BIEPHUAH 14:14 - Mara Bible RV (BSI)

¹⁴ Chatawhcha kaw moh na ta, meihdo râhpa hmô na ta. Meihdo chô liana chata chyhsa sawchapawpa a lyupa, a luh liata ngôh lakho a kho ta, a ku liata savâ tiah ngaitapa a chabapa ta a tyuhpa hmô na ta.

BIEPHUAH 14:14 ပူးပေါင်းရင်းမြစ်များ

HLAZY 21:3

Byhnâ hluhpi ta ano cha dy chi ta, A luh liata ngôh suapa lakho na pakho.

HLAZY 97:2

Meihdo nata zoh kaluhpa ta Abeipa chadô ei ta, Siana nata adona cha a beidyuchhai abôna a châ.

ISAI 19:1

He he Izi kyh chhochhieliena bie a châ: Moh tua u, Abeipa cha meihdo chatliepa kiah ta, Izi râh lâ â vy hai. Izi râh khazoh nothlahpazy a hmiakô liata a chalyu awh ei ta, Izi mo palôh cha ama chhôh liata a zao khai aw.

EZEKIA 1:26

Ama luh chô vâphuh ahlôpa chô liata beidyuchhai a lyupa y ta, â lânazie cha saphai lôsôhpa hawhta a châ. Beidyuchhai a lyupa chô liana chata chyhsapa alânazie a lyupa a tyuh ta.

DÂNIAH 7:13

“Zâ ta aluahna liata hmô na ta, Moh teh u, avâ meihdo hry liata, Chyhsa sawchapaw a lyupa a vy ta; Hlôthlâhpa hnohta a vy ta, A hmiakô liata amâ vaw chhi.

MATHAI 13:30

Sâh hria daihti taih cha y khoh thlâh ha ei sala, sâh hria daihti liata hriatuhpazy hnohta, “Sâh pakheipazy kha pahmaoh tua u la, rao awpa ta a pia ta chahry u la, sâh deikua cha ei sawvâ liata pahmaoh teh u,” ei tah aw,’” tah ta.

MATHAI 17:5

A rei hai no tlai chata, meihdo râhpa ta âmo cha vaw khu ta, meihdo tawhta ao vaw pua ta, “He he ei Sawchapawpa kho ngaitapa, a chô liata ei ly ngaitapa a châ, a bie nathlie teh u,” tah ta.

MÂKA 4:29

A thei cha a hmoh nahta, sâh hria daihti a châ hapa vâta, savâ ta thlai a tai tyh,” tah ta.

LUKA 21:27

Cha tina chata Chyhsa Sawchapawpa cha hmotaotheina nata rônah ngaitapa ta meihdo hry liata â zupa ama hmô aw.

HEBRAI 2:9

Châhrasala bohpi leipa chhôh vâlyuhchâpazy hlâta a hnai viapa ta tao chypa Zisu cha, thina pasa a taopa vâta, tahmâ cha rônahna nata palyupalihna lakho pakhopa ta a ypa hmô pi ta, Khazohpa ngiachhiena zawhzi ta chyhsa to châta thina a padi haw.

BIEPHUAH 1:13

Meiôh patyunazy hry liata chyhsa sawchapawpa a lyupa, a phei pazah taihta poh a bu ta, a chachôhna liata ngôh chaisaihna a saihpa hmô na ta.

BIEPHUAH 1:7

Nathlie teh u, Krista cha meihdo hry liata a zu aw ta, mokhaoh to ta ano cha ama hmô aw. Ano a chôtuhpazy chhao khata hmô aw ei ta, khizaw phopi zydua ano vâta mâchhiesapa ta ama y aw. Châ tlai mawh sy. Amen.

BIEPHUAH 10:1

Chatawhcha vâlyuhchâpa hropa thatlô ngaitapa avâ tawhta a za chôpa hmô na ta. Meihdo ta a tobi ta, a luh chô liata meisaku a zawh ta, a hmia cha noh hawhta khaih ta, a pheizy cha mei tôh hawhta a châ.

BIEPHUAH 11:17

“Hy Abeipa Khazohpa Atotaotheipa, A y haipa nata a y hapa y, Na hmotaotheina rônahpa ta ryureih chi ta, Alyna bie eima cha hlâ.

BIEPHUAH 19:12

A mokhaohzy cha meipaleih lyu ta, a luh liata lakho hluhpi a kho ta, moh ropa, ano dei leipa ta ahy hmah ama pahno leipa a hnei.

BIEPHUAH 20:11

Chatawhcha beidyuchhai diehpa rônahpa nata a chô liata a tyuhpa hmô na ta. A hmiakô tawhta alei nata avâ a râ ei ta, âmo châta su rai y khao vei.

BIEPHUAH 6:2

Kaw moh na ta, arâ râhpa hmô na ta. A chô liata a kiahpa cha libaw a chaba ta, a hnohta lakho piepa châ ta, pahnietuhpa châ awpa nata pahnie lymâ awpa ta pua ha ta.