theina biehneina theihthai beizy tawhta piepa a châ,” tah ta.

1 THYSALAWNIKA 5:21

ato pasiapa ta, a phapa maih a pyh u la,

1 TIMAWTHY 5:8

Sanawh a chyh leipa chyhsa, a eih pachaipa ta a chhôhkhazy a chyh leipa chyhsa cha, ngiapâna a paphasaipa châ ta, ngiapâleipa hlâ chhao ta a chhie via.

2 TIMAWTHY 1:13

Krista Zisu liata a ypa ngiapâna nata kyhpachâna hneipa ta, siezie awpa biedopa kei tawhta na theipazy kha zi mah y.

2 TIMAWTHY 2:12

Pasa eima tao khiahta cha, A hnohta ryu eima reih hra aw; Ano eimâ paphasai khiahta cha, Ano chhao ta miah â paphasai hra aw;

HEBRAI 10:23

Eima hnabeiseihna palâhâhna cha, a zawvaw leipa ta khâchâ patu ei suh u, bie â taihtuhpa cha ngâchhihpa châ tlôh ta.

HEBRAI 3:6

Krista deikua cha, Khazohpa o chô liata Sawchapawpa ngâchhihpa a châ. Eimâ lôhna nata eima hnabeiseihna liata eimâ palaikheipazy â ipa ta eima patu khiahta cha, keimo he Krista o cha eima châ.

ZÂMIE 2:7

Âmo cha moh zachhihpa nama phaopa a reipachhietuhpazy châ veih ei mâ?

BIEPHUAH 1:5

Zisu Krista, pahnokheituhpa ngâchhihpa, athihpa hry liata a thyu heih tua chaipa nata lei beizy chô liata ryureituhpa tawhta ngiachhiena nata thlalôhna nama hnohta y mawh sy. Kyh miah pachâ ta, a thisaih ta eima moleinazy tawhta miah papuapa ta,

BIEPHUAH 11:3

Chatawhcha bie nâ pahnokheituhpa pano hnohta biepie aw na ta, latho poh a bupa ta, noh 1,260 chhôh bie ama chhochhielie aw,” tah ta.

BIEPHUAH 12:11

Mietakutaw thisaih nata ama pahnokheina bie vâta ano cha ama pahnie haw. Ama hrona kyh chhao pachâ thei khao leipa ta thina taihta a dyuhpazy ama châ.

BIEPHUAH 13:2

Sahrâhpa ei hmôpa cha keichhoh lyu ta, a pheizy chavyh phei lyu ta, a pakah cha chakeibarôhneipa pakah a lyu. Sahrâhpa hnohna chata Drâkao ta a hmotaotheina, a beidyuchhai nata biehneina lai ngaitapa pie ta.

BIEPHUAH 14:12

Cha chata mopathaihpa, Khazohpa biepiepazy nata Zisu angiapâna bie a zyhtuhpazy cha tao hualua awpa a byuhzie a palâsa.

BIEPHUAH 17:14

Mietakutaw a dyuh aw ei ta, châhrasala Mietakutaw ta âmo cha a pahnie aw. Mietakutaw cha hyutuhzy Hyutuhpa nata beizy Beipa châ ta, a hnohta a ypazy cha, awpazy, atlyhpazy nata ngâchhihpazy ama châ,” tah ta.

BIEPHUAH 17:6

Cha chanô cha mopathaihpazy thisaih nata Zisu mâtyzy thisaih a paripa ta hmô na ta. Ei hmô nahta, ei noâh ngaita ta.

BIEPHUAH 2:2

“‘Na hmotaopa, na hriapasazie, na tao hualuazie nata chyhsa moleipa na chhyh thai leizie zy ei pahno. Lyuhchâpa châ tlôh leipa ta lyuhchâpa â tahpazy pasia chi ta, a haihpa ama châ tahpa na pahno.

BIEPHUAH 3:11

Ei vy patoh aw. Ahy hmahta na lakho ama cha lapa lei nawpa ta, na hnei chiehpa kha khâchâ patu mah y.

BIEPHUAH 3:3

Na topa nata na theipazy kha a thei la, zyh la, ro teh. Nâ hra vei khiahta la, parutuhpa hawhta a vy aw na ta, khati dawh ta ma ei cha vaw pachhai aw tahpa pahno aw va chi.