BIEPHUAH 18:15 - Mara Bible RV (BSI)

¹⁵ Cha hmozy ta sôhpalie ei ta, ano vâta a hneirôhpa sôhpalietuhpazy cha, a pasataona chipa ta lâhlapi ta a duah aw ei ta, hetana heta ao paro ngaitapa ta cha aw ei ta, chaphôh ama tu aw:

BIEPHUAH 18:15 ပူးပေါင်းရင်းမြစ်များ

EZEKIA 27:31

Nâma vâta ama luh papôlô aw ei ta, Ama chai liata latho poh amâ sai aw; Palôh pasapa ta cha chakhei aw ei ta, Pachârôhpa ta mâchhie ama cha sapa aw.

ZEKARIA 11:5

A chaleituhpazy ta chado leipa ta thie ei ta, hriena a tyh hlei leipa ei ta. A zuahtuhpazy ta, ‘Ei hneirôh haw, Abeipa cha reithaipa ta y se!’ tah ei ta, âmo vaituhpazy dâhdei chhao ta ngiachhie veih ei.

MÂKA 11:17

Âmo cha pachu ta, ama hnohta, “‘Ei o cha phopi zydua châta thlahchhâna o ama bi aw,’ tahpa ta ropa châ vei ma? Nâmo deikua ta cha, parutuhpazy lôpu ta nama tao ha he zaw,” tah ta.

HMOTAOPAZY 16:19

A zibeipazy ta ama sôh hmôna a lei haw tahpa ama pahno nahta, Pawla nata Sila cha patu ei ta, sôhdao su liata ryureituhpazy hmiakô lâ a daophi ei ta.

BIEPHUAH 18:12

Ama hmo zuapa ngôh, tâkâ, lôsôhpa, taikulô, poh rihdipa, poh nohsaihpa, pu pala, poh saihlawpa, tho ropahâhpa to, sianaoh ta taopa hmobaoh to, tho sôhpa, dawh, thua nata awhlôteihpa ta taopa hmobaoh to,

BIEPHUAH 18:13

lôiasohpa, ia-ô, ropahâhpa raopa, myrâ, sathaw ropahâhpa, kresawhti, sathaw, viahdie dipa, âtâ sâh, viahchao nata mietaku, arâ nata talailih zy nata sei ta chyhsa hrona ama zuapazy a chalei awpa y khao veih ei.

BIEPHUAH 18:14

“Na tlaichhaipa theilâpa ta cha siesai ha ta, Na hneirôna nata na laiphanazy a lei khai haw; Hmô heih khao aw va chi!”

BIEPHUAH 18:19

Ama luh liata buchadoh a mia ei ta, awh ei ta, hetana heta chapa ta mâchhie ama sâ: “Cha rimâ cha! Cha rimâ cha! Khihpi rônahpa, A hneirôna hmâpa ta, Tilaipi balyh hneituhpazy A pahneirôhsapa khihpi! Dawh kha chhôh ta, A lei khai ha he zaw!

BIEPHUAH 18:3

A sihryhna kresawhti doh ei ta, Phopi zydua ama pari khai haw; Lei beizy ta sihryhkhei ei ta, Lei liata sôhpalietuhpazy ta hneirôhkhei ei ta, A phasana hro ama hneirôhkhei,” tahpa ta awh ta.