BIEPHUAH 13:14 - Mara Bible RV (BSI)

¹⁴ Sahrâhpa hmiatuapa moh ta hmonoâhpa taotheina hmotaotheina piepa a châpa hmâpa ta, alei liata a pahrâpazy dôvei ta, zaozi hmah phaoh ta a hroh heihpa sahrâhpa nothlahpa padua awpa ta a chho ei.

BIEPHUAH 13:14 ပူးပေါင်းရင်းမြစ်များ

2 ABEIZY 20:7

Isai ta, “Theiku viahchhâ vaw cheih teh u. Cha cha la ei sala, kheihluh liata bai ei sala, a tlâh aw,” tah ta.

2 ABEIZY 22:20

Chavâta pachâ teh, châ pathlatuhpazy hnohta cha pahlyh aw na ta, thlalôhpa ta thlâkhaoh a ngia aw chi ta, he su chô liata chhiena ei patlôsa awpa cha, na mo ta hmô aw vei,’ tahpa ta nama chho aw,” tah ta. Cha biezy cha abei lâ tlôkhei ei ta.

2 THÂTIHZYRONA 18:21

Thlahpa chata, ‘Vawh aw na ta, a hrohsopa zydua pakah liata thlahpa haih thaipa ei kei châ aw,’ tah ta. Abeipa ta, ‘Kei reipasao aw chi ta, na pahnie aw. Vawh la, cha hawhna chata kei tao teh,’ tah ta.

ZAWBÂ 12:16

Ano liata thatlôna nata sona y ta, Dôveipa nata dôveituhpa chhao ano eih ama châ.

PUASAINA 7:11

Phiraoh chhao ta chyhsa sopazy nata dyuthaipazy aw hra ta, Izi râh liata moliethaipazy chhao chata ama dyu hmâpa ta, cha hawhna tlai chata tao hra ei ta.

ISAI 44:20

Cha hawhpa chyhsa cha, Buchâh a niepa châ ta; Palôh sie chheipa chyhsa ta A pasiechheisa hapa a châ. Anosasyh ta a pachha thei leipa ta, “Ei ku chachâh lâta haipa bie a y ma?” A tah thei awpa duahmo liata a duah hra vei.

EZEKIA 14:9

“Hrohsopa cha dôveipa ta ypa ta, bie a reih khiahta cha, kei Abeipa ta hrohsopa cha ei dôveipa châ ta, a chô liata ei ku hy aw na ta, ei phopi Izarei hry tawhta ei pahleipadia ha aw.

EZEKIA 16:17

Ei ngôh nata ei tâkâ atobina a ngia ngaitapa ei cha piepazy chhao la chi ta, chapaw khazoh nothlahpazy tao chi ta, âmo liata nâ zuah tyh.

EZEKIA 8:10

Chatanachata a ngia na ta, hmô na ta. Alyhpasa to nothlahpazy, sahrâhpa pasichhihpa nothlahpazy nata Izarei pathlazy khazoh nothlahpa zydua cha, thokhy pâhchhô a chheipa ta khiepa châ ta.

DÂNIAH 11:36

“Chatawhcha abei cha a khopa hawhta tao aw ta, anosasyh ta a pasâhsapa ta, khazoh to hlâta rônah viapa ta a tao aw ta, khazohzy Khazohpa a dyuhpa ta hmo anano ngaitapazy reih aw ta, hiehâhna daihti pakipa a châ hlâlei cha hmotaotheina a hnei aw, rao chiehpa hmo cha a tlô tlai awpa a châpa vâta.

2 THYSALAWNIKA 2:4

Ano cha khazoh moh bipa nata a chhypa maih a dyuhpa ta, anosasyh â palyupalih aw. Khazohpa hawhta a phuah aw ta, Khazohpa Achhyna o liata a tyuh aw ta, Khazohpa hawhta â chaluah aw.

BIEPHUAH 12:9

Chatawhcha drâkao lai ngaitapa, parih hlôpa, ahripa nata Sâtâ tahpa ta moh bipa, khizaw zydua a dôtuhpa cha za thy pathlah ei ta. Alei lâ za thy ei ta, a vâlyuhchâpazy chhao a hnohta za thy pâ hra ei ta.

BIEPHUAH 13:1

Chatawhcha sahrâhpa, ki hrawh nata luh sari a hneipa, tilaipi tawhta a kaw puapa hmô na ta. A kizy liata beilakho miahrawh y ta, a luhzy liata Khazohpa reipachhiena mohzy a y.

BIEPHUAH 13:15

Sahrâhpa nothlahpa cha husona pahneisa awpa ta, sahrâhpa mianona hnohta hmotaotheina piepa châ ta, chatanachata sahrâhpa nothlahpa cha reih pathlie thei aw ta, sahrâhpa nothlahpa a chhy khoh leipa maih a pathiesa aw.

BIEPHUAH 13:8

Alei chô liata a pahrâpa zydua, khizaw â thao tua no tawhta thie chiehpa Mietakutaw hrona châbu liata moh ro leipa maihta ano cha amâ chhy aw.

BIEPHUAH 14:11

Cha chyhsazy pasataona meikhuh cha chhâzaw nata tlyzaw ta pua aw ta, sahrâhpa nata a nothlahpa achhytuhpazy nata a moh ngiana a hneipa maihzy cha, chhô nah zâ ta apahâna rai hnei aw veih ei,” tah ta.

BIEPHUAH 14:9

Vâlyuhchâpa hropa, pathôhna ta âmo cha vaw pazi ta, ao paro ngaitapa ta, “Ahy rai sahrâhpa nata a nothlahpa a chhypa ta, a khi liata tlyma, a ku liata tlyma, ngiana a hnei khiahta cha,

BIEPHUAH 15:2

Chatawhcha thlalâ tilaipi, mei nata a pahlaopa hmô na ta. Sahrâhpa nata a nothlahpa nata a moh nuby a pahnietuhpazy cha, Khazohpa totâzy chabapa ta thlalâ tilaipi kiah liata a duah ei ta.

BIEPHUAH 16:13

Chatawhcha drâkao nata sahrâhpa nata hrohso pakheipa pakahzy tawhta cha-u a lyupa thlahpa puapa pathôh ama vaw puapa hmô na ta.

BIEPHUAH 16:2

Vâlyuhchâpa pakhana cha sie ta, a biebuh cha alei liata patlai ta. Sahrâhpa ngiana a hneipa chyhsazy nata a nothlahpa a chhypazy chô liata hmahchhiepa nata pasana lâta a vaw lie ta.

BIEPHUAH 18:23

Meiôh khaihna chhao, Na chhôh liata khaih khao aw vei. Myuhneituhpa ao nata myuh aozy chhao, Na chhôh liata theipa châ khao aw vei. Na sôhpalietuhpazy cha, Lei chyhsa rônahpazy châ ei ta, Na dyuthaina ta phopi zydua dôveipa ta ama y.

BIEPHUAH 19:20

Sahrâhpa cha patupa châ ta. Sahrâhpa ngiana a hneipa nata sahrâhpa nothlahpa a chhytuhpazy dôveina hmonoâhpa a mohmô liata a tao tyhpa hrohso pakheipa chhao, a hnohta patu pâpa châ ta, kaih ta a kâ ngâpa mei tipo liata ama pano ta ahrohpa ta thypa ama châ.

BIEPHUAH 2:10

Pasa na tao awpazy chi khah y. Pachâ tua, ahripa ta nama hry liata chyhsa thokha patâhna o liata a cha khô aw ei. Pasiapa ta y aw ei chi ta, noh hrawh chhôh rietheipasa nama tao aw. Thina taihta ngâchhihpa ta y mah y, hrona lakho ei cha pie aw.

BIEPHUAH 20:10

Âmo dôveituhpa ahripa cha, sahrâhpa nata hrohso pakheipa yna mei nata kaih tipo liata thypa châ ta, chhô nah zâ ta chhâzaw nata tlyzaw ta pasa pataosapa a châ aw.

BIEPHUAH 3:10

Tao hualuana kyh liata ei bie nâ pyhpa vâta, alei liata a pahrâpazy pasia awpa ta khizaw zydua liata pasiana daihti a vaw tlô awpa tawhta ei cha pabohsa aw.