BIEPHUAH 18:8 - Mara Bible RV (BSI)

⁸ Chavâta noh kha chhôh tlai ta, Potlanazy ta a vaw tlô thlu aw; Thina nata mâchhiesana chakâhna vaw tlô thlu aw ta, Mei ta pakâ khaipa a châ aw; Ano a pachiatuhpa Abeipa cha, Khazohpa thatlôpa châ tlôh ta,” tah ta.

BIEPHUAH 18:8 ပူးပေါင်းရင်းမြစ်များ

ZAWBÂ 9:19

Tha hmâpa ta a tupa châ mawh sala, Pachâ tua, ano cha thatlôpa châ ta; Ryureina liata lyuhtuapa châ mawh sala, Ano cha ahy ma a aw thei aw tly?

HLAZY 62:11

Khazohpa ta ei kha reih ha ta, He he ei no ei theina a châ: Hmotaotheina cha Khazohpa eih châ ta,

ISAI 27:1

Cha noh liata, Abeipa ta a zaozi laipa, tiahpa nata thatlôpa hmâpa ta, Leviathâ parihpi a chakhao ngâpa cha a hrie aw. Leviathâ parihpi a pakipa cha hrie aw ta, tilaipi liata parihpi a ypa cha a thie aw.

ISAI 9:14

Chavâta Abeipa ta Izarei luh tai pachhô aw ta, A chaolahmei chhao a tai pachhô aw; Thiahrâ chiah nata lohthi zy Noh kha ta a tai pachhô khai aw.

ZEREMIAH 50:31

“Hy nâ, chyhsa a palaipa, ei châ dyuh; Na noh vaw tlô ha ta, Ei cha hrie nawpa daihti a vaw tlô haw,” Pheisaihzy Abeipa Zehôvâh ta a tah.

ZEREMIAH 50:34

Châhrasala âmo Chatlaituhpa cha, Thatlôpa châ ta; A moh Pheisaihzy Abeipa a châ. Ano ta âmo chhâh a châ aw ta, Khizaw liata thlalôhna a paysa aw; Babylaw chyhsazy chô liata deikua cha, Tymâna a patlôsa aw.

ZEREMIAH 51:58

Pheisaihzy Abeipa ta hetana heta a tah: “Babylaw thokhy chhapa cha pachopa châ aw ta, A chhikao a sâhpazy mei ta raopa a châ aw. Phopizy cha hraoleipa ta hriapasa ei ta, Râhzy ta mei châta ama rie tlâ amâ pathei.”

ZEREMIAH 51:6

“Babylaw khih chhôh tawhta a râ u la, Chyhsa to ama hrona pabohsa mawh ei sy! Babylaw moleina vâta leidia khah u; He he Abeipa phuh lana daihti châ ta, Babylaw viari a thôna daihti a châ hih.

ZÔELA 2:11

Abeipa cha a pheisaihzy hmiakô liata ao papua ta, A riehmo a lai ngaita; Ano cha hmotaotheipa châ ta, A bie a patlôpa a châ. Abeipa noh cha rônah ta, A rarôh y ngaita; Cha noh cha ahy ma a tao thei aw?

1 KAWRINI 10:22

Abeipa cha a hia patliasapa ta, a hie pahâh eimâ chhuah mâ? Ano hlâta eima tha a tlô via mâ?

BIEPHUAH 11:17

“Hy Abeipa Khazohpa Atotaotheipa, A y haipa nata a y hapa y, Na hmotaotheina rônahpa ta ryureih chi ta, Alyna bie eima cha hlâ.

BIEPHUAH 17:16

Sahrâhpa nata ki hrawh na hmôpazy khata âzuahnô cha amâ hao aw. Roryhrapa nata thluahruapa ta tao aw ei ta, a sa nie aw ei ta, mei ta ama raosao aw.

BIEPHUAH 17:18

Chanô na hmôpa kha khihpi rônahpa, lei beizy chô liata ryureituhpa a châ,” tah ta.

BIEPHUAH 18:17

Dawh kha chhôh ta, A hneirôna zydua a lei khai ha he zaw!” Balyh hyutuhpa zydua nata balyh ta khitlyhpa zydua, balyh puhpazy nata tilaipi chô liata sôhpalietuhpa zydua cha Lâhlapi ta a duah ei ta,

BIEPHUAH 18:19

Ama luh liata buchadoh a mia ei ta, awh ei ta, hetana heta chapa ta mâchhie ama sâ: “Cha rimâ cha! Cha rimâ cha! Khihpi rônahpa, A hneirôna hmâpa ta, Tilaipi balyh hneituhpazy A pahneirôhsapa khihpi! Dawh kha chhôh ta, A lei khai ha he zaw!

BIEPHUAH 19:3

“Haleluia! Chhâzaw nata tlyzaw ta, A meikhuh a kiah lymâ aw,” tahpa ta awh via heih ei ta.