BIEPHUAH 14:5 - Mara Bible RV (BSI)

⁵ Ama pakah tawhta haipa bie thei awpa rai y leipa ta, seina hnei leipazy ama châ.

BIEPHUAH 14:5 ပူးပေါင်းရင်းမြစ်များ

HLAZY 32:2

Abeipa ta thailei pachâsa leipa ta, A hro liata haidihaiduana a y leipa chyhsa cha a nohlao na.

HLAZY 34:13

Moleina tawhta na paleih vaih la, Haipa bie reipa tawhta na hmao vaih mah y.

HLAZY 55:11

Khihpi chhôh cha paraona ta bie ta, Tlybaina nata dôveina zy ta a lâlaizy puasai beih vei.

BIESOZY 8:8

Ei pakah bie zydua asiapa châ khai ta, Bie akopa tlyma, bie hloh hneipa tlyma y tlâ vei.

HLAZY HLA 4:7

Nâ ngia paki tlai na, ei lôhdunô, Sei nawpa rai hnei va chi.

ISAI 53:9

Thachahra hmâh beih leipa ta, A pakah liata dôveina bie a y beih leipa chhao ta, A thi tita moleipazy hry liata pabu ei ta, Hneirôhpazy hry liata a thlâ ama taopa.

DÂNIAH 6:4

Cha kyh vâna chata hyutuh laipazy nata bia avaotuhpazy ta Dâniah cha khinarâh avaona kyh liata ama leih nawpa tlua ei ta, châhrasala leih nawpa tlyma, â doleina tlyma hmô leipa ei ta. Ngâchhihpa a châpa vâta, taochheipa tlyma, adoleina tlyma ano liata hmô awpa y vei.

HÔSIA 10:2

Ama palôh doleipa vâta, Ama thaileichâna ama phaoh bâ aw. Abeipa ta ama maisâhzy phie aw ta, Ama panana tôhzy a parao aw.

ZEPHANIA 3:13

Izarei laibâhpazy cha, Hmo doleipa tao khao aw veih ei; Haipa bie reih khao leipa aw ei ta, Ama pakâh liata paleih dôvei hmâhpa y khao aw vei. Ama lao bâpa ta a byu aw ei ta, Ahy ta hmah âmo cha pachisa khao aw veih ei.

MALAKHAI 2:6

“Ryhpa dopa a pakah liata y ta, Biedoleipa a hmao liata y vei. Thlalôhna nata adona ta na sielâh tyh ta, Chyhsa hluhpi moleina tawhta a pakuasa ei.

MATHAI 12:34

Vâzi pathlazy saih u, nâmo moleipazy ta kheihta hmo phapa nama reih thei aw? Palôh liata a bie pakhôpa cha pakah ta a reih papua tyh.

LUKA 23:4

Pilâ ta theihthai beizy nata zawpizy hnohta, “He chyhsa chô liana heta thailei pachâsa nawpa khâpa hmah hmô va na,” tah ta.

ZAWHÂNA 1:47

Zisu ta Nâthaniah ano lâ â vy haipa a hmô nahta, a thâtih reih ta, “Moh teh u, Izarei saw hmeiseihpa, haidihaiduana rai a hnei leipa chyhsa huh!” tah ta.

EPHESI 5:27

Chatanachata Awnanopa cha a puapa rai a kiah leipa, a vo a dao leipa nata cha hawhpa hmo rai a phaoh leipa châ thei aw ta, pathaihpa nata seina hnei leipa Awnanopa rônahpa châ awpa ta, Krista ano tlai ta a tao aw.

KAOLAOSÂ 1:22

Tahmâ deikua cha, a hmiakô liata pathaihpa nata seina hnei leipa nata reipasipasua nawpa y leipa ta a cha paduasa thei nawpa ei ta, a sapa pôhpa liata thina ta ano nata a cha paryhsa ei.

HEBRAI 9:14

chhâzaw Thlahpa zawhzi ta, seina hnei leipa ta Khazohpa lâ anosasy ta a hlâtuhpa thisaih chhochhi ta cha, eima chhie nata pha pahnona cha hmotaopa thipa tawhta Khazohpa hrohpa chakaona lâta a pathaisa via pachai aw dia!

1 PITY 1:19

mietakutaw seina hnei leipa nata apuapa a bai leipa thisaih hawhta Krista thisaih sôhpa ta chatlaipa nama châpa nama pahno.

1 PITY 2:22

Ano cha hmo a parao beih leipa, a pakah liata haidihaiduana a y leipa a châ.

1 PITY 3:10

“Kyhpachâna hro tlaichhai ta, Noh pha a hmô khohpa cha, Moleina liata a paleih vaih sala, Dôveina liata a hmao vaih mawh sy.

ZUDÂH 1:24

Tahmâ he nama pao lei nawpa ta châ hrôbieh theipa ei nata a rônahna hmiakô liata seina hnei leipa ta, a ly ngaitapa ta châ soh theipa ei,