BIEPHUAH 19:1 - Mara Bible RV (BSI)

¹ Cha khai tawhta vârâh liata zawpi hluhpi ao paro ngaitapa a lyupa thei na ta, ao chata, “Haleluia! Pachhana zy, rônahna zy, hmotaotheina zy cha, Eima Khazohpa eih a châ.

BIEPHUAH 19:1 ပူးပေါင်းရင်းမြစ်များ

1 THÂTIHZYRONA 29:11

Hy Abeipa y, rônahna zy, hmotaotheina zy, palyupalihna zy, pahniena zy, abeina zy na eih châ ta, avâzy nata alei liata a ypa zydua chhao na eih a châ. Hy Abeipa, khinarâh cha na eih châ ta, ato chô lâta a to luh châta cheihchalopa na châ.

HLAZY 104:35

Moleipazy cha alei tawhta pahleipadiapa châ ei sala, Hmoparaopazy cha y khao khah ei sy! Hy ei thlahpa, Abeipa cha reithai mah y! Abeipa cha reithai teh u!

HLAZY 106:1

Abeipa cha reithai u la, Alyna bie hlâ teh u! Ano cha pha ta, A kyhpachâna a tleih beih leipa a châ.

HLAZY 111:1

Abeipa cha reithai teh u! Adopa sahlaozy apakhyna liata, Ei palôh tlokhuh ta Abeipa lâ alyna bie ei hlâ aw.

HLAZY 115:18

Keimo deikua cha, Tahmâ tawhta chhâzaw nata tlyzaw ta, Abeipa cha eima reithai aw. Abeipa cha reithai teh u!

HLAZY 146:1

Abeipa cha reithai teh u! Hy ei thlahpa, Abeipa cha reithai mah y!

HLAZY 148:1

Abeipa cha reithai teh u! Vârâh tawhta Abeipa cha reithai u la, Vâ chô sâhpa liata ano cha reithai teh u!

HLAZY 149:1

Abeipa cha reithai teh u! Abeipa lâta hla thiehpa sa u la, Mopathaihpazy pakhypi liata a reithaina hla sa teh u!

HLAZY 150:1

Abeipa cha reithai teh u! Khazohpa cha a supathaihpa liata reithai u la, A vâ thokhyzy liana khi ta reithai teh u!

HLAZY 3:8

Pachhana cha Abeipa eih châ ta, Na byhnâ na chyhsazy chô liata y mawh sy! Selah

HLAZY 62:11

Khazohpa ta ei kha reih ha ta, He he ei no ei theina a châ: Hmotaotheina cha Khazohpa eih châ ta,

ZEREMIAH 51:48

Paraotuhpa ta maw lâ tawhta Babylaw a vaw siehnao awpa vâta, Lei nah vâ nata a chhôh liata a ypa zydua ta, Babylaw cha amâ lyna hla ama sa chie aw,” Abeipa ta a tah.

ZAWNA 2:9

Kei deikua cha alyna ao chhaota Atheihna cha hlâ aw na ta, Bie ei taih hapa cha ei pie aw. Pachhana cha Abeipa eih a châ,” tah ta.

MATHAI 6:13

Reipasaona lâta miah a chhi khah y, Moleipa tawhta miah pachha mah y. Khinarâh zy, hmotaotheina zy, rônahna zy, Chhâzaw nata tlyzaw ta na eih châ tlôh ta. Amen.’

BIEPHUAH 11:15

Chatawhcha vâlyuhchâpa pasarina ta a chiahmie tô ta, “Khizaw khinarâh cha eima Beipa nata a Krista khinarâh a vaw châ haw. Ano ta chhâzaw nata tlyzaw ta ryu a reih aw,” tahpa ta ao paro ngaitapazy avâ liata vaw y ta.

BIEPHUAH 12:10

Chatawhcha avâ liata ao paro ngaitapa thei na ta, ao chata, “Tahmâ cha eima Khazohpa pachhana, hmotaotheina, khinarâh nata a Krista biehneina zy a vaw tlô haw. Eima unawhzy a leihtuhpa, eima Khazohpa hmiakô liata chhô nah zâ ta âmo a leih tyhtuhpa cha, za thy pathlahpa a châ haw.

BIEPHUAH 19:6

Chatawhcha zawpi hluhpi ao a lyupa thei na ta. Ti hluhpi pyu hawhta nata tôkalôhpa thata a thuapa pyu hawhta châ ta, ao chata, “Haleluia! Abeipa eima Khazohpa, Atotaotheipa ta ryu a reih.