BIEPHUAH 16:2 - Mara Bible RV (BSI)

² Vâlyuhchâpa pakhana cha sie ta, a biebuh cha alei liata patlai ta. Sahrâhpa ngiana a hneipa chyhsazy nata a nothlahpa a chhypazy chô liata hmahchhiepa nata pasana lâta a vaw lie ta.

BIEPHUAH 16:2 ပူးပေါင်းရင်းမြစ်များ

2 THÂTIHZYRONA 21:15

Nâma tlai chhao, chhôh lâta pochhina ta thata pasa aw chi ta, na rihzy a tla khaina taihta noh kha noh kha ta na pasa via lymâ aw,’” tah ta.

2 THÂTIHZYRONA 21:18

Cha hmo zydua a tlô khai tawhta, Abeipa ta Zehôrâ cha tlâh thei leipa chhôh pasana ta hrie ta.

HLAZY 78:26

Avâzy liata nochhi thlih pathlisa ta, A hmotaotheina ta chho thlih a pathlisa.

ISAI 3:17

Zaio sawchanôzy cha, Abeipa ta ama luh hmah paysa aw ta, Zehôvâh ta luh pôlôpa ta a tao aw ei.”

ISAI 3:24

Ropahâhpa vyuhpa ta hmo thupa vaw y aw ta, Chaisaihna vyuhpa ta chaori a y aw. Sâ mihpa vyuhpa ta luh pôlôna y aw ta, Poh ngiapa vyuhpa ta latho hnorâh y aw ta, Chhithaina vyuhpa ta nozana a y aw.

HMOTAOPAZY 12:23

Herawda cha Khazohpa hnohta palyupalihna a pie leipa vâta, eikhapi ta Abeipa vâlyuhchâpa ta vaw tu ta, alôpa ta nie ta, thi ha ta.

RYHPACHANEINA 28:27

Abeipa ta Izi kheihluhzy, byuhpa hrizy, riatha nata pathapa hrizy ta cha hrie aw ei ta, tlâh thei aw veih ei chi.

RYHPACHANEINA 28:35

Abeipa ta nama pakhu nata nama pheizy liata kheihluh pasapa tlâh thei leipa cha pathlasa aw ei ta, nama pheipazah tawhta nama laki taihta a y aw.

RYHPACHANEINA 7:15

Abeipa ta hri zydua cha papaipa aw ei ta, Izi râh liata hri nama hmôpa kheihawhpa ta hmah cha pasasa leipa aw ei ta, châ haotuhpa zydua chô liata deikua a patlôsa aw.

BIEPHUAH 13:12

Sahrâhpa hmiatuapa biehneina zydua kha a mohmô liata hmâh ta, alei nata a chhôh liata a pahrâpa zydua cha sahrâhpa hmiatuapa, thikhei thei awpa taihta hmah phaoh ta a tlâh hapa kha a pachhysa.

BIEPHUAH 14:16

Chatanachata meihdo chô liata a tyuhpa chata a savâ cha alei lâ za pathla ta, alei sâh cha taipa châ ha ta.

BIEPHUAH 14:9

Vâlyuhchâpa hropa, pathôhna ta âmo cha vaw pazi ta, ao paro ngaitapa ta, “Ahy rai sahrâhpa nata a nothlahpa a chhypa ta, a khi liata tlyma, a ku liata tlyma, ngiana a hnei khiahta cha,

BIEPHUAH 16:1

Chatawhcha Achhyna o tawhta ao paro ngaitapa thei na ta, ao chata vâlyuhchâpa pasarizy hnohta, “Sie u la, Khazohpa hiehâhna biebuh miasari alei liata patlai teh u,” tah ta.

BIEPHUAH 16:11

ama pasana nata hmahzy vâta vârâh Khazohpa cha chhiesapa ei ta. Châhrasala ama hmotaopazy ro khoh hlei veih ei.

BIEPHUAH 8:7

Vâlyuhchâpa pakhana ta a chiahmie vaw tô ta, thisaih nata a pahlaopa pareih nata mei ta vaw pazi ta, chazy cha alei liata thypa a châ. Alei su thôh su kha kâ khai ta, thozy chhao su thôh su kha kâ ta, sibie hrohpa zydua a kâ khai haw.

1 SAMUELA 5:6

Abeipa ku ta Asadô chyh­sazy cha vi ta, âmo cha pahleipadia ta, Asadô nata a chheipâh khihzy cha kheihluh ta hrie ta.

1 SAMUELA 5:9

Khihpi ama tlôkhei nahta, Abeipa ta khihpi chô liata a ku pathla ta, khihpi cha thata a tymâ ta, khihpi chyhsazy cha a lai a chyh ta hrie ta, ama keihkhaohzy lâ taihta kheihluh pathlasa ta.