BIEPHUAH 14:8 - Mara Bible RV (BSI)

⁸ Vâlyuhchâpa hropa, panona ta vaw pazi ta, “A pao haw, Babylaw khihpi rônahpa cha a pao haw. Sihryhna vâta phopi to hiehâhna kresawhti a padosatuhpa cha a pao haw,” tah ta.

BIEPHUAH 14:8 ပူးပေါင်းရင်းမြစ်များ

ISAI 13:1

He bie he Amôza sawchapawpa Isai ta Babylaw kyh liata aluahna a hmôpa a châ.

ISAI 21:9

Pachâ teh, arâ a kiahpazy a vy ei ta, Arâ pheisaihzy a bao bao ta amâ vy,” tah ta. Riahvaituhpa lilaw chata, “A pao haw, Babylaw cha a pao haw, A khazoh nothlahpa zydua cha, Alei liata a taichheih khai haw,” Tahpa ta a chhy ta.

ZEREMIAH 50:1

He he Babylaw khihpi nata Kaldia râh kyh liata, Abeipa ta hrohsopa Zeremiah hmâpa ta a reipa bie a châ:

ZEREMIAH 51:64

‘He châbu hawhna heta Babylaw cha a pamôh aw ta, a chô liata chhiena ei patlôsa awpa vâta, thyu khao aw vei, thachhâ ngaitapa ta ama y aw,’ tahpa ta reih mah y,” tah ta. Kha via kha Zeremiah biezy cha a châ.

DÂNIAH 4:30

abei cha patuapalua ta, hetana heta tah ta, “He Babylaw rônahpa he keima hmotaotheina nata thatlôna tlai ta abei pahrâna o châta nata ei beina rônahna châta ei paduapa châ vei mâ?” tah ta.

NÂHU 3:19

Na hmah ru ngaita ta, Na pasana pahua nawpa y vei; Na thâ a theipa zydua ta Ama ku ama cha chabaih chie. Chhiena na taopa chhâ beih leipa vâta, Pasa a tao leipa ahy ma a y?

BIEPHUAH 11:8

Ama rizy cha khihpi rônahpa khiliah liata â zawh aw. Cha khihpi rônahpa cha thlahpa kyh lâta Sawdawmâ nata Izi moh bipa châ ta, ama Beipa ama khaipâna su kha a châ.

BIEPHUAH 16:19

Khihpi rônahpa cha su thôh ta a vaw patlaw ta, phopi to khihpizy cha pao ta. Khazohpa ta Babylaw rônahpa cha a thei thlâh ha ta. Chatanachata a hiehâhna ru ngaitapa kresawhti nyu cha a hnohta pie ta.

BIEPHUAH 17:18

Chanô na hmôpa kha khihpi rônahpa, lei beizy chô liata ryureituhpa a châ,” tah ta.

BIEPHUAH 19:2

A pachiana a do ta a sia; A sihryhna ta leilô a papuapa âzuahnô rônahpa cha, Khazohpa ta pachia ta; A chakaotuhpazy thisaih phuh cha, Âzuahnô chô liata a la haw,” tah ei ta.