BIEPHUAH 15:4 - Mara Bible RV (BSI)

⁴ Hy Abeipa, ahy ma cha chi leipa ta y aw ta, Na moh palyupalih leipa ta a y aw? Pathaihpa cha nâ dei na châ. Na pachiana siaziezy palâhâhpa a châ hapa vâta, Phopi zydua a vy aw ei ta, Ama châ vaw chhy aw.”

BIEPHUAH 15:4 ပူးပေါင်းရင်းမြစ်များ

HLAZY 105:7

Ano cha Abeipa eima Khazohpa châ ta, A ryureina alei chô zydua liata a y.

HLAZY 111:9

A phopi hnohta chatlaina vaw tuah ta, Tlyzaw châta a biehrai a pie. A moh cha Pathaihpa nata Zachhihpa a châ.

HLAZY 22:23

Abeipa a chipazy saih u, ano cha reithai teh u! Zakaw pathla zydua saih u, ano palyupalih u la, Izarei pathla zydua saih u, ano cha chi teh u!

HLAZY 22:27

Khizaw kaokih zydua ta a thei aw ei ta, Abeipa lâ amâ heih aw; Râh to liata chi tozy a hmiakô liata amâ bôh aw.

HLAZY 22:3

Chatahrasala nâ cha Pathaihpa châ chi ta, Izarei reithaina liata a hlao tyhpa na châ.

HLAZY 86:9

Hy Abeipa, phopi na taopa zydua a vy aw ei ta, Na hmiakô liata a bôhpa ta, Na moh ama palyupalih aw.

HLAZY 89:7

Ano cha mopathaihpazy pakhypi liata ama chi ngaitapa châ ta, A kiapâh liata a ypa zydua hlâta ama chiza chaipa Khazohpa a châ.

HLAZY 97:8

Hy Abeipa, na pachianazy cha, Zaio ta thei ta a tha a pha ngaita; Zudâh sawchanôzy a lypa ta ama y.

HLAZY 99:5

Abeipa eima Khazohpa cha pachônôsa u la, A phei thaby liata a bôh teh u! Abeipa cha a pathaih na!

HLAZY 99:9

Abeipa eima Khazohpa cha pachônôsa u la, A tlâh pathaihpa liata a chhy teh u; Abeipa eima Khazohpa cha pathaihpa a châ.

ISAI 24:15

Chavâta Abeipa cha nochhi lâta palyupalih u la, Abeipa, Izarei Khazohpa moh cha, Tilaipi kiah râhzy liata palyupalih teh u.

ISAI 25:3

Chavâta phopi thatlôpazy ta cha parônahsa aw ei ta, Râh chichhihpa khihpizy ta ama cha chi aw.

ISAI 26:9

Ei hro ta zâ ta cha vâ ta, Ei chhôh liata ei thlahpa ta mydi ta a cha pado tyh. Na pachianazy alei chô liata a vaw tlôna maihta, Khizaw chyhsazy ta siana amâ chu tyh.

ISAI 45:23

Ei moh a reipa ta keimasasyh ta bie a taih na ta, Ei pakah tawhta siana ta bie pua ha ta, Vaw kua khao aw vei. Pakhu to ei hmiakô liata paneih aw ei ta, Paleih to ta na pazi awpa ta bie amâ taih aw.

ISAI 57:15

Moh chônôpa nata cheihchalopa ta hetana heta tah ta, Tlyzaw ta a ypa, a moh Pathaihpa bipa ta hetana heta a tah: “Areisipazy thlahpa pahra ta, Angiapachhipazy palôh pahra awpa ta, Kei he su sâhpa nata su pathaihpa liata pahrâ na ta, Angiapachhipa nata areisipazy hnohta ei pahrâ.

ISAI 6:3

Chatawhcha serâfi pakha ta serâfi hropa hnohta, “Pheisaihzy Abeipa cha, A pathaih na, a pathaih na, a pathaih na; Leilô zydua a rônahna ta a bie,” tahpa ta a awsao raihrie ei ta.

ISAI 60:5

Tilaipi hneirônazy nâ lâ vaw tlô aw ei ta, Râhzy liata sôh nata thihzy nâ lâ amâ vy aw. Chazy cha moh aw chi ta, Na hmia a kai kaw aw; Na palôh thapha aw ta, Nâ ly ngaita aw.

ZEREMIAH 10:7

Hy phopizy Beipa, Ahy ma cha chi leipa ta a y aw? Mo to ta ama cha chi awpa cha, Nâ phuhpa rai mah a châ tâh. Phopizy chyhsa sopa zydua hry liata, Nâ hawhpa he y leipa ei ta, Amâ beinarâh zydua liata chhao, Nâ hawhpa he y veih ei.

ZEREMIAH 16:19

Hy Abeipa, ei thatlôna nata ei thokhy, Nôpona noh liata ei chhai tyhpa y, Phopizy khizaw kaokih tawhta nâ lâ a vy aw ei ta, Hetana heta ama tah aw: “Haipa biezy tah leipa ta cha, Miah pathlatuhpazy ta khâpa ryu hmah to leipa ei ta; Athôhna a hnei leipa hmo phahnai leipazy tah leipa ta cha, Khâpa ryu hmah to veih ei.

ZEREMIAH 5:22

Na chi aw veih ei chi ma? Ei hmiakô liata a chalyu aw vei ei chi ma? Kei he tilaipi râhri châta sadi a sohtuhpa châ na ta, Tilaipi a khô lei nawpa ta, Chhâzaw pakhâna châta sadi a sohtuhpa ei châ. Tichatlaopazy a chatlao ngâ kaw hra ei sala, Râhri khô thei leipa ei ta; A aoh ngâ kaw hra ei sala, Râhri siepakhô thei veih ei,” Abeipa ta a tah.

HÔSIA 3:5

Cha khai tawhta, Izarei sawzy cha kua heih aw ei ta, Abeipa ama Khazohpa ama pado aw; ama bei Dâvi chhao ama pado hra aw. Noh hnôhlâzy liata cha china chôta Abeipa nata a phana lâ ama ngai aw.

HABAKU 1:12

Hy Abeipa ei Khazohpa, Ei Mo Pathaihpa, Nâ cha tlyzaw tawhtapa châ va chi ma? Thi aw ma pi. Hy Abeipa, âmo cha Pachiatuhpa châta rao chi ta; Hy Lôpanô, âmo cha, Chhoreituhpa châta na chahnao ei.

ZEKARIA 14:16

Zerusale a dyuhpa phopi zydua hry liata ahrohpa maih cha, Abeipa, Pheisaihzy Abeipa a naoh awpa nata Byureih Kyhchhi hmâ awpa ta, kô chareih ta Zerusale lâ ama khy tyh aw.

ZEKARIA 2:11

“Cha noh liata phopi hluhpi ta Abeipa a pazao aw ei ta, ei phopi ama châ aw. Na hnohta pahrâ aw na ta, Pheisaihzy Abeipa ta na hnohta eina vaw tuah tahpa na pahno aw.

MALAKHAI 1:11

“Noh chhina tawhta noh tlana taihta phopizy hry liata ei moh palyupalihpa ta y aw ta, su to liata ropahâhpa nata hmohlâpa pathaihpazy ei moh ta ama hlâ tyh aw. Phopizy hry liata ei moh palyupalihpa ta a y aw,” Pheisaihzy Abeipa ta a tah.

RAWMA 15:9

Chatanachata Zenitaizy chhao ta Khazohpa cha a ngiachhiena vâta ama reithai thei hra aw, Biehrai liata, “Zenitaizy hry liata cha reithai aw na ta, Na moh reithaipa ta ei sa aw,” tahpa ropa hawhna khata.

1 PITY 1:16

“Kei ei pathaihpa hawhta, nâmo chhao nama pathaih awpa a châ,” tahpa ropa a châ.

BIEPHUAH 11:15

Chatawhcha vâlyuhchâpa pasarina ta a chiahmie tô ta, “Khizaw khinarâh cha eima Beipa nata a Krista khinarâh a vaw châ haw. Ano ta chhâzaw nata tlyzaw ta ryu a reih aw,” tahpa ta ao paro ngaitapazy avâ liata vaw y ta.

BIEPHUAH 14:7

Ano chata ao paro ngaitapa ta, “Khazohpa chi u la, ano cha palyupalih teh u, a pachiana daihti a vaw tlô haw. Avâ nata alei, tilaipi nata tihnawh a taotuhpa cha a chhy teh u,” tah ta.

BIEPHUAH 16:5

Ti vâlyuhchâpa ta, “Hy Mo Pathaihpa y, Nâ cha adopa châ chi ta, A y haipa nata a y hapa na châ; Pachiana dopa na vaw tlôkhei haw.

BIEPHUAH 16:7

Chatawhcha Maisâh tawhta ao vaw pua ta, “A châ na, Hy Atotaotheipa Abeipa Khazoh, Na pachianazy cha a do ta a sia!” tahpa ta â chhypa thei na ta.

BIEPHUAH 19:2

A pachiana a do ta a sia; A sihryhna ta leilô a papuapa âzuahnô rônahpa cha, Khazohpa ta pachia ta; A chakaotuhpazy thisaih phuh cha, Âzuahnô chô liata a la haw,” tah ei ta.

BIEPHUAH 19:8

Poh rih dipa pathliepa nata pathaihpa A bu awpa pasaipa a châ,” vaw tah ta. Poh rih dipa cha mopathaihpazy siana hmotaopa a palâsa.

BIEPHUAH 3:7

“Philadelphia Awnanopa vâlyuhchâpa hnohta hetana heta roh teh: ‘Mopathaihpa, a hmeiseihpa, Dâvi châhbi hnei ta, ahy hmahta khaw thei lei awpa ta a pahytuhpa, ahy hmahta pahy thei lei awpa ta a khawtuhpa ta he biezy he a reih.

BIEPHUAH 4:8

Hmohrohneipa miapalihzy cha mathlaw miacharu hnei chyu ei ta, ama pôhpa chô lâ nata chhôh lâ mokhaoh ta a biepa ama châ. Chatanachata, “Atotaotheipa Abeipa Khazohpa, A y hapa, a y haipa nata a vaw y awpa cha, A pathaih na, a pathaih na, a pathaih na,” tahpa ta a chalih beih leipa ta, chhô nah zâ ta ama reithai.

BIEPHUAH 6:10

Âmo chata, “Hy Abeipa Chônôchaipa, pathaihpa nata adopa, khachâ ma alei chô liata a pahrâpazy chô liata eima thisaih phuh la leipa ta y aw chi ta, âmo cha pachia leipa ta na y aw tly?” tahpa ta ao paro ngaitapa ta awh ei ta.

1 SAMUELA 2:2

“Abeipa hawhta pathaihpa y veih ei: Nâ leipa ta mohropa y leipa ei ta, Eima Khazohpa hawhpa lôpanô y veih ei.