BIEPHUAH 18:13 - Mara Bible RV (BSI)

¹³ lôiasohpa, ia-ô, ropahâhpa raopa, myrâ, sathaw ropahâhpa, kresawhti, sathaw, viahdie dipa, âtâ sâh, viahchao nata mietaku, arâ nata talailih zy nata sei ta chyhsa hrona ama zuapazy a chalei awpa y khao veih ei.

BIEPHUAH 18:13 ပူးပေါင်းရင်းမြစ်များ

1 ABEIZY 10:10

Chatanachata Sebâ Beinô ta Bei Sawlawmaw cha ngôh talent 120 nata ia-ô hluhpi nata lôsôhpazy pie ta. Sebâ Beinô ta Sawlawmaw a piepa ia-ô tlu ta a hluhpa a ngia beih khao vei.

1 ABEIZY 10:15

Chazy cha sôdaohpazy, sôhpaliepazy, notla bei zydua nata râh ryureituhpazy ta râhpaw ama piepazy thota Sawlawmaw liata a ngiapa ngôhzy a châ.

1 ABEIZY 10:25

A pangaipa maihta kuhriazy phaopa tyh ei ta, tâkâ nata ngôh hmobaohzy, chysiazy, myrâzy, ia-ôzy, arâzy, sabaituzy kô chareih ta ama vaw phaopa tyh.

1 THÂTIHZYRONA 5:21

Ama sahrohzy, râraoseihpa 50,000, mietaku 250,000 nata alâ 2,000 siekhei ei ta, chyhsa chhao ahrohpa ta 100,000 ama siekhei haw.

2 THÂTIHZYRONA 9:9

Chatanachata Sebâ Beinô ta Bei Sawlawmaw cha ngôh talent 120 nata ia-ô hluhpi nata lôsôhpazy pie ta. Sebâ Beinô ta Bei Sawlawmaw a piepa ia-ô tlu ta a hluhpa y beih vei.

NEHEMIAH 5:8

ama hnohta, “Keimo ta phopizy lâta zuapa eima unawh Zu chyhsazy eima theina hawhta chatlai pi ta, nâmo deikua cha, nama unawhzy zuah ei chi ta, eima hnoh cheingei ta zuapa ama châ hih!” tah na ta. A thlih thlâh ha ei ta, rei awpa khâpa hmah pahno leipa ei ta.

PUASAINA 21:16

“Chyhsapa a parupa cha, a zuah hapa chhao ta nata ano ku liata a y nota hmôpa a châpa chhao ta, cha chyhsa cha thie thlyu awpa a châ.

BIESOZY 7:17

Deiryh ropahâhpa ta ei rakhô roh pahâhsa na ta, Lilipaw nata lôiasoh ropahâhpazy ei hry haw.

HLAZY HLA 1:3

Na sathawzy chhao a roh a pahâh ngaita. Na moh cha sathaw ropahâhpa patlaipa hawhta châ ta, Chavâta laihsazy ta ama cha khoh ngaita.

HLAZY HLA 3:6

Deiryh nata sathaw ropahâhpa a thu ta, Sôhdaoh liata ropahâhpa paohzy a hniapa ta, Meikhuh a duahpazy hawhta, Râhchawhpa tawhta â vypa hao ahy ma a châ tly?

HLAZY HLA 5:5

Ei lôhdupaw ochhi pahypa awpa ta thyu na ta, Ochhi lâzy chô liata ei kuzy tawhta deiryh a thlaoh ta, Ei kuparozy tawhta deiryh tizy â thlaoh ngâ kaw.

ISAI 50:1

Abeipa ta hetana heta a tah: “Nama nô ei papua hapa kha, Ei mana ryuchâ khataih liata a y? Leih ei bâhpa ahy hnohta ma ei cha zua ei? Pachâ teh u, nâmo moleinazy vâta zuapa châ ei chi ta, Nâmo paraonazy vâta nama nô cha papuapa a châ.

EZEKIA 27:13

Zavâ mo, Tubâ mo nata Mese mozy chhao ta châ daoh ei ta, chyhsapa nata dawh chhaichhizy ta na hmobaohzy ama cha ri tyh.

AMÔSÂ 2:6

Abeipa ta heta na heta a tah: “Izarei moleina miathôh vâta, Âh, miapalih vâ chhao rai ta, Hriena chalihsa aw va na; Chyhsa siapazy tâkâ ta zuah ei ta, Phahlapazy pheiky bao kha ta ama zuapa vâta.

AMÔSÂ 6:6

Biebuh ta kresawhti doh ei ta, Sathaw pha chaipa a thupazy; Châhrasala Zawsi rao nota a taokhei leipazy cha, Ama hu a po na!

AMÔSÂ 8:6

Tâkâ ta dyhchhiepazy chaleipa ta, Pheiky bao kha ta phahlapazy chalei aw pi ta, Sâh sihpazy eima zuah aw,” A tah tyhpazy saih u, He bie he thei teh u.

RYHPACHANEINA 24:7

“Chyhsa ta a unawhpa Izarei chyhsa paru sala, sei ta ma a tao tly, a zuah tlyma, pahnopa a châ khiahta cha, parutuhpa cha thie awpa a châ. Cha hawhna chata hmo pha leipa cha nama hry tawhta nama pahlei awpa a châ.

RYHPACHANEINA 28:68

Nama hnohta, ‘Hmô heih khao aw veih ei chi,’ ei tahpa Izi râh lâpi liata Abeipa ta balyh ta châ chhi pakhua heih aw ei ta, cha liata nama chariahpazy seichapaw nata seichanôzy châta a zuah aw ei chi ta, ahy ta hmah cha chalei khoh aw veih ei,” tah ta.

1 TIMAWTHY 1:10

apatlana moleina a taopazy, chapaw nata chapaw a patlapazy, sei patupa nata zuapa ta sôhpaliepazy, haihthaipazy, haipa ta bie a taihpazy nata biezyhpa dopa a chakhiapa maih châta taopa a châ tahpa pahno teh u.

2 PITY 2:3

Sôh tlaichhaina vâta haipa biezy reih aw ei ta, sôhpalie nawpa ta ama cha hmâh aw. Ama thaileichâna cha hlâno tawhta y chakhyh thlâh ha leipa ta, ama leidiana chhao a mô vei.

BIEPHUAH 18:14

“Na tlaichhaipa theilâpa ta cha siesai ha ta, Na hneirôna nata na laiphanazy a lei khai haw; Hmô heih khao aw va chi!”

BIEPHUAH 18:15

Cha hmozy ta sôhpalie ei ta, ano vâta a hneirôhpa sôhpalietuhpazy cha, a pasataona chipa ta lâhlapi ta a duah aw ei ta, hetana heta ao paro ngaitapa ta cha aw ei ta, chaphôh ama tu aw: