BIEPHUAH 18:23 - Mara Bible RV (BSI)

²³ Meiôh khaihna chhao, Na chhôh liata khaih khao aw vei. Myuhneituhpa ao nata myuh aozy chhao, Na chhôh liata theipa châ khao aw vei. Na sôhpalietuhpazy cha, Lei chyhsa rônahpazy châ ei ta, Na dyuthaina ta phopi zydua dôveipa ta ama y.

BIEPHUAH 18:23 ပူးပေါင်းရင်းမြစ်များ

2 ABEIZY 9:22

Zôrâ ta Zehu a hmô nahta, a hnohta, “Zehu, phana kyh a châ ma?” tah ta. Zehu ta a chhy ta, “Na nô Zezebel sihryhna nata dyuthaina a hluh chhôh zydua cha, khâpa phana kyh ma na rei hra?” tah ta.

ZAWBÂ 21:17

“Moleipazy meiôh cha khâ pachhai tyhpa châ vei ma? Ama chhiena ama chô liata vaw tlô tyh vei ma? Khazohpa ta a hiehâhpa ta ama sa pasasa tyh vei ma?

BIESOZY 24:20

Chyhsa chhiepa châta hmialâ daihti y leipa ta, Moleipa meiôh cha pachhaipa a châ aw.

ISAI 23:8

Ahy ma beilakhozy a pakhosatuhpa Tyre chô liata He hmo he tao a chhuah tly? Tyre sôdaohpazy cha beimachâzy châ ei ta, Cha liata sôhpalietuhpazy chhao, Lei chyhsa zachhihpazy mah ama châ tâh.

ISAI 47:9

He hmo mianopazy heta, Movi hlâta cha vaw tlô thlu aw ta, Noh kha chhôh ta a cha vaw tlô thlu aw: Dyu hluhpi hmâpa ta, Pachaona hmotaothei ngaitapazy ta pachao hra la, Sawzy pahleina nata nôhmeina zy ta Rarôh ypa ta a cha vaw tlô thlu aw.

ZEREMIAH 16:9

Abeipa Atotaotheipa, Izarei Khazohpa ­ta hetana heta a tah: Pachâ teh u, nama hro chhôh nama mohmô lia tlai ta, alyna pyu zy, thaphana pyu zy, myuhneituhpa ao nata myuh ao zy he su liata ei chalihsa khai aw.

ZEREMIAH 25:10

“Cha dei châ vei, alyna nata thaphana pyuzy, myuhneituhpa nata myuh aozy, sâh chariehna pyu nata meiôh khaihna zy âmo tawhta ei la khai ha aw.

ZEREMIAH 7:34

Zudâh khihpizy liata nata Zerusale khiliahzy liata palaona pyu, thaphana pyu, myuhneituhpa ao nata myuhthieh ao zy chalihsa khai ha aw na ta, râh cha roryhrapa ta a y aw.

NÂHU 3:4

Cha zydua cha, Âzuahnô sihryhna rei tiah leipa vâta châ ta, A khoiah hneina nata a dyuthaina vâta a châ; A sihryhna ta râhzy zuah ta, A dyuthaina ta phopizy a zuah tyh.

HMOTAOPAZY 8:11

A dyu hmâpa ta bohpi noâh ngaitapa ta a vaw paysa hapa vâ ei ta, a bie ama nathlie kaw tyhpa a châ.

BIEPHUAH 12:9

Chatawhcha drâkao lai ngaitapa, parih hlôpa, ahripa nata Sâtâ tahpa ta moh bipa, khizaw zydua a dôtuhpa cha za thy pathlah ei ta. Alei lâ za thy ei ta, a vâlyuhchâpazy chhao a hnohta za thy pâ hra ei ta.

BIEPHUAH 17:2

Ano cha lei beizy ta amâ pheikheipa châ ta, a sihryhna kresawhti ta lei chyhsazy a parisapa a châ,” tah ta.

BIEPHUAH 17:5

A khi liata bienyupa, “Babylaw khihpi rônahpa, sihryhpazy nata lei hmo pasichhihpazy nô,” tahpa ta moh ropa y ta.

BIEPHUAH 18:22

Totâ pyu nata pyungiapa pyuzy, Ramo pyu nata chiahmie pyuzy, Na chhôh liata theipa châ khao leipa aw ta, Zôthaipa zôthaina kheihawhpa rai, Na chhôh liata hmôpa châ khao aw vei. Sâh chariehna pyuzy Na chhôh liata theipa châ khao leipa aw ta,

BIEPHUAH 18:3

A sihryhna kresawhti doh ei ta, Phopi zydua ama pari khai haw; Lei beizy ta sihryhkhei ei ta, Lei liata sôhpalietuhpazy ta hneirôhkhei ei ta, A phasana hro ama hneirôhkhei,” tahpa ta awh ta.

BIEPHUAH 18:9

A sihryhkhei tyhpa nata phasana ta a hrolâh tyhpa lei beizy ta Babylaw khihpi mei ta a kâpa khuh ama hmô nahta, chakhei aw ei ta, chaphôh ama tupa aw.

BIEPHUAH 21:8

Riahchhiepazy, ngiapâleipazy, pasichhihpazy, lianycheihpazy, sihryhpazy, dyuthaipazy, nothlahpa achhypazy nata haiphiahpa zydua to awpa deikua cha, mei nata kaih ta a kâ ngâpa tipo châ aw ta, cha cha thina einona a châ,” tah ta.

BIEPHUAH 22:15

Izy, dyuthaipazy, sihryhpazy, lianycheihpazy, nothlahpa a chhypazy nata haipa bie rei a pahâhpazy deikua cha, khihpi khôtho liata ama y aw.

BIEPHUAH 22:5

Zâ y khao leipa aw ta, meiôh khaihpa nata noh khaihpa a ngiah khao aw veih ei. Abeipa Khazohpa cha ama khaihpa châ aw ta, chhâzaw nata tlyzaw ta ryu ama reih aw.

BIEPHUAH 6:15

Chatanachata lei beizy, molaipazy, pheisaih hyutuh chaipazy, hneirôhpazy, thatlôpazy, sei nata khotalaipazy, chyhsa to cha lôpuzy liata nata tlâhpi liata lôpanôzy liata a nyu ei ta,

BIEPHUAH 9:21

Ama lianycheinazy, ama dyuthainazy, amâ patlana moleinazy nata ama parunazy chhao ro hlei veih ei.