BIEPHUAH 16:21 - Mara Bible RV (BSI)

²¹ Chatawhcha pareih lai ngaitapa, talent miakha hlei a hripazy chyhsa chô liata za tla ta. Potlana cha a rarôh y ngaitapa vâta, pareih potlana vâta Khazohpa chô liata chhiesa ei ta.

BIEPHUAH 16:21 ပူးပေါင်းရင်းမြစ်များ

ZAWBÂ 38:22

“Dâhaw sopakhyna liata nâ ngia beih ma? Pareih sopakhyna su na hmô beih ma?

ZAWBÂ 38:23

Chazy cha nôpona daihti châta ei khaipa châ ta, Chariah adyuhna noh châta ei khaipa a châ.

PUASAINA 9:18

Moh teh, mylâ tahmâ daihti liata, Izi râh â vaw dua tua noh tawhta tahmâ taihta a y beih leipa pareih ru ngaitapa ei patlasa aw.

PUASAINA 9:22

Abeipa ta Mawsi hnohta, “Izi râh chhôh zydua liata pareih tla sala, chyhsa chô liata zy, sa chô liata zy, Izi râh lyu liata chicheipa to chô liata zy pareih patlasa awpa ta, na ku avâ lâ pazawh teh,” tah ta.

ISAI 30:30

Chatawhcha hiehâhna ru ngaitapa nata meipaleih a kâ ngâpa hry liata nata, thlihpi nata vâsua nata pareih hry liata, Abeipa ta a ao rônahpa cha thei thei awpa ta papua aw ta, a ku pathlapa cha hmô thei awpa ta a tao aw.

ISAI 8:21

Nôpopa nata nodipa ta râh ama chahryh aw. Ama no a di tita, ama bei nata ama Khazohpa reipachhie aw ei ta, ruchhôpa ta avâ lâ ama ua aw.

EZEKIA 13:11

Chavâta hlyu râhpa ta thokhy dadiehpa a chhiehruhpazy hnohta thokhy a cho awpa kyh chho mah y. Thokhy pacho awpa ta, avâ katlâ suah aw ta, pareih laipazy tla aw ta, thlihpipa ru ngaitapa a pathli aw.

EZEKIA 13:13

“Chavâta Abeipa Zehôvâh ta hetana heta a tah: Thokhy cha tlokhuh parao khai awpa ta, ei pathi iapa ta thlihpipa ru ngaitapa vaw pathlisa aw na ta, ei hiehâhpa ta avâ katlâ pasuasapa ta, ei pathi iapa ta pareih lai ngaitapa ei patlasa aw.

ZAWSUA 10:11

Izarei sawzy hmiakô tawhta a râpai ei ta, Behôrô chhutla ama chô hai nota, Abeipa ta avâ tawhta pareih laipa za patlasa ta, Azekâ tlôna taihta âmo cha daih lymâ ta, thata thi ei ta. Izarei sawzy ta zaozi ta ama thiepazy hlâ chhao ta pareih ta a daisaopa ama hluh via.

BIEPHUAH 11:19

Chatawhcha avâ liata Khazohpa Achhyna o cha pahypa châ ta, Achhyna o chhôh liata a biehrai byh a vaw lâ ta. Dôhlazy vaw pathlie ta, aozy vaw pua ta, tôkalôhpazy a vaw thua ta, alo a sih ta, pareih thata a tla.

BIEPHUAH 16:11

ama pasana nata hmahzy vâta vârâh Khazohpa cha chhiesapa ei ta. Châhrasala ama hmotaopazy ro khoh hlei veih ei.

BIEPHUAH 16:9

Chatanachata chyhsazy cha ama u khaina taihta noh sah ngaitapa ta pakâhpa châ ei ta, potlana chô liata biehneituhpa Khazohpa moh cha chhiesapa ei ta. Châhrasala ro khoh hlei leipa ei ta, Khazohpa palyupalih veih ei.

BIEPHUAH 8:7

Vâlyuhchâpa pakhana ta a chiahmie vaw tô ta, thisaih nata a pahlaopa pareih nata mei ta vaw pazi ta, chazy cha alei liata thypa a châ. Alei su thôh su kha kâ khai ta, thozy chhao su thôh su kha kâ ta, sibie hrohpa zydua a kâ khai haw.