BIEPHUAH 16:12 - Mara Bible RV (BSI)

¹² Vâlyuhchâpa pacharuna ta a biebuh cha Ufrâti vahpi liata patlai ta. Nochhi beizy châta lâpi a chhuahdy awpa ta, a ti cha kua ha ta.

BIEPHUAH 16:12 ပူးပေါင်းရင်းမြစ်များ

ISAI 11:15

Abeipa ta Izi Tilaipi paleih cha, Tlokhuh pahleipadia aw ta; Ufrâti Chavah chhao, A ku ta thlih lalôhpa a chatho thlu aw; Vahtie miasari ta pachhaihna taihta tu aw ta, Pheiky dâ leipa ta ama chaka aw.

ISAI 41:25

Maw lâ tawhta chyhsa pakha pathyu na ta, A vaw tlô haw; Nochhi lâ tawhta ei moh na vaw pado aw ta, Ryureituhpazy cha chiatlao hawhta tlypâ aw ta, Beihvituhpa ta beihlei a tlypa hawhta a tly aw ei.

ISAI 42:15

Tlâhpizy nata tlâhthlôhzy roryhrapa ta tao aw na ta, Ama thoti ramawh zydua ei paraoh khai ha aw. Chavahzy cha liahpahlôzy ta tao aw ei na ta, Tipozy ei pakua ha aw ei.

ISAI 44:27

Ti a thupa hnohta, ‘Kua teh, na chavahzy ei pakua khai aw,’ A tahtuhpa ei châ.

ISAI 46:11

Nochhi lâta sahei a niepa pavaw aw aw na ta, Râh hlapi liata ei chyhsa ryhraotuhpa ei aw aw. Reih ha na ta, Ei vaw patlôsa aw; A chhuah ha na ta, Ei tao aw.

ISAI 8:7

pachâ teh u, Abeipa ta Ufrâti Chavah hawhta a laipa nata thatlôpa Asuria bei nata a rônahna zydua ama chô liata a palo thlu aw. A kao zydua bie aw ta, a ngiahkâ zydua taihta a bie khai aw.

ZEREMIAH 51:36

Chavâta Abeipa ta hetana heta a tah: “Pachâ teh, na chhâh a châ aw na ta, Na phuh ei cha lapa aw. A tilaipi pakua aw na ta, A tihnawh ei pachawhkaraisa aw.

BIEPHUAH 11:14

Hupona einona cha khô ta, hupona eithôhna thlai a vaw tlô aw.

BIEPHUAH 17:15

Chatawhcha vâlyuhchâpa ta ei hnohta, “Âzuahnô atyuna ti na hmôpazy kha, phopizy, zawpizy, râhzy nata reihzy ama châ.

BIEPHUAH 7:2

Vâlyuhchâpa hropa pakha, Khazoh hrohpa chahnaona a chabapa nochhi lâ tawhta a vaw puapa hmô na ta. Ano chata vâlyuhchâpa papalih, alei nata tilaipi parao theina biehneina piepazy hnohta ao paro ngaitapa ta,

BIEPHUAH 9:14

Ao chata chiahmie a chabapa vâlyuhchâpa pacharuna hnohta, “Ufrâti chavah liata vâlyuhchâpa papalih chahrypazy kha pathlâ teh,” tah ta.