BIEPHUAH 15:3 - Mara Bible RV (BSI)

³ Khazohpa chakaotuhpa Mawsi hla nata Mietakutaw hlazy hetana heta ama sa: “Hy Atotaotheipa Abeipa Khazohpa, Na hmotaopazy rônah ta, Noâh â chhih kaw dia! Hy phopizy Beichaipa, Na lâpizy sia ta, Â do kaw dia!

BIEPHUAH 15:3 ပူးပေါင်းရင်းမြစ်များ

ÂTHAONA 17:1

Abarâ cha kô sychaki nata kô chaki a châ nahta, a hnohta Abeipa a vaw luah ta. Abeipa ta Abarâ hnohta, “Kei he Khazohpa Atotaotheipa ei châ. Ei hmiakô liata y la, seina rai hnei leipa ta y mah y.

1 THÂTIHZYRONA 6:49

Arawna nata a pathlazy deikua cha­, Khazohpa chakaotuhpa Mawsi ta bie a vaw piepa zydua hawhta, Su Pathaih Chaipa raihria zydua hriapa ta, Izarei châta chatlaina tao awpa ta, raopa hlâna maisâh liata nata ropahâhpa hlâna maisâh liata atheihna hlâna chakaona rai a hriatuhpazy ama châ.

2 THÂTIHZYRONA 24:6

Chavâta abei ta theihthai beipa Zehôdâ cha aw ta, a hnohta, “Abeipa chakaotuhpa Mawsi nata Izarei zawpizy ta ama vaw rao hapa hawhta, pahnokheina poh o châta pie awpa chhiezy cha Zudâh râhsawzy nata Zerusale khihsawzy khei awpa ta, khazia Livai pathlazy nâ hnaw vei?” tah ta.

NEHEMIAH 9:14

Na Pahânoh pathaihpa thâtih âmo pahnosa chi ta, châ chakaotuhpa Mawsi hmâpa ta biepiepazy, bieraopazy nata ryhpazy na pie ei.

ZAWBÂ 36:24

“A raihria reipapha awpa a thei mah y, Chyhsazy chhao ta hla ta ama reithai hra mâh tâh.

ZAWBÂ 5:9

Ano cha hmo rônahpa nata pahno pha leipazy taotuhpa châ ta, Hmo noâhchhihpa rei tiah leipazy taotuhpa a châ:

HLAZY 100:5

Abeipa cha pha ta, A kyhpachâna cha chhâzaw châta a daih ta, A ngâchhihna chhâ zydua taihta â daih.

HLAZY 105:5

A hmotao noâhpazy a thei thlâh ha u la, A hmonoâhpazy a theipa ta, A pachiana biezy a thei thlâh ha teh u.

HLAZY 111:2

Abeipa hmotaopazy cha rônah ta, A hmotaopazy chô liata a lypazy ta, A hmotaopazy kyh amâ chu tyh.

HLAZY 111:7

A ku raihriazy ngâchhihpa nata adopa châ ta, A pachuna zydua ngâ tlâhpa a châ.

HLAZY 139:14

Chichhihpa ta taopa châ na ta, Noâchhihpa ta taopa ei châpa vâta, Ei cha reithai. Na hmotaopazy cha noâh a chhih ngaita ei ta, Cha cha ei hro ta a pahno pasia.

HLAZY 145:17

Abeipa cha a yzie zydua liata sia ta, A hmotaopa zydua liata ngâchhihpa a châ.

HLAZY 145:6

Na hmotaopa thatlôzie nata rarôh yzie reih aw ei ta, Kei chhao ta na rônahzie ei phuah aw.

HLAZY 18:30

He Khazohpa lâpi cha phapaki ta, Abeipa bie cha â dozie pasia hapa châ ta, Ano cha a chhaituhpa zydua châta vyhphao a châ.

HLAZY 78:12

Ama pathlatuhpazy mohmô ta hmonoâhpazy tao ta, Izi râh Zônâ lyuzy liata hmonoâhpazy a taopa ei.

HLAZY 92:5

Hy Abeipa, na hmotaopazy cha rônah ta, Na pachânazy â thu kaw dia!

HLAZY 99:4

Hy Bei thatlôpa, adona pasô chi ta, Thlua hlei hnei leina ryureina na padua haw; Adona ta ryureih chi ta, Siana ta Zakaw chô liata ryu na reih.

ISAI 33:22

Abeipa cha miah pachiatuhpa châ ta, Abeipa cha ryhpa miah pietuhpa a châ. Abeipa cha eima bei châ ta, Ano ta miah a pachha aw.

ISAI 45:21

Reih u la, nama bie cha a vaw duakhei teh u; A saohiah tua tlai ei sa! Khahlâ tawhta ahy ma a chhochhielie tyh? Hlâno tawhta ahy ma a phuah tyh? Kei, Abeipa he châ va na ma? Keima leipa ta khazoh hropa y veih ei; Kei he Khazohpa siapa nata Pachhatuhpa cha châ na ta, Keima leipa ta ahropa y veih ei.

DÂNIAH 6:20

Dâniah yna lôpu cha â hnia nahta, pachârôh ngaitana chôta awh ta. Abei ta Dâniah cha bie a chho ta, a hnohta, “Hy Dâniah, Khazoh hrohpa chakaotuhpa y, na chakao tyhpa na Khazohpa ta chakeibarôhneipazy tawhtapa a cha pachha thei ma?” tah ta.

DÂNIAH 9:11

Izarei zydua ta na ryhpa parao ei ta, tleisai ei ta, na ao nathlie khoh veih ei. Chavâta châ chakaotuhpa Mawsi Ryhpa liata chhiesana nata bietai zy kha eima chô liata patlai thlupa ta eima y ha hih. Abeipa chô liata na eima vaw molei haw tlai.

HÔSIA 14:9

“Chyhsa sopa ta He hmozy he a novâh sala, Chyhsa novâhpa ta Pahno thai mawh sy! Abeipa lâpizy cha a do ta, Mosiapazy ta amâ chhih thei; Moleipazy deikua cha, Amâ chapia aw.”

MIKÂ 7:20

Miah pathlatuhpazy hnohta Hlâno tawhta bie nâ vaw taih hapa hawhta, Zakaw chô liata ngâchhihna palâsa aw chi ta, Abarahâ chô liata kyhpachâna tleih beih leipa na palâsa aw.

ZEPHANIA 3:5

A chhôh liata a ypa Abeipa cha sia ta, Hmo doleipa tao beih vei; My chareih ta a ryureina dopa palâsa ta, Â doleipa ta ryureih beih vei. Chyhsa doleipa deikua cha, Nozana châh chhao pahno vei.

ZEKARIA 9:9

Hy Zaio sawchanô, thapha ngaitapa ta y la, Hy Zerusale sawchanô, thata awh teh! Moh tua, na bei cha nâ lâta â vy hai; Mosiapa nata pachhatuhpa a châ; Areisipa ta alâ vaw kiah ta, Alâtaw, alâ panô taw tlai vaw kiah ta â vy.

ZAWHÂNA 1:17

Ryhpa cha Mawsi hmâpa ta piepa châ ta, ngiachhiena nata hmeiseihna deikua cha, Krista zawhzi ta a vaw ypa a châ.

RYHPACHANEINA 31:30

Mawsi ta Izarei zawpi zydua theina liata he hla biezy he achhâna taihta reih ta.

RYHPACHANEINA 32:3

Abeipa moh ei phuah aw, Eima Khazohpa cha rônahna patosa teh u!

RYHPACHANEINA 34:5

Chatanachata Abeipa chakaotuhpa Mawsi cha Abeipa bie hawhta Môabâ râh liata thi ta,

1 TIMAWTHY 1:17

Chhâzaw Beipa, thi thei leipa, hmô thei leipa nata Khazohpa a y chhôhpa hnohta chhâzaw nata tlyzaw ta palyupalihna nata rônahna y mawh sy. Amen.

HEBRAI 3:5

Hmialâ daihti liata bie rei awpazy pa-i nawpa ta, Mawsi cha Khazohpa o liata chakaotuhpa ngâchhihpa châ ta,

ZAWSUA 22:5

Abeipa chakaotuhpa Mawsi ta bie a cha piepa hawh ei ta, Abeipa nama Khazohpa cha a kyh pachâ ta, a lâpi zydua a chhihpa ta, a biepiepazy zyh ta, ano cha khâchâ patupa ta, nama pathipalôh tlokhuh ta nata nama thlahpa tlokhuh ta ano chakao awpa ta biepiepa nata ryhpazy pakhâta ta nama zyh awpa a châ,” tah ta.

BIEPHUAH 1:8

Abeipa Khazohpa ta, “Kei he Alphâ nata Ômekâ châ na ta, a y haipa, a y hapa nata a vaw y awpa, Atotaotheipa ei châ,” a tah.

BIEPHUAH 11:17

“Hy Abeipa Khazohpa Atotaotheipa, A y haipa nata a y hapa y, Na hmotaotheina rônahpa ta ryureih chi ta, Alyna bie eima cha hlâ.

BIEPHUAH 14:3

Beidyuchhai hmiakô nata hmohrohneipa miapalih nata machâzy hmiakô liata hla thiehpa sa ei ta. Alei tawhta chatlaipa chyhsa 144,000 zy dei leipa ta cha, ahy hmahta cha hla cha sa thei veih ei.

BIEPHUAH 14:8

Vâlyuhchâpa hropa, panona ta vaw pazi ta, “A pao haw, Babylaw khihpi rônahpa cha a pao haw. Sihryhna vâta phopi to hiehâhna kresawhti a padosatuhpa cha a pao haw,” tah ta.

BIEPHUAH 17:14

Mietakutaw a dyuh aw ei ta, châhrasala Mietakutaw ta âmo cha a pahnie aw. Mietakutaw cha hyutuhzy Hyutuhpa nata beizy Beipa châ ta, a hnohta a ypazy cha, awpazy, atlyhpazy nata ngâchhihpazy ama châ,” tah ta.

BIEPHUAH 19:16

A poh liata nata a byhpi liata, “Beizy Beipa nata hyutuhpazy Hyutuhpa,” tahpa moh ropa a hnei.

BIEPHUAH 19:2

A pachiana a do ta a sia; A sihryhna ta leilô a papuapa âzuahnô rônahpa cha, Khazohpa ta pachia ta; A chakaotuhpazy thisaih phuh cha, Âzuahnô chô liata a la haw,” tah ei ta.

BIEPHUAH 4:8

Hmohrohneipa miapalihzy cha mathlaw miacharu hnei chyu ei ta, ama pôhpa chô lâ nata chhôh lâ mokhaoh ta a biepa ama châ. Chatanachata, “Atotaotheipa Abeipa Khazohpa, A y hapa, a y haipa nata a vaw y awpa cha, A pathaih na, a pathaih na, a pathaih na,” tahpa ta a chalih beih leipa ta, chhô nah zâ ta ama reithai.