BIEPHUAH 14:20 - Mara Bible RV (BSI)

²⁰ Khihpi khôtho lâta kre saohna khaoh liata kre cha tlypa ta saoh ei ta, kre saohna khaoh tawhna chata thisaih vaw pua ta, thisaih cha arâ chhâri taih a thu ta, lyu 1,600 a seih.

BIEPHUAH 14:20 ပူးပေါင်းရင်းမြစ်များ

ÂTHAONA 49:11

A alâ taw kre zôh liata hraih aw ta, Kre zôh phapa liata a alâ taw a hraih aw. A chysiazy kresawhti liata pasu aw ta, A pohzy kre thisaih liata a ny aw.

ISAI 66:24

“Pua aw ei ta, nâ dyuhtuhpazy ri ama moh tyh aw. Ama lôpazy thi leipa aw ta, ama mei pachhaipa châ hra leipa aw ta, chyhsa zydua châta hmo pasichhih ngaitapa ama châ aw,” Abeipa ta a tah.

CHAPHÔHTUNA 1:15

“Ei pasaipha zydua kha, Abeipa ta a thy khai ha ei; Nâ dyuh awpa ta pakhypi aw ta, Ei satliazy pahleipadia awpa ta pakhypi a aw; Zudâh sawchanô laihsa kôpa cha, Kre saohna liata kre thei tlypa hawhta Abeipa ta a tly haw.

EZEKIA 32:6

Na thisaih a lohpa ta râh pahnasa aw na ta, Tlâhpizy tlôna taihta ei pahnasa aw; Chavah kaozy cha na ri ta a bie aw.

ZÔELA 3:13

“Nama savâ phia teh u, Sâh hria â daih ha hih. A vy u la, vaw tly teh u; Kre saohna khaoh bie ta, Tibeihzy a khô ha hih; Ama moleina a lai kaw dia!

RYHPACHANEINA 32:14

Viahchao hri sâhpiti kuapa ta cha pasa ta, Mietaku zaw sâhpiti ta a cha pasa; Mietakutaw thaw ta cha pasa ta, Bâsanâ mietaku tôhpa thaw ta cha pasapa ta, Mie thaw ta a cha pasa. Sâh pahâh chaipazy cha paniesa ta, Kre thisaih pathaihpa na doh tyh.

BIEPHUAH 11:8

Ama rizy cha khihpi rônahpa khiliah liata â zawh aw. Cha khihpi rônahpa cha thlahpa kyh lâta Sawdawmâ nata Izi moh bipa châ ta, ama Beipa ama khaipâna su kha a châ.