BIEPHUAH 16:16 - Mara Bible RV (BSI)

¹⁶ Chatanachata ahripa thlahpazy ta khizaw bei zydua cha Hebrai reih ta Harmakedaw ama tahpa su liata awpakhy ei ta.

BIEPHUAH 16:16 ပူးပေါင်းရင်းမြစ်များ

2 THÂTIHZYRONA 35:22

Châhrasala Zôsia ta kuasai khoh leipa ta, Nekô cha a dyuh awpa ta â lânazie a panano ta. Khazohpa pakah tawhta Nekô bie reipa cha nathlie khoh leipa ta, a dyuh awpa ta Mekidô bypi lâ sie ta.

ZEKARIA 12:11

Cha noh liata, Zerusale liata chaphôhtuna cha Mekidô by liata Hâdârimô chaphôhtuna tlu ta a rarôh a y aw.

ZAWHÂNA 19:13

Cha biezy cha Pilâ ta a thei nahta, Zisu cha a chhi ta. Pilâ cha Lô Daosâh, Hebrai reih ta Kâbathâ ama tahpa, ryureina dyuchhai liata a tyuh ta.

ZAWHÂNA 19:17

Zisu cha a chhi ei ta, a kraws a piapa ta, Luh Ru Su, Hebrai reih ta Kôlkôthâ ama tahpa Kalvari tlâh lâ sie ta.

ZAWHÂNA 5:2

Zerusale liata Mietaku Ochhi kiapâh liata tipo y ta, cha cha Hebrai reih ta Bethesdâ tah ei ta, okah miapangawh a hneipa a châ.

HMOTAOPAZY 26:14

Eima zydua ta alei liata pao pi ta, Hebrai reih ta, ‘Sawla, Sawla, khazia eina taola chi? Chôchahrei pazaopa chapiepa cha na châta a pasa kaw mâh tâh,’ eina tahpa ao thei na ta.

BIEPHUAH 17:14

Mietakutaw a dyuh aw ei ta, châhrasala Mietakutaw ta âmo cha a pahnie aw. Mietakutaw cha hyutuhzy Hyutuhpa nata beizy Beipa châ ta, a hnohta a ypazy cha, awpazy, atlyhpazy nata ngâchhihpazy ama châ,” tah ta.

BIEPHUAH 9:11

Leichiepa khaohtlô vâlyuhchâpa cha ama bei ta hnei ei ta, a moh cha Hebrai reih ta Abadô châ ta, Krikâh reih ta Apôliô a châ.

RYUREITUHPAZY 4:7

Zabi pheisaihzy hyutuhpa Siserâ cha nâma châ dyuh awpa ta a talailih nata pheisaih zydua chhaota Kisaw chavah lâ vaw pavysa aw na ta, ano cha na ku liata ei cha pie aw,’ tahpa ta bie a cha pie,” tah ta.

RYUREITUHPAZY 5:19

“Abeizy a vy ei ta, a dyuh ei ta, Kâna beizy ta Mekidô tizy kiah Tânâ liata amâ vaw dyuh; Hraona sôh lapa rai hnei veih ei.