BIEPHUAH 18:11 - Mara Bible RV (BSI)

¹¹ Lei liata sôhpalietuhpazy cha, ahy hmah ama hmo ama chalei khao leipa vâta, Babylaw cha chakheipa ta mâchhiesa ei ta.

BIEPHUAH 18:11 ပူးပေါင်းရင်းမြစ်များ

BIESOZY 3:14

Sona tawhta athôhna cha tâkâ tawhta athôhna hlâta pha via ta, Sona papôhpa cha ngôh papôhpa hlâta a pha via.

ISAI 13:19

“Khazohpa ta a parao ti ei ta cha, Khinarâhzy lôsôhpa Babylaw cha, Sawdawmâ nata Kawmawrâ hawh ta châ aw ta; Kaldia mo rônahna nata apalaina chhao, Sawdawmâ nata Kawmawrâ hawhta a châ aw.

ISAI 47:15

Na rie nâ vaw pathei tyhna hmozy cha, Cha hawhna chata na châta châ aw ei ta, Na hawtita tawhta sôh na palie lâhpazy chhao, Cha hawhna chata na châta ama châ hra aw. Âmo lâpi chyu liata viavi ei ta, Châ pachha thei awpa ahy hmahta y veih ei.

EZEKIA 27:9

Na balyh a taotuhpazy cha, Kebâli machâzy nata chyhsa zôthaipazy châ ei ta, Tilaipi balyh zydua nata balyh liata hriatuhpazy chhao, Na chhôh liata y ei ta, Na sôhzy ama palie tyh.

ZEPHANIA 1:11

Nâmo, sôdaohna su liata a pahrâpazy saih u, A rôh teh u; Sôhpaliepa zydua y khao leipa ei ta, Tâkâ a pathliahpa zydua ama leidia khai haw.

ZEPHANIA 1:18

Abeipa hiehâhna noh liata cha, Ama tâkâ ta âmo pachha thei leipa aw ta, Ama ngôh ta âmo pachha thei aw vei; A hiatliana mei ta râh zydua kâ khai aw ta, Alei liata a pahrâpa zydua chô liata Eikhapi ta chhâna noh a patlôsa aw.

MATHAI 22:5

Châhrasala vaw uasa leipa ei ta, tlao sie ha ei ta, pakha a lyu lâ sie ta, ahropa a sôdaohna lâ sie ta.

ZAWHÂNA 2:16

Pivaw zuahtuhpazy hnohta, “Kha hmozy kha puakhei teh u. Ei Paw o he sôdaohna o ta tao khah u,” tah ta.

2 PITY 2:3

Sôh tlaichhaina vâta haipa biezy reih aw ei ta, sôhpalie nawpa ta ama cha hmâh aw. Ama thaileichâna cha hlâno tawhta y chakhyh thlâh ha leipa ta, ama leidiana chhao a mô vei.

BIEPHUAH 18:15

Cha hmozy ta sôhpalie ei ta, ano vâta a hneirôhpa sôhpalietuhpazy cha, a pasataona chipa ta lâhlapi ta a duah aw ei ta, hetana heta ao paro ngaitapa ta cha aw ei ta, chaphôh ama tu aw:

BIEPHUAH 18:20

“Hy avâ, ano vâta a ly la, Nâmo, mopathaihpazy, Nâmo, lyuhchâpazy, Nâmo, hrohsopazy, Ano vâta a ly teh u; Khazohpa ta a chô liata Viari a cha thôpa ha ei hih.”

BIEPHUAH 18:23

Meiôh khaihna chhao, Na chhôh liata khaih khao aw vei. Myuhneituhpa ao nata myuh aozy chhao, Na chhôh liata theipa châ khao aw vei. Na sôhpalietuhpazy cha, Lei chyhsa rônahpazy châ ei ta, Na dyuthaina ta phopi zydua dôveipa ta ama y.

BIEPHUAH 18:3

A sihryhna kresawhti doh ei ta, Phopi zydua ama pari khai haw; Lei beizy ta sihryhkhei ei ta, Lei liata sôhpalietuhpazy ta hneirôhkhei ei ta, A phasana hro ama hneirôhkhei,” tahpa ta awh ta.

BIEPHUAH 18:9

A sihryhkhei tyhpa nata phasana ta a hrolâh tyhpa lei beizy ta Babylaw khihpi mei ta a kâpa khuh ama hmô nahta, chakhei aw ei ta, chaphôh ama tupa aw.