BIEPHUAH 13:16 - Mara Bible RV (BSI)

¹⁶ Chyhsa zydua, molaipa nata mochyhpa, hneirôhpa nata dyhchhiepa, sei nata khotalaipazy cha ama ku chachâh lâ tlyma, ama khi liata tlyma, ngiana hnei khai awpa ta tao ta.

BIEPHUAH 13:16 ပူးပေါင်းရင်းမြစ်များ

2 THÂTIHZYRONA 15:13

Ahy rai Abeipa, Izarei Khazohpa a tlua leipa cha, hawti machâ, chanô chapaw, thie awpa ta biehrai ama tao.

ZAWBÂ 34:19

Abeisawzy khokhei via hlei leipa ta, Dyhchhiepa hlâta dyhphapa hmia a moh via hlei leipa châ vei ma? Ama zydua ta ano kuzô sai châ veih ei ma?

HLAZY 115:13

Abeipa a chituhpazy cha, A lai a chyh ta byhnâ a pie aw ei.

HLAZY 49:2

Molai mochyh, dyhpha dyhchhie, Nah pachôh khai teh u!

PUASAINA 13:9

Zawpakhô kyhchhi nama hmâ tyh awpa cha, Abeipa ryhpa nama pakah liata a y thlâh ha thei nawpa ta, ngiana châta nama ku liata a ky ei chi ta, atheithlâhna châta nama mo nata mo likawh liata nama sopa hawhta a châ aw. Abeipa ta ku thatlôpa ta Izi râh tawhta a châ chhi papua ei hih.

EZEKIA 9:4

Abeipa ta a hnohta, “Zerusale khihpi chahryh la, khihpi chhôh liata hmo pasichhihpa taopazy vâta a hrôpa nata a rôhpazy chyhsazy khi liata ngiana tao mah y,” tah ta.

ZEKARIA 13:6

Chyhsa ta, ‘Na ky liata hmahzy kha kheihta a hmôpa ma na châ tly?’ tahpa ta a hiahri khiahta cha, ‘Ei viasazy o liata hmah ei hmôpazy a châ,’ tahpa ta â chhy aw.”

HMOTAOPAZY 26:22

Châhrasala Khazohpa tawhta baona ei hmôpa vâta, tanoh taihta a châhkhei lymâ thei na ta, he liata chhao a duah na ta, chyhsa nawhpazy nata molaipazy hmiakô liata ei châhkhei theipa he a châ. Hrohsopazy nata Mawsi ta a vaw tlô awpa ama reipazy dei leipa ta, bie hropa khâpa hmah reih va na.

1 KAWRINI 12:13

Eima zydua ta, Zuzy chhao, Krikâhzy chhao, sei chhao, khotalaipa chhao, pôhpa miakha châ awpa ta Thlahpa miakha ta bâti pachâsapa châ pi ta, Thlahpa miakha tawhta padosapa eima châ khai.

KALATIA 3:28

Krista liata cha, Zu tlyma, Krikâh tlyma y leipa ta; sei tlyma, khotalaipa tlyma y hra leipa ta; chapaw tlyma, chanô tlyma y hra vei. Krista Zisu liata cha, nama zydua ta miakha nama châ.

KALATIA 6:17

Tahmâ tawhta la ahy hmahta na patypamâ khao khah sy, ei pôhpa liata Zisu eih ei châna ngianazy phaoh tlôh na ta.

EPHESI 6:8

Sei rai châ sala, khotalaipa rai châ sala, chyhsa to ta hmo phapa ama taopa maih cha, Abeipa tawhta ama hmô heih aw tahpa pahno teh u.

RYHPACHANEINA 11:18

“Chavâta ei biezy he nama palôh nata nama pachâna liata khô aw ei chi ta, ngiana châta nama ku liata chahry aw ei chi ta, nama mo nata mo likawh liata khiriena ta a y awpa a châ.

RYHPACHANEINA 6:8

Ngiana châta nama ku liata chahry aw ei chi ta, khiriena ta nama mo nata mo likawh liata nama rie aw.

KAOLAOSÂ 3:11

Cha chyhsa thiehpa hro liana cha, Krikâh chyhsa nata Zu chyhsa tahpa tlyma, chopawtaipa nata chopawtaileipa tahpa tlyma, chi hnohkhawpa tahpa tlyma, Skythia mo tahpa hawhpa tlyma, sei tahpa tlyma, khotalaipa tahpa tlyma, y khao vei. Krista cha ato châ ta, ato liata a ypa a châ.

2 TIMAWTHY 3:8

Zane nata Zambare ta Mawsi amâ dyuhpa hawhna khata, cha chyhsazy ta biehmeiseihpa amâ dyuh tyh. Palôh moleipa, ngiapâna kyh liata tloh leipa ama châ.

BIEPHUAH 11:18

Phopizy ama hiehâh ta, Na pathiiana a vaw tlô; Cha cha athihpazy pachiana daihti châ ta, Châ chakaotuhpa hrohsopazy nata mopathaihpazy Lymâ piena daihti a châ. Na moh a chituhpa a lai a chyh ta Lymâ piena daihti châ ta, Leilô paraotuhpazy paraona daihti a châ,” tahpa ta Khazohpa a chhy ei ta.

BIEPHUAH 15:2

Chatawhcha thlalâ tilaipi, mei nata a pahlaopa hmô na ta. Sahrâhpa nata a nothlahpa nata a moh nuby a pahnietuhpazy cha, Khazohpa totâzy chabapa ta thlalâ tilaipi kiah liata a duah ei ta.

BIEPHUAH 19:18

beizy, pheisaih hyutuhpazy, pasaiphazy, arâ nata a kiahtuhpazy, chyhsa zydua, sei nata khotalaipazy, mochyhpa nata molaipa sapazy vaw nie teh u,” tahpa ta awh ta.

BIEPHUAH 19:20

Sahrâhpa cha patupa châ ta. Sahrâhpa ngiana a hneipa nata sahrâhpa nothlahpa a chhytuhpazy dôveina hmonoâhpa a mohmô liata a tao tyhpa hrohso pakheipa chhao, a hnohta patu pâpa châ ta, kaih ta a kâ ngâpa mei tipo liata ama pano ta ahrohpa ta thypa ama châ.

BIEPHUAH 19:5

Chatawhcha beidyuchhai tawhta ao vaw pua ta, “Nâmo, Khazohpa chakaotuhpa zydua, Nâmo, ano a chituhpazy, Molaipa nata mochyhpazy saih u, Eima Khazohpa cha reithai teh u,” vaw tah ta.

BIEPHUAH 20:12

Beidyuchhai hmiakô liata molaipa nata mochyhpa athipazy a duahpa hmô na ta, châbuzy pahypa a châ. Châbu hropa, hrona châbu chhao pahypa châ ta. Athihpazy cha châbuzy liata ropa hawhta, ama hmotaozie lymâ hawhta pachiapa ama châ.

BIEPHUAH 20:4

Chatawhcha beidyuchhaizy hmô na ta, a chô liata a tyuhpazy cha ryurei awpa ta biehneina piepa châ ei ta. Zisu bie nata Khazohpa bie vâta luh taipazy thlahpa, sahrâhpa nata a nothlahpa a chhy leipa nata ama khi liata tlyma, ama ku liata tlyma, ngiana a hnei leipazy thlahpa chhao hmô na ta. Cha sahlao cha vaw hroh ei ta, kô sâh kha chhôh Krista ryureilâh ei ta.

BIEPHUAH 6:15

Chatanachata lei beizy, molaipazy, pheisaih hyutuh chaipazy, hneirôhpazy, thatlôpazy, sei nata khotalaipazy, chyhsa to cha lôpuzy liata nata tlâhpi liata lôpanôzy liata a nyu ei ta,

BIEPHUAH 7:3

“Eima Khazohpa chakaotuhpazy ama khi liata eima chahnao hlâlei cha, alei nata tilaipi nata thokô zy parao mâh khuh vy,” tahpa ta awh ta.