BIEPHUAH 16:15 - Mara Bible RV (BSI)

¹⁵ “Moh teh u, parutuhpa hawhta ei vy hai! A hrohrua ta, chysia a tobi chiehpa ta a ypa cha a nohlao na. Chataleipatala thluahruapa ta a khie aw ta, chyhsa ta a thluahruana ama hmô pathlei aw!”

BIEPHUAH 16:15 ပူးပေါင်းရင်းမြစ်များ

PUASAINA 32:25

Zawpi âmo kho ta ama ypa Mawsi ta hmô ta. Arawna ta ama chariahpazy mohmô ta mohnao chhihpa ta yna taihta âmo kho ta a paysapa a châ.

ISAI 47:3

Na thluahruana palâpa châ aw ta, Na nozana hmôpa a châ aw. Phuh la aw na ta, Ahy hmahta pahlôh aw va na.

EZEKIA 16:37

moh teh, nâ lyna na khopaw zydua pakhy aw ei na ta, na khopa zydua nata nâ haopa zydua ei pahmaoh aw ei. Âmo cha su to tawhta cha vaw pahmaoh thlu aw na ta, ama hmia liata thluahruapa ta cha soh aw na ta, na thluahruana zydua ama hmô khai aw.

HÔSIA 2:3

Chataleipatala thluahruapa ta soh aw na ta, A pi noh hawhna khata ei tao pathlei aw na; Râh chawhpa ta tao aw na ta, Sadi su lâta paliepa ta, Dâhphina ta ei thie pathlei aw na.

HABAKU 2:15

“A vaihzy sahma a padosapa cha, A hu a po na! Ama thluahruana mo awpa ta, Ama parina taihta a ôh tawhta na patlaipa tyh ei.

MATHAI 25:13

A noh nata dawh pahno tlôh leipa ei chi ta, chavâta a hrohrua teh u.

MATHAI 26:41

Reipasaona liata namâ ngia lei nawpa ta, a vaih u la, thlahchhâ teh u. Thlahpa ta la hoh ta, sapa deikua a dadieh,” tah ta.

MÂKA 14:38

Reipasaona liata namâ ngia lei nawpa ta a vaih u la, thlahchhâ teh u. Thlahpa ta la hoh ta, sapa deikua a dadieh,” tah ta.

LUKA 21:36

Cha hmo vaw tlô awpa zydua a khôkhâh tlâhpa nata Chyhsa Sawchapawpa hmiakô liata a duah tlâhpa ta raopa nama châ thei nawpa ta, khâpa no rai ta thlahchhâna chôta riavaihpa ta y teh u,” tah ta.

HMOTAOPAZY 20:31

Chavâta a hrohruapa ta y u la, kô thôh chhôh tlai bâh leipa ta, chhô nah zâ ta mothlih chhaota chyhsa to zikyu ei râ tyhpa kha a thei thlâh ha teh u.

2 KAWRINI 5:3

Vâ atobina ta eimâ tobi ha khiahta cha, thluahruapa ta y aw ma pi.

1 THYSALAWNIKA 5:4

Châhrasala unawh saih u, cha noh liata parutuhpa hawhta pachhai awpa ta, nâmo la zohna liata y veih ei chi.

1 THYSALAWNIKA 5:6

Chavâta mohropazy hawhta a mô leipa ta, a hra sih la, palôh pasohpa ta y ei suh u.

1 PITY 4:7

Hmo zydua chhâna â hnia haw. Chavâta thlah nama chhâ thei nawpa ta palôh pasohpa nata a sohsi ngaitapa ta y teh u.

2 PITY 3:10

Abeipa Noh cha parutuhpa hawhta vaw tlô aw ta, cha noh liata avâzy cha thata arôhna chôta leidia aw ei ta, avâ liata hmo a ypazy cha mei ta pakâpa ta pahleipadiapa châ aw ta, alei nata a chhôh liata a ypa zydua chhao a leidia khai aw.

BIEPHUAH 22:7

Abeipa Zisu ta,“Nathlie teh, ei vy patoh aw. He châbu chhôh liata hrohsona biezy a pyhpa cha a nohlao na,” tah ta.

BIEPHUAH 3:11

Ei vy patoh aw. Ahy hmahta na lakho ama cha lapa lei nawpa ta, na hnei chiehpa kha khâchâ patu mah y.

BIEPHUAH 3:18

Na hneirôh thei nawpa ta mei liata pathaisapa ngôh zy, na thluahrua maophyuh chhiepa â lâ lei nawpa ta poh diehpa a bu awpa zy, na hmô thei nawpa ta na mo liata hnia awpa mo pasana thohna zy kei tawhta chalei awpa ta ei cha chhosie.