BIEPHUAH 17:8 - Mara Bible RV (BSI)

⁸ Sahrâhpa na hmôpa kha vaw y ta, y khao heih leipa ta, aleichiepa khaohtlô tawhta kaw pua aw ta, leidiana lâ a sie aw. Chatawhcha lei liata a pahrâpazy, leilô tao tua no tawhta hrona châbu liata moh ro leipazy ta, y ha ta, a y khao heih leipa, a vy heih awpa sahrâhpa cha ama hmô tita, noâh ama tah ngaita aw.

BIEPHUAH 17:8 ပူးပေါင်းရင်းမြစ်များ

HLAZY 69:28

Ahrohpazy châbu tawhta ama moh phiepa châ sala, Mosiapazy hry liata ama moh roh khah y.

DÂNIAH 11:45

Tlâh pathaihpa ngia ngaitapa nata tilaipi likawh liata â bei poh ozy rai aw ta, châhrasala a chhâna tlô aw ta, ano a bao awpa ahy hmah y aw veih ei.

DÂNIAH 7:11

“Ki ta a palaina biezy thata a reipa vâta kaw moh na ta, ei mo ngâ no tlai ta, sahrâhpa cha thiepa châ ta, a pôhpa paraopa châ ta, mei ta rao awpa ta piepa a châ.

DÂNIAH 7:26

Châhrasala pachiana y aw ta, A ryureina chhupa a châ aw; Pamua khaipa châ aw ta, Parao khaipa a châ aw.

DÂNIAH 7:3

Tilaipi tawhta sahrâhpa laipa pô palih kaw pua ei ta, anano khai ei ta.

DÂNIAH 7:7

He khai tawhta, zâ ta aluahna liana chata, sahrâhpa miapalihna, rarôh y ngaitapa, chichhih ngaitapa nata thatlô ngaitapa hmô na ta. Thua hâh lai ngaitapazy hnei ta, a baw ta bawh ta, a tlawh ta hriechheih ta, a laibâhpazy cha a phei ta a tlybai lymâ. Sahrâhpa hmiatuapa zydua nah khata anano ta, ki hrawh a hnei.

MATHAI 25:34

Abeipa ta a chachâh lâta a ypazy hnohta, ‘Ei Paw ta byhnâ a piepazy saih u, a vy u la, khizaw tao tua no tawhta khinarâh a chhuahdypa cha to teh u.

LUKA 10:20

Châhrasala thlahpazy nama rei sai ta ama ypa vâta a ly leipa u la, vârâh liata nama moh ropa a châpa vâta tlao a ly teh u,” tah ta.

LUKA 8:31

Ahripazy chata khaohtlô athupa liata tla awpa ta biepie lei awpa ta Zisu cha a haw ei ta.

ZAWHÂNA 17:24

Ei Paw y, kyh eina pachâpa vâ chi ta, leilô y hlâta rônahna eina piepa chi kha ama hmô thei nawpa ta, nâ ta eina piepazy chi he, ei yna liata ei hnohta ama y hra awpa ei khoh ngaita.

HMOTAOPAZY 15:18

Hlâno tawhta pahnopa Abeipa ta a tah,’ tahpa ta ama vaw chho haw.

EPHESI 1:4

A hmiakô liata pathaihpa nata seina hnei leipa ta eima y thei nawpa ta, leilô y hlâ tawhta Krista liata miah a tlyh ta. Kyhpachâna ta,

TITU 1:2

Haipa bie a reih beih leipa nata khizaw y hlâ tawhta chhâzaw hrona bie a vaw taih hapa Khazohpa a ngiapâtuhpa ei châ.

1 PITY 1:20

Ano cha leilô y hlâ tawhta pahno chhieliepa châ ta, nâmo châ deikua ta cha daihti hnôhchaipazy liata palâhâhpa a châ.

BIEPHUAH 11:7

Pahnokheina bie ama rei khai nahta, aleichiepa khaohtlô tawhta sahrâhpa a vaw pua awpa ta âmo cha a dyuh aw ta, pahnie aw ta, a thie aw ei.

BIEPHUAH 17:11

Sahrâhpa vaw y ta, a y khao leipa kha a pachariena châ ta, châhrasala pasarizy hry liata a hlao hrapa a châ. Leidiana lâ a sie aw.

BIEPHUAH 17:2

Ano cha lei beizy ta amâ pheikheipa châ ta, a sihryhna kresawhti ta lei chyhsazy a parisapa a châ,” tah ta.

BIEPHUAH 20:10

Âmo dôveituhpa ahripa cha, sahrâhpa nata hrohso pakheipa yna mei nata kaih tipo liata thypa châ ta, chhô nah zâ ta chhâzaw nata tlyzaw ta pasa pataosapa a châ aw.

BIEPHUAH 20:12

Beidyuchhai hmiakô liata molaipa nata mochyhpa athipazy a duahpa hmô na ta, châbuzy pahypa a châ. Châbu hropa, hrona châbu chhao pahypa châ ta. Athihpazy cha châbuzy liata ropa hawhta, ama hmotaozie lymâ hawhta pachiapa ama châ.

BIEPHUAH 20:15

Ahy rai hrona châbu liata a moh ropa hmô awpa a y leipa cha, mei tipo liata thypa a châ.

BIEPHUAH 3:10

Tao hualuana kyh liata ei bie nâ pyhpa vâta, alei liata a pahrâpazy pasia awpa ta khizaw zydua liata pasiana daihti a vaw tlô awpa tawhta ei cha pabohsa aw.

BIEPHUAH 3:5

Pahnietuhpa cha, cha hawhta poh diehpa pabusapa châ aw ta, hrona châbu tawhta a moh phie beih leipa aw na ta, ei Paw hmiakô liata nata a vâlyuhchâpazy hmiakô liata a moh ei châhkhei aw.