BIEPHUAH 13:15 - Mara Bible RV (BSI)

¹⁵ Sahrâhpa nothlahpa cha husona pahneisa awpa ta, sahrâhpa mianona hnohta hmotaotheina piepa châ ta, chatanachata sahrâhpa nothlahpa cha reih pathlie thei aw ta, sahrâhpa nothlahpa a chhy khoh leipa maih a pathiesa aw.

BIEPHUAH 13:15 ပူးပေါင်းရင်းမြစ်များ

ÂTHAONA 2:7

Chatawhcha Zehôvâh Khazohpa ta chhaohlei tawhta dohlei ta chyhsapa tao ta, a hnapasu liata hrona hu so thlu ta, chatanachata chyhsapa cha hrona hneipa a vaw châ haw.

HLAZY 115:5

Pakahzy hnei ei ta, Reih pathlie thai veih ei; Mozy hnei ei ta, Hmô veih ei.

ZEREMIAH 10:14

Chyhsa to ahrupa châ ei ta, Pahnona hnei veih ei. Nothlahpazy cha dôveina dei châ ei ta, Âmo liata husona a y leipa vâta, Ano taopa nothlahpazy cheingei ta, Ngôh daihtuhpa cha nozapa ta ama paysa tyh.

ZEREMIAH 10:5

Ama khazohzy cha athei lyu liata Pavaw pachisana nothlahpa hawh dei châ ei ta, Reih pathlie thei veih ei; Âmo kho ta ama sie thei leipa vâta, A sy awpa a byuh tyh. Chavâta âmo cha chi khuh vy; Hmo chhiepa tao thei leipa ei ta, Hmo phapa tao theina âmo liata y hra vei.”

ZEREMIAH 51:17

Chyhsa to ahrupa châ ei ta, Pahnona hnei veih ei. Nothlahpazy cha dôveina dei châ ei ta, Âmo liata husona y vei; Chavâta ano taopa nothlahpazy cheingei ta, Ngôh daihtuhpa cha nozapa ta a paysa tyh.

DÂNIAH 7:20

A luh liata ki miahrawhpazy kyh nata, ki hropa kaw thao ta, a hmiakô liata ki thôhpazy ama tlo hapa kyh zy, mo a hneipa ki nata a palaina bie a reihpa pakah kyh nata ki hropazy hlâta lai viapa ta â lâpa ki kyh chhao kha pahno khoh kaw na ta.

DÂNIAH 7:25

Chônôchaipa chakhiana biezy reih aw ta, Chônôchaipa mopathaihpazy cha ama rie a pathei aw; Daihtizy nata ryhpazy panano a chhuah aw ta, Daihti miakha, daihtizy nata daihti khophie chhôh cha, A ku liata mopathaihpazy piepa a châ aw.

HABAKU 2:19

Thotô hnohta, ‘Thyu teh’ tah ta, Hrona hnei leipa lôtô hnohta, ‘A hra teh,’ A tahtuhpa cha a hu a po na! Cha chata a chhihtha thei aw ma? Moh tua, ngôh nata tâkâ ta pahupa châ ta, Ano liata husona rai hnei vei.

ZÂMIE 2:26

Thlahpa a hlao leipa pôhpa cha athipa a châ. Cha hawhna chata hmotaopa a hlao leipa ngiapâna chhao athipa a châ hra.

BIEPHUAH 13:1

Chatawhcha sahrâhpa, ki hrawh nata luh sari a hneipa, tilaipi tawhta a kaw puapa hmô na ta. A kizy liata beilakho miahrawh y ta, a luhzy liata Khazohpa reipachhiena mohzy a y.

BIEPHUAH 13:12

Sahrâhpa hmiatuapa biehneina zydua kha a mohmô liata hmâh ta, alei nata a chhôh liata a pahrâpa zydua cha sahrâhpa hmiatuapa, thikhei thei awpa taihta hmah phaoh ta a tlâh hapa kha a pachhysa.

BIEPHUAH 13:14

Sahrâhpa hmiatuapa moh ta hmonoâhpa taotheina hmotaotheina piepa a châpa hmâpa ta, alei liata a pahrâpazy dôvei ta, zaozi hmah phaoh ta a hroh heihpa sahrâhpa nothlahpa padua awpa ta a chho ei.

BIEPHUAH 14:11

Cha chyhsazy pasataona meikhuh cha chhâzaw nata tlyzaw ta pua aw ta, sahrâhpa nata a nothlahpa achhytuhpazy nata a moh ngiana a hneipa maihzy cha, chhô nah zâ ta apahâna rai hnei aw veih ei,” tah ta.

BIEPHUAH 14:9

Vâlyuhchâpa hropa, pathôhna ta âmo cha vaw pazi ta, ao paro ngaitapa ta, “Ahy rai sahrâhpa nata a nothlahpa a chhypa ta, a khi liata tlyma, a ku liata tlyma, ngiana a hnei khiahta cha,

BIEPHUAH 16:2

Vâlyuhchâpa pakhana cha sie ta, a biebuh cha alei liata patlai ta. Sahrâhpa ngiana a hneipa chyhsazy nata a nothlahpa a chhypazy chô liata hmahchhiepa nata pasana lâta a vaw lie ta.

BIEPHUAH 16:5

Ti vâlyuhchâpa ta, “Hy Mo Pathaihpa y, Nâ cha adopa châ chi ta, A y haipa nata a y hapa na châ; Pachiana dopa na vaw tlôkhei haw.

BIEPHUAH 17:14

Mietakutaw a dyuh aw ei ta, châhrasala Mietakutaw ta âmo cha a pahnie aw. Mietakutaw cha hyutuhzy Hyutuhpa nata beizy Beipa châ ta, a hnohta a ypazy cha, awpazy, atlyhpazy nata ngâchhihpazy ama châ,” tah ta.

BIEPHUAH 17:17

Khazohpa biezy pakipa a châ hlâlei a hmochhuahpa ama hria thei nawpa ta, Khazohpa ta âmo cha palôh miakha phaoh awpa ta tao ta, amâ beinarâh chhao sahrâhpa hnohta pie khohna palôh a pahneisa ei.

BIEPHUAH 17:6

Cha chanô cha mopathaihpazy thisaih nata Zisu mâtyzy thisaih a paripa ta hmô na ta. Ei hmô nahta, ei noâh ngaita ta.

BIEPHUAH 18:20

“Hy avâ, ano vâta a ly la, Nâmo, mopathaihpazy, Nâmo, lyuhchâpazy, Nâmo, hrohsopazy, Ano vâta a ly teh u; Khazohpa ta a chô liata Viari a cha thôpa ha ei hih.”

BIEPHUAH 18:24

A chhôh liata hrohsopazy thisaih y ta, Mopathaihpazy thisaih chhao y ta, Lei liata thiepa zydua thisaih a y.”

BIEPHUAH 19:20

Sahrâhpa cha patupa châ ta. Sahrâhpa ngiana a hneipa nata sahrâhpa nothlahpa a chhytuhpazy dôveina hmonoâhpa a mohmô liata a tao tyhpa hrohso pakheipa chhao, a hnohta patu pâpa châ ta, kaih ta a kâ ngâpa mei tipo liata ama pano ta ahrohpa ta thypa ama châ.

BIEPHUAH 20:4

Chatawhcha beidyuchhaizy hmô na ta, a chô liata a tyuhpazy cha ryurei awpa ta biehneina piepa châ ei ta. Zisu bie nata Khazohpa bie vâta luh taipazy thlahpa, sahrâhpa nata a nothlahpa a chhy leipa nata ama khi liata tlyma, ama ku liata tlyma, ngiana a hnei leipazy thlahpa chhao hmô na ta. Cha sahlao cha vaw hroh ei ta, kô sâh kha chhôh Krista ryureilâh ei ta.