BIEPHUAH 13:6 - Mara Bible RV (BSI)

⁶ Khazohpa reipachhie awpa ta a pakah â ta, Khazohpa moh nata a pahrâna su nata vârâh liata a pahrâpazy reipachhie ta.

BIEPHUAH 13:6 ပူးပေါင်းရင်းမြစ်များ

ZAWBÂ 3:1

Cha khai tawhta, Zawbâ cha a pakah â ta, a pina noh cha chhiesapa ta.

HLAZY 73:9

Ama pakah ta avâzy taih reipachhie ta, Ama paleih ta alei zydua a chahryh.

DÂNIAH 11:36

“Chatawhcha abei cha a khopa hawhta tao aw ta, anosasyh ta a pasâhsapa ta, khazoh to hlâta rônah viapa ta a tao aw ta, khazohzy Khazohpa a dyuhpa ta hmo anano ngaitapazy reih aw ta, hiehâhna daihti pakipa a châ hlâlei cha hmotaotheina a hnei aw, rao chiehpa hmo cha a tlô tlai awpa a châpa vâta.

DÂNIAH 7:25

Chônôchaipa chakhiana biezy reih aw ta, Chônôchaipa mopathaihpazy cha ama rie a pathei aw; Daihtizy nata ryhpazy panano a chhuah aw ta, Daihti miakha, daihtizy nata daihti khophie chhôh cha, A ku liata mopathaihpazy piepa a châ aw.

DÂNIAH 7:8

Kizy thâtih ei pachâ hai nota, ama hry tawhta ki hropa miakha, ki chyhpata kaw thao ta, ki hmiatuapa miathôhpazy kha ama tharizy chhaota a hmiakô liata thlopa ta y ei ta. Cha ki cha chyhsapa mozy hawhta mozy hnei ta, a palai ngaitapa ta bie a reihpa pakah a hnei.”

MATHAI 12:34

Vâzi pathlazy saih u, nâmo moleipazy ta kheihta hmo phapa nama reih thei aw? Palôh liata a bie pakhôpa cha pakah ta a reih papua tyh.

MATHAI 15:19

Moleina pachâna, lianycheina, apheina, apatlana, paruna, haipa bie reipa nata reipachhiena zy he palôh tawhta a kaw puapa a châ.

ZAWHÂNA 1:14

Bie cha chyhsapa lâta a vaw lie ta, eima hry liata a pahrâ. A rônahna, a Paw Sawchapaw matlupa rônahna tlai cha hmô pi ta, ngiachhiena nata hmeiseihna ta a biepa a châ.

RAWMA 3:13

Ama rao cha thlâ a pahypa châ ta, Ama paleih dôna bie reina châta hmâh ei ta, Ama hmao liata parih châmaih a y.

KAOLAOSÂ 1:19

Khazohpa ta ano cha a pakina to yna châta khoh ta,

KAOLAOSÂ 2:9

Khazohpa châna zydua cha, â kipa nata a pôhpa tlai ta Krista liata a pahrâ.

HEBRAI 9:2

Achhyna byureih sa ei ta, a chhôh tytuapa liata meiôh sona nata tlâhkhai nata Ypâna Viahchhâ sonazy y ta, cha cha Su Pathaihpa tahpa a châ.

HEBRAI 9:24

Krista cha a hmeiseihpa a lyupa ta taopa, ku ta sapa Su Pathaih Chaipa liata a ngia leipa ta, eima vyuhpa ta Khazohpa hmiakô liata a luah awpa ta, tahmâ vârâh liata â ngia hapa a châ.

BIEPHUAH 11:12

Chatawhcha ama hnohta, “He lâ a khy teh u,” tahpa ta avâ tawhta ao paro ngaitapa thei ei ta. Meihdo hry liata avâ lâ khy ei ta, ama khakhaipazy ta moh thlâh ha ei ta.

BIEPHUAH 12:12

Chavâta Hy avâzy nata a chhôh liata a pahrâpazy saih u, a ly teh u! Nâmo, alei nata tilaipi deikua cha, nama hu a po na! Ahripa ta daihti chyuta dei a hnei tahpa a pahnopa vâta, hiehâh ngaitapa ta nâmo lâ za chô ha tlôh ta,” tah ta.

BIEPHUAH 15:5

Cha khai tawhta kaw moh na ta, avâ liata pahnokheituhpa achhyna byureih cha a vaw pahy ta.

BIEPHUAH 18:20

“Hy avâ, ano vâta a ly la, Nâmo, mopathaihpazy, Nâmo, lyuhchâpazy, Nâmo, hrohsopazy, Ano vâta a ly teh u; Khazohpa ta a chô liata Viari a cha thôpa ha ei hih.”

BIEPHUAH 21:3

Beidyuchhai tawhta ao paro ngaitapa ta, “Moh teh u, Khazohpa pahrâna cha chyhsa hry liata a vaw y haw. Ama hnohta pahrâ aw ta, a chyhsazy ama châ aw. Khazohpa tlai cha ama hnohta y aw ta, ama Khazohpa a châ aw.

BIEPHUAH 4:1

Cha khai tawhta kaw sai na ta, vârâh ochhi a pahypa hmô na ta. Ao ei thei tuapa, chiahmie pyu hawhta ei hnohta bie a reihpa khata, “He lâ a khy teh, he khai tawhta hmo a vaw tlô awpazy ei cha pahmô aw,” tah ta.

BIEPHUAH 4:4

Beidyuchhai chadôpa ta beidyuchhai hropa miakih nata miapalih y ta, cha liata machâ paki nata papalih poh diehpa a bupa ta a tyuhpa hmô na ta, ama luh liata ngôh lakhozy a kho ei ta.

BIEPHUAH 5:13

Chatawhcha avâ nata alei nata alei ry nata tilaipi liata a ypa hmotaopa to nata ama chhôh liata a ypa zydua ta, “Beidyuchhai liata a tyuhpa nata Mietakutaw hnohta, Reithaina nata palyupalihna zy, Rônahna nata thatlôna zy, Chhâzaw nata tlyzaw ta y mawh sy,” tahpa ta ama reithaipa thei na ta.

BIEPHUAH 7:15

“Chavâta âmo cha, Khazohpa beidyuchhai hmiakô liata y ei ta, Chhô nah zâ ta ano Achhyna o liata ama chakao tyh; Beidyuchhai liata a tyuh aw ei ta, A ypâna ta a khu aw ei.

BIEPHUAH 7:9

Cha hnôhlâ ta kaw moh na ta, râh to, chi to, phopi to nata reih to tawhta zawpi hluh ngaitapa, ahy hmahta rei tiah leipazy cha poh diehpa a bupa nata thiahrâ kuah chabapa ta, beidyuchhai hmiakô liata nata Mietakutaw hmiakô liata amâ duapa hmô na ta.