BIEPHUAH 14:6 - Mara Bible RV (BSI)

⁶ Chatawhcha vâlyuhchâpa hropa avâ liata a zaw ngâpa hmô na ta. Ano cha alei liata a pahrâpa râh to, chi to, reih to nata phopi to hnohta phuah awpa tlyzaw thâtihpha a hneipa a châ.

BIEPHUAH 14:6 ပူးပေါင်းရင်းမြစ်များ

ÂTHAONA 1:6

Chatawhcha Khazohpa ta, “Tizy likawh liata aruapa y sala, cha chata ti nata tizy pachhaih mawh sy” tah ta.

2 SAMUELA 23:5

“Ei pathlazy he Khazohpa hmiakô liata paduapa châ veih ei ma? Khazohpa ta chhâzaw biehrai ei hnohta hraih ta, Ato yzie pahneisapa ta a pa-i. Chavâta ei pachhana kih patlô leipa ta ypa ta, Ei khopa na pie leipa ta a y aw ma?

HLAZY 119:142

Na siana cha chhâzaw siana châ ta, Na ryhpa chhao biedopa a châ.

HLAZY 139:24

Keima liata moleina hro a y ma moh la, Tlyzaw lâpi liata nâ chhi mah y!

HLAZY 145:13

Na khinarâh cha tlyzaw khinarâh châ ta, Na ryureina chhâ zydua ta â duah aw. Abeipa cha a bie zydua liata ngâ a chhih ta, A hmotaopa zydua liata a phapa a châ.

ISAI 40:8

Sibiepa cha uah ta, Pawpi chhao a lo tyh; Eima Khazohpa bie deikua cha, Tlyzaw ta â duah aw.

ISAI 45:17

Izarei deikua cha Abeipa ta pachha ta, Tlyzaw pachhana ta a pachha haw. Nozapa ta y khao leipa aw ei chi ta, Tlyzaw taihta nohzaopa ta y khao aw veih ei chi.

ISAI 51:6

Chô lâ avâzy khi sai u la, Ry lâta alei he moh tua u. Avâzy khi meikhuh hawhta pai aw ei ta, Alei he chysia hawhta paroh aw ta, A chhôh liata a pahrâpazy mathyupa hawhta ama thi aw. Ei pachhana deikua cha tlyzaw ta y aw ta, Ei siana chhao tleih beih aw vei.

ISAI 51:8

Chhoma-u ta chysia a niepa hawhta âmo cha nie aw ta, Alôpa ta sahmi pala a niepa hawhta a nie ha aw ei. Ei siana deikua cha tlyzaw ta y aw ta, Ei pachhana chhao chhâ zydua taihta a y aw.”

ISAI 6:2

Beidyuchhai chô lâta serâfizy a duah ei ta. Mathlaw miacharu chyu hnei ei ta. Mathlaw miano ta a hmia khu ta, miano ta a pheizy khu ta, miano ta a zaw ta.

EZEKIA 1:14

Dôhla pathliepa hawhna chata, hmohrohneipazy cha vawh heih a vy heih tahpa ta amâ râhreih lymâ.

DÂNIAH 4:1

Bei Nebukaneza ta, khizaw zydua liata a pahrâpa phopi to, râh to nata reih to hnohta hetana heta tah ta: Thlalôhna nama chô liata pôh lymâ mawh sy!

DÂNIAH 9:21

thlahchhâna bie ei rei hai no tlai ta, aluahna hmiatuapa liata ei hmôpa chyhsa, Kabriel kha ta, zâlâ atheihna hlâ daihti liata a chatliepa ta kei lâ a zâ zaw ta.

MATHAI 10:27

Zohna liata ei cha chhopa ei he, khaihna liata reih u la, bieparu ta nama theipa kha, vâphuh chô tawhta awh teh u.

MÂKA 16:15

Ama hnohta, “Khizaw zydua liata sie u la, hmotaopa zydua hnohta thâtihpha chho teh u.

RAWMA 16:25

Kô hluhpi nyupa ta a ypa bienyupa liata aluahna zipa ta, ei thâtihpha reipa nata Zisu Krista bie ei chhopa hawhta tha châ patlô theituhpa Khazohpa hnohta rônahna y mawh sy.

KAOLAOSÂ 1:23

Ngiapâna liata y thlâh ha u la, â ipa ta a duah teh u. Thâtihpha hnabeiseihna nama pahnopa tawhna khata nama tleisai leipa khiahta cha, cha hawhta nama châ thei aw. Cha thâtihpha cha avâ ry liata hmotaopa zydua hnohta phuahpa châ ta, kei, Pawla he, cha thâtihpha chakaotuhpa cha ei châ.

2 THYSALAWNIKA 2:16

Eima Beipa Zisu Krista nata Khazohpa eima Paw, kyh miah pachâ ta, ngiachhiena vâta chhâzaw thlalôhna nata hnabeiseihna phapa miah pietuhpa ta

HEBRAI 13:20

Tahmâ he thlalôhna Khazohpa, eima Beipa Zisu athihpa hry tawhta a pahro heihpa, chhâzaw biehrai thisaih vâta mietaku vaituhpa rônahpa ta

1 PITY 1:25

Abeipa bie deikua cha, Chhâzaw ta a y thlâh ha aw.” Cha bie cha thâtihpha ama cha chhopa cha a châ.

BIEPHUAH 10:11

Chatawhcha ei hnohta, “Phopi hluhpizy, râh hluhpizy, reih hluhpizy nata bei hluhpizy kyh na chhochhielie heih awpa a châ,” tahpa ta na chho ta.

BIEPHUAH 10:7

Vâlyuhchâpa pasarina ta chiahmie ta a awna noh liata deikua cha, a chakaotuhpa hrohsopazy hnohta a phuahpa hawhna khata, Khazohpa bienyupa cha pakipa a châ aw,” tah ta.

BIEPHUAH 13:7

Mopathaihpazy a dyuh ta pahnie awpa ta pasaipa châ ta, chi to, phopi to, reih to nata râh to chô liata biehneina a hnohta piepa a châ.

BIEPHUAH 3:10

Tao hualuana kyh liata ei bie nâ pyhpa vâta, alei liata a pahrâpazy pasia awpa ta khizaw zydua liata pasiana daihti a vaw tlô awpa tawhta ei cha pabohsa aw.

BIEPHUAH 5:9

Chatawhcha âmo chata, “Nâ cha châbu chatypa a la tlâhpa châ chi ta, A chahnaonazy a pathlâ tlâhpa na châ. Thiepa ta y chi ta, Na thisaih ta, Chi to nata reih to, Phopi to nata râh to zy cha, Khazohpa châta na chatlai ha ei.

BIEPHUAH 8:13

Chatawhcha kaw moh na ta, avâ liata a zawpa pahmôhpi ta ao paro ngaitapa ta, “Vâlyuhchâpa pathôh ta chiahmie ama vaw tô awpa pyuzy vâta, alei liata a pahrâpazy cha ama hu a po na, ama hu a po na, ama hu a po na!” a tahpa thei na ta.