BIEPHUAH 14:1 - Mara Bible RV (BSI)

¹ Chatawhcha kaw moh na ta, Mietakutaw Zaio Tlâh liata a duahpa nata ama khi liata ano moh nata a Paw moh ârohpa, chyhsa 144,000 a hnohta a ypazy hmô na ta.

BIEPHUAH 14:1 ပူးပေါင်းရင်းမြစ်များ

HLAZY 2:6

“Ei tlâh pathaihpa Zaio tlâh liata, Ei Beipa ei patyusa haw,” a tah aw.

ISAI 49:14

Châhrasala Zaio ta, “Abeipa ta na siesai ha ta, Ei Khazohpa ta eina my haw,” a tah.

ZEREMIAH 1:11

Abeipa bie ei hnohta vaw tlô ta, “Zeremiah, khâpa na hmô?” tah ta. Kei ta, “Kuasâh tho chôchahrei ei hmô,” tah na ta.

EZEKIA 1:4

Moh na ta, maw lâ tawhta thlihpipa a vaw pathlipa nata meihdo chhakaluhpa hmô na ta. Meihdo tawhta dôhla mei â zaopa ta vaw pua ta, meihdo cha khaihna ta chadô ta. Mei liah liata thua patliepa a lyupa y ta.

EZEKIA 10:1

Chatawhcha moh na ta, cherubizy luh chô vâphuh ahlôpa chô liata beidyuchhai a lyupa saphai lôsôhpa hmô na ta.

EZEKIA 10:9

Chatawhcha moh na ta, cherubizy kiapâh liata tiaki miapalih hmô na ta. Cherubi pakha kiapâh liata tiaki miakha lymâ y ta, tiakizy alânazie cha beri lôsôhpa hawhta a patliepa ama châ.

EZEKIA 2:9

Chatawhcha moh na ta, châbu chatypa a chabapa ku ta eina vaw pazapa hmô na ta.

EZEKIA 44:4

Chatawhcha maw lâ a heihpa chhikao lâ tawhta Achhyna o tlyhmia lâ nâ chhi ta. Moh na ta, Abeipa Achhyna o cha Abeipa rônahna ta a bie khai hapa ta hmô na ta. Â khu lâta pao na ta.

EZEKIA 8:7

Chatawhcha dôhpachhôh tlyhmia ochhi lâ nâ chhi ta, moh na ta, thokhy liata a pyupa hmô na ta.

EZEKIA 9:4

Abeipa ta a hnohta, “Zerusale khihpi chahryh la, khihpi chhôh liata hmo pasichhihpa taopazy vâta a hrôpa nata a rôhpazy chyhsazy khi liata ngiana tao mah y,” tah ta.

DÂNIAH 12:5

Chatawhcha kei, Dâniah cha sai na ta, moh teh u, chyhsa hropa pano a vaw duah ei ta, pakha cha chavah ngiahkâ helâ chhâh ta, pakha cha chavah ngiahkâ hiakha lâ liata.

ZÔELA 2:32

“Abeipa moh a padopa maih cha, Pachhapa ama châ aw; Abeipa ta a reipa hawhta, Zaio Tlâh nata Zerusale liata laibâhpazy y aw ei ta; Laibâhpazy hry liata, Abeipa ta a awpazy amâ hlao aw.”

AMÔSÂ 8:2

Nopi theilâpa ta a biepa hrâbyh vaw y ta. Abeipa ta, “Amôsâ, khâpa ma na hmô?” na tah ta. Kei ta, “Nopi theilâpa hrâbyh ei hmô,” tah na ta. Chatawhcha Abeipa ta ei hnohta hetana heta tah ta: “Ei phopi Izarei chô liata chhâna noh a vaw tlô haw, Âmo cha chapia beih khao aw veih ei na.”

MIKÂ 4:7

Pheisypazy cha, Laibâhpazy ta tao aw ei na ta; Thy hapazy chhao, Râh thatlôpa ta ei tao aw ei; Abeipa ta Zaio tlâh liata, Ama chô liata ryu a reih aw; Tahmâ tawhta ama chô liata ryureih aw ta, Chhâzaw ta ryu a reih aw.

ZEKARIA 4:2

“Khâpa ma na hmô?” na tah ta. Kei ta, “Ngôh suapa ta taopa meiôh tôh, a pawhmao liata a beikoh y ta, beikoh tawhta pâthao miasari kaw pua ta, cha chô liata meiôh miasari a ypa hmô na ta,

LUKA 12:8

“Ei cha chho ei, chyhsa hmiakô liata nâ châhkheipa maih cha, Chyhsa Sawchapawpa ta Khazohpa vâlyuhchâpazy hmiakô liata â châhkhei hra aw.

RAWMA 9:33

“Pachâ teh, Zaio liata achapiana lô soh na ta, Moleina lôpanô ei soh; Ahy rai ano a ngiapâpa cha, Maophyuh aw vei,” tahpa ta ropa hawhta.

BIEPHUAH 14:14

Chatawhcha kaw moh na ta, meihdo râhpa hmô na ta. Meihdo chô liana chata chyhsa sawchapawpa a lyupa, a luh liata ngôh lakho a kho ta, a ku liata savâ tiah ngaitapa a chabapa ta a tyuhpa hmô na ta.

BIEPHUAH 14:3

Beidyuchhai hmiakô nata hmohrohneipa miapalih nata machâzy hmiakô liata hla thiehpa sa ei ta. Alei tawhta chatlaipa chyhsa 144,000 zy dei leipa ta cha, ahy hmahta cha hla cha sa thei veih ei.

BIEPHUAH 15:5

Cha khai tawhta kaw moh na ta, avâ liata pahnokheituhpa achhyna byureih cha a vaw pahy ta.

BIEPHUAH 22:4

A hmia hmô aw ei ta, ama khi liata a moh â choh aw.

BIEPHUAH 3:12

Pahnietuhpa cha ei Khazohpa Achhyna o liata otôh ta tao aw na ta, cha su tawhta pua khao aw vei. Ano liata ei Khazohpa moh nata ei Khazohpa khihpi, Zerusale thiehpa moh roh aw na ta, cha cha ei Khazohpa tawhta a za chôpa moh châ aw ta, vârâh tawhta a za chô awpa moh a châ. Cha cha ei moh thiehpa a châ aw.

BIEPHUAH 4:1

Cha khai tawhta kaw sai na ta, vârâh ochhi a pahypa hmô na ta. Ao ei thei tuapa, chiahmie pyu hawhta ei hnohta bie a reihpa khata, “He lâ a khy teh, he khai tawhta hmo a vaw tlô awpazy ei cha pahmô aw,” tah ta.

BIEPHUAH 6:8

Kaw moh na ta, arâ peipa hmô na ta, a chô liata a kiahpa moh cha Thina châ ta, a hnôh lâta Athihkhih ta vaw pazi ta. Khizaw zydua he su palih ta pachhaih ta su kha cha, zaozi, chakâhna, hri nata alei liata sahrâhpazy hmâpa ta thie awpa ta, ama hnohta biehneina piepa a châ.