BIEPHUAH 17:18 - Mara Bible RV (BSI)

¹⁸ Chanô na hmôpa kha khihpi rônahpa, lei beizy chô liata ryureituhpa a châ,” tah ta.

BIEPHUAH 17:18 ပူးပေါင်းရင်းမြစ်များ

DÂNIAH 7:23

“Sahrâhpa pô palihna kyh liata hetana heta a tah: ‘Alei chô liata khinarâh miapalihna vaw y aw ta, Khinarâh hropa zydua nata â nano aw; Alei pôhpalôhpa palâ khai aw ta, Tlybai aw ta a pakeichheih khai aw.

LUKA 2:1

Cha nohzy liata, Kaisarâ Awkâstu ta khizaw zydua maluhpi rei awpa ta biepie ta.

BIEPHUAH 11:8

Ama rizy cha khihpi rônahpa khiliah liata â zawh aw. Cha khihpi rônahpa cha thlahpa kyh lâta Sawdawmâ nata Izi moh bipa châ ta, ama Beipa ama khaipâna su kha a châ.

BIEPHUAH 12:4

A chaolahmei ta avâ liata awhsi su thôh su kha a daophi pathlah ta, alei lâ za thy ta. Chanô saw cha a vaw pihpata nahta a palâ thei nawpa ta, drâkao cha chanô nawh a zeihpa hmiakô liana cha a duah thlâh ha ta.

BIEPHUAH 16:19

Khihpi rônahpa cha su thôh ta a vaw patlaw ta, phopi to khihpizy cha pao ta. Khazohpa ta Babylaw rônahpa cha a thei thlâh ha ta. Chatanachata a hiehâhna ru ngaitapa kresawhti nyu cha a hnohta pie ta.

BIEPHUAH 18:2

Vâlyuhchâpa chata ao thatlô ngaitapa ta, “A pao haw, Babylaw rônahpa a pao haw! Ahripazy pahrâna, Thlahpa puapa to ahrâhna, Pavaw puapa to pahrâna, Hmo puapa nata pasichhihpa to atohna Khihpi lâta â lie haw.