BIEPHUAH 17:17 - Mara Bible RV (BSI)

¹⁷ Khazohpa biezy pakipa a châ hlâlei a hmochhuahpa ama hria thei nawpa ta, Khazohpa ta âmo cha palôh miakha phaoh awpa ta tao ta, amâ beinarâh chhao sahrâhpa hnohta pie khohna palôh a pahneisa ei.

BIEPHUAH 17:17 ပူးပေါင်းရင်းမြစ်များ

EZRÂ 7:27

Zerusale liata Abeipa o â ngia ngaitapa ta tobi awpa ta, cha hawhpa hmo cha abei palôh liata sopa ta,

HLAZY 105:25

A phopi a hao awpa ta Izi mo palôh pakuasa ta, Ano a chakaotuhpazy chô liata piehpie ngaitapa ta a pataosa ei.

BIESOZY 19:21

Chyhsapa palôh liata achhuahna hluhpi y ta, Châhrasala a duah awpa cha Abeipa ryhraopa a châ tyh.

BIESOZY 21:1

Abei palôh cha Abeipa ku liata y ta, Vahtie ti hawhta a khona lâ maih a palosa tyh.

ISAI 45:17

Izarei deikua cha Abeipa ta pachha ta, Tlyzaw pachhana ta a pachha haw. Nozapa ta y khao leipa aw ei chi ta, Tlyzaw taihta nohzaopa ta y khao aw veih ei chi.

ZEREMIAH 32:40

Ama hnohta tlyzaw biehrai tao aw na ta, ama chô liata hmo pha taopa a heihsai khao aw va na. Ama palôh liata keima china soh aw na ta, nâ heihsai khao aw veih ei.

DÂNIAH 12:7

Chatawhcha pala rih dipa chysia a tobi ta, chavah ti chô liata â pahai thlâh hapa chata, a ku chachâh lâ nata a ku chavei lâ avâ lâ pazawh ta, tlyzaw ta a hrohpa moh reipa ta, “Daihti ei kha, daihtizy nata daihti khophie chhôh a châ aw, mopathaihpazy hmotaotheina paraopa a châ khai tita, he hmo zydua he â ki aw,” tahpa ta bie â taihpa thei na ta.

LUKA 22:22

Chyhsa Sawchapawpa he rao chhieliepa hawhta a sie aw, châhrasala a patusatuhpa chyhsa cha a hu a po kaw dia!” tah ta.

LUKA 22:3

Pahrawh hleinozy hry liata a hlaopa Zudâh Iskari ama tahpa chhôh liata Sâtâ a ngia ta.

LUKA 22:37

Ei cha chho ei, ‘Ano cha moleipa hry liata rei pâpa a châ,’ tahpa ropa hawhna khata, ei chô liata a vaw tlô tlai awpa a châ. Ei thâtih ama ropa kha a tlô paki haw,” tah ta.

ZAWHÂNA 10:35

Khazohpa bie vaw tlôna chyhsazy hmahta khazohzy a tah khiahta cha, Biehrai bie cha parao thei awpa châ vei.

ZAWHÂNA 13:18

Nama zydua kyh reih va na. Ei tlyhpazy cha ei pahno ei. Châhrasala, ‘Ei viahchhâ a niepa ta a phei chakoh eina hy thlu,’ tahpa Biehrai kha a vaw tlô aw.

ZAWHÂNA 13:2

Ahripa ta Saimaw sawchapawpa Zudâh Iskari cha, Zisu patusa awpa pachâna a palôh liata soh ta. Chatanachata zâpati ama dôh nota,

ZAWHÂNA 19:24

Chavâta, “Hrie khah ei suh u, ahy ma a to aw tahpa nuby tlao a dao ei suh u,” tah ei ta. Biehrai ta, “Ei chysiazy a rai ei ta, Ei viahkao châta nuby amâ dao,” a tahpa kha a â ki thei nawpa ta, he hmo he a vaw tlôpa a châ.

ZAWHÂNA 19:28

Cha khai tawhta, Zisu cha hmo to a tlô paki khai hapa pahno ta, Biehrai paki nawpa ta, “Ei dâh a phi,” tah ta.

2 KAWRINI 8:16

Kei ta nama châta phahnai ei ngiahpa hawhta, Titu liata phahnai ngiahna a pahneisatuhpa Khazohpa cha reithaipa ta y mawh sy.

BIEPHUAH 10:7

Vâlyuhchâpa pasarina ta chiahmie ta a awna noh liata deikua cha, a chakaotuhpa hrohsopazy hnohta a phuahpa hawhna khata, Khazohpa bienyupa cha pakipa a châ aw,” tah ta.

BIEPHUAH 15:1

Chatawhcha avâ liata ngiana hropa, ngiana rônahpa nata noâhchhihpa hmô na ta. Cha cha vâlyuhchâpa pasari nata potlana miasari a châ. Cha potlanazy cha potlana hnôhchaipazy a châ. Cha potlanazy liata Khazohpa hiehâhna cha a chhâ haw.

BIEPHUAH 17:13

Palôh miakha phaohpa ta, ama hmotaotheina nata biehneina cha sahrâhpa ama pie aw.

BIEPHUAH 19:9

Vâlyuhchâpa chata ei hnohta, “Mietakutaw myuh hneina kyhchhi liata hruapazy cha ama nohlao na, tahpa ta roh teh,” na tah ta. Chatawhcha ei hnohta, “Hezy he Khazohpa biehmeiseihpazy a châ,” tahpa ta na chho ta.

BIEPHUAH 6:11

Ama hnohta poh diehpa pie chyu ei ta, ama chakaolâhpazy nata ama unawhzy âmo hawhta thie khaipa ama châ hlâlei, bohpi leipa chhôh a pahâ chy awpa ta chhopa ama châ.