BIEPHUAH 19:3 - Mara Bible RV (BSI)

³ “Haleluia! Chhâzaw nata tlyzaw ta, A meikhuh a kiah lymâ aw,” tahpa ta awh via heih ei ta.

BIEPHUAH 19:3 ပူးပေါင်းရင်းမြစ်များ

ÂTHAONA 19:28

Sawdawmâ nata Kawmawrâ nata bypi râh zydua cha sai ta, râh tawhta meikhuh a kaw puapa hmô ta, meihôpi meikhuh hawh tlai ta a charih ngâ kaw ta.

HLAZY 104:35

Moleipazy cha alei tawhta pahleipadiapa châ ei sala, Hmoparaopazy cha y khao khah ei sy! Hy ei thlahpa, Abeipa cha reithai mah y! Abeipa cha reithai teh u!

ISAI 34:10

Chhô nah zâ ta pachhaipa châ leipa aw ta, A meikhuh chhâzaw ta a khu aw. Chhâ zydua ta roryhrapa ta y aw ta, Chhâzaw nata tlyzaw ta ahy hmahta chapia khao aw veih ei.

ZUDÂH 1:7

Sawdawmâ nata Kawmawrâ nata ama chheipâh khihpizy chhao kha, apatlana moleinazy thata tao ei ta, chanô chapaw châna hmâzie tyhpa a châ leipa, chapaw nata chapaw apatlanazy taihta ama taopa vâta, chhâzaw mei ta hriepa châ ei ta, pakhona châta hmâpa ama vaw châ haw.

BIEPHUAH 14:11

Cha chyhsazy pasataona meikhuh cha chhâzaw nata tlyzaw ta pua aw ta, sahrâhpa nata a nothlahpa achhytuhpazy nata a moh ngiana a hneipa maihzy cha, chhô nah zâ ta apahâna rai hnei aw veih ei,” tah ta.

BIEPHUAH 18:18

Babylaw kâpa khuh cha saina chôta, “He hawhta khihpi rônahpa he, Khâpa khih ma a y aw?” tahpa ta awh ei ta.

BIEPHUAH 18:9

A sihryhkhei tyhpa nata phasana ta a hrolâh tyhpa lei beizy ta Babylaw khihpi mei ta a kâpa khuh ama hmô nahta, chakhei aw ei ta, chaphôh ama tupa aw.

BIEPHUAH 19:1

Cha khai tawhta vârâh liata zawpi hluhpi ao paro ngaitapa a lyupa thei na ta, ao chata, “Haleluia! Pachhana zy, rônahna zy, hmotaotheina zy cha, Eima Khazohpa eih a châ.

BIEPHUAH 19:4

Machâ pakih nata papalih nata hmohrohneipa miapalihzy cha a khu ei ta, “Amen! Haleluia!” tahpa ta, beidyuchhai liata a tyuhpa Khazohpa cha a chhy ei ta.