BIEPHUAH 18:21 - Mara Bible RV (BSI)

²¹ Chatawhcha vâlyuhchâpa thatlô ngaitapa ta sâhchariehna lô lai ngaitapa a lyupa alô la ta, tilaipi liata thy ta, hetana heta a tah: “Kha hawhna khata, Babylaw khihpi rônahpa chhao, Pasa kawpa ta thypa châ aw ta, Hmô heihpa châ khao aw vei.

BIEPHUAH 18:21 ပူးပေါင်းရင်းမြစ်များ

NEHEMIAH 9:11

Ama hmiakô liata tilaipi pachhaih chi ta, tilaipi liah liata alei hipa liata sie ei ta, âmo a chadaituhpazy cha, ti thatlô ngaitapa liata alô pathlapa hawhta, ti a thu ngaitapa liata na pathla ha ei.

ZAWBÂ 20:8

Mâ hawhta a zaw aw ta, Hmôpa châ khao leipa aw ta, Zâ aluahna hawhta chadai paipa a châ aw.

HLAZY 37:36

Châhrasala thi ta, Moh tua u, y khao vei; Tlua hra aw sah la, Hmô theipa châ khao vei.

PUASAINA 15:5

Ti athupa ta âmo cha vao ta, Alô hawhta ti ry lâ amâ ngua haw.

EZEKIA 26:21

Na chhâna noh rarôh ypa ta patlôsa aw na ta, y khao aw va chi. Chyhsa ta cha tlua hra ei sala, cha hmô khao aw veih ei,” Abeipa Zehôvâh ta a tah.

DÂNIAH 11:19

Chatawhcha a râh thokhyzy lâta kua heih aw ta, châhrasala a chapiapa ta pao aw ta, hmôpa châ khao aw vei.

BIEPHUAH 10:1

Chatawhcha vâlyuhchâpa hropa thatlô ngaitapa avâ tawhta a za chôpa hmô na ta. Meihdo ta a tobi ta, a luh chô liata meisaku a zawh ta, a hmia cha noh hawhta khaih ta, a pheizy cha mei tôh hawhta a châ.

BIEPHUAH 12:8

Châhrasala drâkao cha pahniepa châ ha ta, vârâh liata ama châta su y khao vei.

BIEPHUAH 16:20

Liahpahlô zydua a râpai ei ta, tlâhzy hmô awpa y khao vei.

BIEPHUAH 18:10

A pasataona chipa ta, lâhlapi ta a duah aw ei ta, hetana heta ama tah aw: “Cha rimâ cha! Cha rimâ cha! Nâ, khihpi rônahpa, Nâ, khihpi thatlôpa, Hy Babylaw khihpi! Dawh kha chhôh ta, Na rao khai ha he zaw.”

BIEPHUAH 18:22

Totâ pyu nata pyungiapa pyuzy, Ramo pyu nata chiahmie pyuzy, Na chhôh liata theipa châ khao leipa aw ta, Zôthaipa zôthaina kheihawhpa rai, Na chhôh liata hmôpa châ khao aw vei. Sâh chariehna pyuzy Na chhôh liata theipa châ khao leipa aw ta,

BIEPHUAH 20:11

Chatawhcha beidyuchhai diehpa rônahpa nata a chô liata a tyuhpa hmô na ta. A hmiakô tawhta alei nata avâ a râ ei ta, âmo châta su rai y khao vei.

BIEPHUAH 5:2

Vâlyuhchâpa thatlôpa ta ao paro ngaitapa ta, “Châ chatypa he pahy ta a chahnaonazy a pathlâ tlâhpa ahy ma a y?” tahpa ta tlâh a awpa hmô na ta.