BIEPHUAH 14:15 - Mara Bible RV (BSI)

¹⁵ Achhyna o tawhta vâlyuhchâpa hropa vaw pua ta, meihdo chô liata a tyuhpa hnohna chata ao paro ngaitapa ta, “Na savâ kha hmâh la, sâh kha tai teh. Tai daihti a tlô haw, lei sâhzy liahsa ama maih haw,” tah ta.

BIEPHUAH 14:15 ပူးပေါင်းရင်းမြစ်များ

ÂTHAONA 15:6

Abarâ ta Abeipa cha a ngiapâ ta, â ngiapâna cha Abeipa ta a siana ta raopa ta.

ISAI 62:1

A siana cha khaihna hawhta pua sala, A pachhana meiôh khaihpa hawhta a papua hlâlei cha, Zaio vâta a thlih thlâh ha leipa aw na ta, Zerusale vâta a chalih aw va na.

ZEREMIAH 51:33

Pheisaihzy Abeipa, Izarei Khazohpa ta hetana heta a tah: “Babylaw sawchanô cha, Sâh tly nota sawhri hawhta a châ; Bohpi leipa ta a sâh hria daihti a vaw tlô aw.”

ZÔELA 3:13

“Nama savâ phia teh u, Sâh hria â daih ha hih. A vy u la, vaw tly teh u; Kre saohna khaoh bie ta, Tibeihzy a khô ha hih; Ama moleina a lai kaw dia!

MATHAI 13:30

Sâh hria daihti taih cha y khoh thlâh ha ei sala, sâh hria daihti liata hriatuhpazy hnohta, “Sâh pakheipazy kha pahmaoh tua u la, rao awpa ta a pia ta chahry u la, sâh deikua cha ei sawvâ liata pahmaoh teh u,” ei tah aw,’” tah ta.

MATHAI 13:39

âmo a hietuhpa chariahpa cha ahripa a châ. Sâh hria daihti cha daihti chhâna châ ta, hriatuhpazy cha vâlyuhchâpazy ama châ.

MATHAI 23:32

Châ pathlatuhpazy taopa kha tlao patlô lâlao teh u.

MÂKA 4:29

A thei cha a hmoh nahta, sâh hria daihti a châ hapa vâta, savâ ta thlai a tai tyh,” tah ta.

1 THYSALAWNIKA 2:16

Zenitaizy pachha ama châ thei nawpa ta ama hnohta bie chho awpa miah pakhâ ei ta, chatanachata ama moleina panuana ama pabie lymâ. Achhâna liata cha Khazohpa hiehâhna ama chô liata a vaw tlô haw.

BIEPHUAH 11:19

Chatawhcha avâ liata Khazohpa Achhyna o cha pahypa châ ta, Achhyna o chhôh liata a biehrai byh a vaw lâ ta. Dôhlazy vaw pathlie ta, aozy vaw pua ta, tôkalôhpazy a vaw thua ta, alo a sih ta, pareih thata a tla.

BIEPHUAH 13:12

Sahrâhpa hmiatuapa biehneina zydua kha a mohmô liata hmâh ta, alei nata a chhôh liata a pahrâpa zydua cha sahrâhpa hmiatuapa, thikhei thei awpa taihta hmah phaoh ta a tlâh hapa kha a pachhysa.

BIEPHUAH 14:14

Chatawhcha kaw moh na ta, meihdo râhpa hmô na ta. Meihdo chô liana chata chyhsa sawchapawpa a lyupa, a luh liata ngôh lakho a kho ta, a ku liata savâ tiah ngaitapa a chabapa ta a tyuhpa hmô na ta.

BIEPHUAH 14:16

Chatanachata meihdo chô liata a tyuhpa chata a savâ cha alei lâ za pathla ta, alei sâh cha taipa châ ha ta.

BIEPHUAH 14:17

Chatawhcha avâ liata Achhyna o tawhta vâlyuhchâpa hropa vaw pua heih ta. Ano chhao savâ tiah ngaitapa hnei ta.

BIEPHUAH 14:18

Vâlyuhchâpa hropa, mei chô liata biehneituhpa maisâh tawhta vaw pua ta, savâ tiahpa a hneipa hnohta ao paro ngaitapa ta, “Na savâ tiahpa kha hmâh la, alei liata kre zôh tawhta kre saozy za tai teh, kre theizy liahsa ama hmoh haw,” tah ta.

BIEPHUAH 15:6

Vâlyuhchâpa pasari cha potlana miasari chhaota achhyna byureih tawhta vaw pua ei ta. Vâlyuhchâpazy cha poh rih dipa pathaihpa nata diehpazy a bu ei ta, ama chachôhna liata ngôh chairi a zei ei ta.

BIEPHUAH 16:17

Vâlyuhchâpa pasarina ta a biebuh cha aruapa liata patlai ta. Achhyna o liata beidyuchhai tawhta ao paro ngaitapa vaw pua ta, ao chata, “A ngoh haw!” tah ta.

BIEPHUAH 6:10

Âmo chata, “Hy Abeipa Chônôchaipa, pathaihpa nata adopa, khachâ ma alei chô liata a pahrâpazy chô liata eima thisaih phuh la leipa ta y aw chi ta, âmo cha pachia leipa ta na y aw tly?” tahpa ta ao paro ngaitapa ta awh ei ta.